Новости за 29.08.2019

Европската унија ја предупредила Србија дека не смее да биде дел од руската Евроазиска унија доколку сака да се зачлени во европскиот блок, информира утрово Евроњуз, пренесе МИА. Портпарол на Европската Комисија за Евроњуз изјави дека дека Србија ќе мора да се повлече од сите други билатерални спогодби за слободна трговија доколку сака да влезе во ЕУ. Белград најави дека планира да и се придружи на Евроазиската Унија во текот на октомври. Евроазиската Унија ја сочинуваат Русија и други земји од поранешниот советски блок како Ерменија... Читать дальше...

Иако е посочен во досега собраните искази, обвинителката Вилма Русковска не го повикува Зоран Заев на распит за неговата инволвираност во рекетирањето, обвини денеска опозициската ВМРО-ДПМНЕ. „За Вилма Русковска важат двојни стандарди. Исказ од сведок пред три месеци и беше доволен за да го обвини Митко Чавков и други лица за измислено дело тероризам, а сега Русковска кога станува збор за Зоран Заев кој треба да се најде на обвинителна клупа молчи, ја развлекува истрагата и ништо не презема“, стои во соопштението од ВМРО-ДПМНЕ. Читать дальше...

На неформалниот состанок во Хелсинки на министрите за надворешни работи на земјите од ЕУ и државите кандидати за членство, шефовите на дипломатиите на Република Северна Македонија и Република Кипар, ќе потпишат документ за воспоставување на дипломатски односи меѓу двете земји. Средбата на Никола Димитров со Никос Христодулидис ја потврдуваат и од македонското и од кипарското МНР, jави дописничката на МИА од Атина. „На маргините на состанокот, се очекува министерот Димитров да оствари и повеќе билатерални средби со свои колеги... Читать дальше...

Италијанската Демократска партија на левиот центар и популистичкото движење Пет ѕвезди соопштија дека се согласиле да формираат коалициска влада. До договорот дојде откако Демократската партија го прифати барањето на Пет ѕвезди Џузепе Конте повторно да биде премиер. Владата би требало да функционира до следните редовни избори во 2023 година. Со тоа пропадна обидот на десничарската Лига на Матео Салвини да предизвика предвремени парламентарни избори.

Меѓународната мировна мисија на Косово КФОР најави продолжување на вообичаените вежби и движења на силите со цел таа мисија, како што се наведува, да биде подготвена да им гарантира безбедност на граѓаните на Косово. „Во наредните денови ќе има некакви движења на трупите на КФОР во различни делови на Косово“, се наведува во текстот објавен на Фејсбук страницата на КФОР.

Премиерот на Грција Кирјакос Мицотакис денеска во Берлин ќе има средба со германската канцеларка Ангела Меркел. Придвено е, како што е соопштено во Атина, да се разговара за инвестициите и мигрантското прашање. Мицотакис ќе разговара и со заменикот канцеларот и министер за финансии Олаф Шолц.

Пуч, длабока политичка криза, економска рецесија. Ова се главните оценки во Британија откако кралицата Елизабета Втора го одобри барањето на премиерот Борис Џонсон за прекинување на работата на парламентот. Овој потег беше очекуван по договорот на опозициските партии да го спречат излегувањето на Британија од ЕУ без договор.

Министрите за надворешни работи на земјите членки на Европската унија денеска и утре во Хелсинки ќе одржат неформален состанок. Тие ќе разговараат за актуелни меѓународни теми, како што се ситуацијата на Блискиот исток, Европа и Арктикот, како и опасноста од хибридни напади. Покрај тоа, евроминистрите ќе имаат состанок и со шефовите на дипломатиите на земјите од Западен Балкан на кој ќе стане збор за регионалната соработка. На состанокот ќе претседава високиот претставник на Унијата за надворешни работи и безбедносна политика Федерика Могерини.

Претседателот на Комисијата за европски прашања на Собранието на Република Северна Македонија Артан Груби за денеска закажа седница на Комисијата. На неа ќе се разговара за двата клучни закони, Предлогот на закон за јавното обвинителство и Предлогот на закон за изменување и дополнување на Законот за Советот на јавните обвинители на Република Македонија,кои што треба да бидат разгледани на Комисијата за европски прашања.