Новости за 10.08.2019

Претседателот на Врховен суд, Јово Вангеловски за ТВ21 изјави дека одлуките за укинувањето на куќен притвор за тројцата осомничени во случајот „Империја“ на СЈО0, Орце Камчев, Цветан Панделевски и Ненад Јосифовиќ биле донесени во согласност со начелно правните мислења и дека не можат повторно да се разгледаат. Според него, тоа што тие постапувале спротивно на начелното правно мислење е проблем на СЈО. „Начелно правното мислење е дека по истекот на мандатот, СЈО веќе не е овластен тужител, но можеби... Читать дальше...

Во новата трета серија по ред на аудио снимки поврзани со случајот „Рекет'“, според италијанскиот весник „Ла Верита“, се слуша како шефицата на СЈО, Катица Јанева му вели на бизнисменот Орце Камчев дека го држи случајот „Империја“ под контрола и за прв пат Боки 13 го спомнува премиерот Зоран Заев.

Руската полиција уапсила 72 лица на протестите на приврзаниците на опозицијата, организирани во неколку градови, соопштија независни набљудувачи. Според нив, 55 лица се приведени во Санкт Петерсбург, 10 во Москва и седум во Ростов на Дон. Демонстрантите се противат на одлуката на локалните власти, која во минатиот месец им забрани на десетици независни кандидати да учествуваат на локалните избори.

Американскиот претседател Доналд Трамп изјави дека лидерот на Северна Кореја, Ким Џонг Ун сака да се сретнат уште еднаш за да започнат преговори откако ќе завршат зааедничките воени вежби меѓу Јужна Кореја и САД. Трамп на Твитер напиша дека Ким тоа му го соопштил во писмо адресирано до него. Тој порача и дека „со нетрпение очекува да го види Ким Џонг Ун во не толку далечна иднина“. Трамп истакна и дека севернокорејскиот лидер му понудил „мало извинување“ за неодамнешните ракетни тестови со краток... Читать дальше...

Илјадници приврзаници на руската опозиција се собраа денеска во Москва на четвртиот голем протест во изминатите четири недели кој се одржа под силно полициско обезбедување. Тие се противат на одлуката на локалните власти, која во минатиот месец им забрани на десетици независни кандидати да учествуваат на локалните избори. На протестите на 27 јули и 3 август, полицијата употреби палки против демонстрантите и уапси повеќе од 2.300 луѓе.

Портпаролот на СДСМ, Костадин Костадинов денеска изјави дека по последните снимки објавени од италијанскиот весник „Ла верита“ во ниеден момент не укажуваат на било каква вмешаност на премиерот Зоран Заев во случајот „Рекет“ туку сосема спротивно. „Од снимките е повеќе е јасно дека премиерот Заев ниту директно ниту индиректно не е вмешан во овој случај, но станува јасно дека единствена цел на овие снимки е токму тој да биде дискредитиран. Премиерот Заев го пријави случајот и се бори за правда,... Читать дальше...

Северна Кореја истрелала две ракети што се толкува како знак на протест против заедничките воени вежби на Северна Кореја и САД. Се уште не се знае типот на ракетите, но Јужна Кореја соопшти дека тие биле истрелани од североисточниот брег на земјата. Северна Кореја во изминатиот период вреше тестирања на балистички ракети со краток дострел. Пјонгјанг соопшти дека претходните лансирања биле „свечено предупредување“ за Јужна Кореја во врска со нејзините планови за продолжување на воените вежби со САД.

Лидерот на ВМРО-ДПМНЕ Христијан Мицкоски денеска по објавата на новите аудио снимки поврзани со Случајот „Рекет“ реагираше дека никој не верува во алиби соопштенијата на Владата, ниту пак во правдањата на компромитираното СЈО. Вистината, според него, е оти Владата под маската за борба против криминал создала и штити криминал.  „Симплифицирано ова би значело, Катица, која е пуленот на Заев, треба да почекаме да се врати од “боледувањето” кое случајно го врви на море кај јужниот сосед, со надеж дека... Читать дальше...

Околу два милиони муслимани се собраа во Саудиска Арабија на годишниот аџилак. Верниците ја минале ноќта во голем камп на ридот на планината Арафат каде што исламот смета дека Бог ја тестирал верата на Аврам со тоа што му заповедал да го жртвува неговиот син Исмаил. Тоа е, исто така, местото каде пророкот Мухамед ја дал својата последна проповед. Петдневниот ритуал претставува верска должност еднаш во животот за секој работоспособен муслиман, кој може да си го дозволи патувањето.

Директорката на Управата за јавни приходи Сања Лукаревска при посета на Штип изјави дека од стартот на мерката Мој ДДВ од почетокот на минатиот месец досега се скенирани девет милиони фискални сметки. Според неа, остварениот промет е околу 4,7 милијарди денари. Таа посочи и дека првпат државата директно враќа пари назад на сметките на граѓаните.

Премиерот Зоран Заев денеска на Фејсбук по најновиот објавен разговор на италијанскиот весник „Ла Верита“ реагираше дека некои од осомничените го спомнуваат и злоупотребуваат неговото име. Осомничениот во случајот „Рекет“, Бојан Јовановски во една од аудио снимките, како што наведува весникот, го информира бизнисменот Орце Камчев дека има закажана средба со премеирот Зоран Заев. Според Заев, во разговорот се изнесуваат лаги и бесмислици со цел едниот соговорник да ја зајакне својата позиција на моќ и авторитет пред другиот соговорник. Читать дальше...

Најмалку 13 лица загинале, а 16 се водат како исчезнати во источна Кина во лизгање на земјиште предизвикано од голем тајфун, при што беа евакуирани повеќе од еден милион луѓе и големи нарушувања во сообраќајот. Како резултат на тајфунот Лекима, како што јавија кинески новински агенции, илјадници летови беа откажани во источна Кина, вклучувајќи ги и повеќето летови надвор од двата најголеми аеродроми во Шангај. Речиси 200 стотина возови низ провинцијата Шандонг се суспендирани до понеделник.

Специјалната јавна обвинителка Катица Јанева за денешните аудио разговори кои ги објави италијанскиот весник „Ла Верита“ повтори дека во интерес на предистрагите и истрагите кои се водат во СЈО, повеќе пати разговарала со разни лица, во обид да се издејствуваат подобри позиции во кривичните предмети, а тоа, според неа, често се случувало да се одвива преку од нив назначени посредници. „Во конкретниот случај, во тој период, се водеа преговори од моја страна со лицето О.К. да стане соработник – сведок... Читать дальше...

Обвинителството за организиран криминал и корупција во вторник ја повикало на сослушување обвинителката од СЈО Лиле Стефанова, која го води предметот „Империја“, објави Сакамдакажам.мк. Стефанова, чие име се споменува во аудио снимките на италијанскиот весник „Ла Верита“ за случајот „Рекет“, вчера изјави дека ништо од тоа не е вистина и дека таа е „спомната намерно за да биде дискредитирана“.  „Ла верита“ и денеска објави нови аудиоснимки за случајот во кои, како што наведува весникот, шефицата на СЈО... Читать дальше...

Италијанскиот весник „Ла верита“, денеска објави нови аудиоснимки за случајот „Рекет“, во кои, според весникот, се слушаат разговори меѓу Бојан Јовановски, бизнисменот Орце Камчев и специјалната обвинителка Катица Јанева во врска со случајот „Империја“. Јанева вели дека држи се под контрола во случајот по констатацијата на Јовановски дека Камчев се плаши од обвинителката Лиле Стефанова која го води случајот „Империја“, при што Камчев негира.  „Јас сум многу ангажирана затоа не ја држам редовно под контрола. Читать дальше...

Сончево и многу топло со температури до 41 степен и висок УВ индекс ќе биде во земјава и денеска и утре. Топлотниот бран од портокалова фаза што ја зафати целата држава ќе се задржи до четврток кога се очекува благо опаѓање на температурите. Маскималната температура во Скопје, во деновите од викендот, ќе биде до 39 степени, со мала облачност и слаб до умерен североисточен ветер.

Системот на образование не ги дава очекуваните резултати. Истражувањата покажуваат дека половина од младите се неписмени или полуписмени. Стручњаците велат дека тоа зборува за ерозија на вредностите и на етиката. Проблемот лежи и во големиот јаз меѓу богатите и сиромашните како светска тенденција.