Новости за 01.08.2019

Велика Британија, Франција и Германија ја повикаа Северна Кореја да се вклучи во „значајните“ разговори со Соединетите држави. Тие исто така соопштија дека меѓународните санкции мора да бидат целосно спроведени се додека Пјонгјанг не ги отстрани своите нуклеарни и балистички ракетни програми. „Ја повикуваме Северна Кореја да преземе конкретни чекори кон целосна, проверлива и неповратна денуклеаризација и да се вклучи во преговори со Соединетите држави“, им рече на новинарите британската амбасадорка во ООН, Карен Пирс. Читать дальше...

Kомандантот на кинеската армија во Хонгконг по првпат ги коментираше протестите во оваа поранешна британска колонија предупредувајќи ги дека немирите сериозно го загрозуваат животот и безбедноста на луѓето и не треба да се толерираат, објави британски „Гардијан“. Тoj исто така порача дека кинескиот гарнизон е одлучен да го заштити националниот суверенитет, безбедност, стабилност и просперитет на Хонгконг. Властите во Хонконг во текот на неделава покренаа обвиненија за 42 демонстранти, кои беа ослободени со кауција. Читать дальше...

Случајот Рекет е главна тема во дневниот печат. Медиумите потсетуваат дека кој како ќе биде притворен или затворен, веднаш бара лекарска помош и одложување на казната.

Руандските власти ја затворија границата со Конго, освен за државјаните на Конго кои ја напуштаат нивната територија. Границата е затворена меѓу градот Гома, каде што беше потврден уште еден случај со ебола оваа недела и Гисени во Руанда. Канцеларијата на претседателот на Конго ја осуди одлуката на Руанда, истакнувајќи дека е спротивна на советите на Светската здравствена организација за борба против болеста. Руанската министерка за надворешни работи, Оливија Ндунгиреја потврди за Ројтерс дека границата е затворена... Читать дальше...

Притворениот руски опозициски активист Алексеј Навални поднесе официјална жалба до руските власти во која тврди дека бил отруен во неделата, напиша неговиот адвокат Вадим Кобзев на социјалните медиуми. Навални беше однесен во болницата поради „сериозно отекување на лицето и црвенило на кожата“. Тој беше ослободен од болницата во понеделникот и вратен во 30-дневен затвор порадиубедување на луѓето да учествуваат во „недозволен протест на опозицијата“. АП соопшти дека Навални поттикнал на протести антивладините демонстранти... Читать дальше...

Во рамки на посетата на бугарската владина делегација предводена од премиерот, Бојко Борисов, денеска во Дојран се одржа церемонија на откривање на обновениот споменик на генералот на бугарската армија, Константин Каварналиев, којшто го одбележува неговото вечно почивалиште. Двајцата премиери Заев и Борисов оддадоа почит и положија свежо цвеќе пред споменикот, а потоа дадоа кратки изјави за медиумите. Премиерот Заев во својата изјава во врска со настанот кажа дека почитта за културното и историското... Читать дальше...

Членките на Европската унија (ЕУ) утре ќе гласаат за кандидат за директор на Меѓународниот монетарен фонд бидејќи разговорите за поддршка на едно лице беа неуспешни, изјави неименуван официјален претставник од француското министерство за финансии. Според него се разгледуваат пет кандидати, иако гласањето ќе се одржи во петок, така што новата британска администрација ќе има време да номинира кандидат доколку сака. „Министрите на ЕУ се согласија да продолжат со гласањето и во неколку рунди доколку е тоа потребно за да најдат европски кандидат“... Читать дальше...

Албанскиот претседателот Илир Мета на попладневната прес конференција изјави дека е подготвен да даде оставка од функцијата доколку тоа од него го побара премиерот Еди Рама, но под услов на негово место да дојде Реџеп Мејдани. Унверзитетскиот професор Мејдани (75), беше шеф на албанската држава во периодот 1997 до 2002 година. „Доколку побара премиерот, јас сум подготвен да се откажам од функцијата Претседател на државата и да се кандидирам за претседател на 13 октомври, но само под услов во оваа... Читать дальше...

Потпреседателката на Собранието, Фросина Ременски, на својот профил на „Фејсбук“ објави дека нема ништо против Обвинтелството да ја истражи нејзината улога во невладината на Бојан Јовановски. „Да не ги оставам загрижени оние од ВМРО-ДПМНЕ, кои здушно ме прозиваат на пресови деновиве пред утрешната скара, продолжен викенд или излив на патриотизам за празникот 2 Август – Илинден… Добро сум, ич да не се секирате! Немам ништо против, напротив, ОЈО за организиран криминал и корупција да испита каква... Читать дальше...

Од денеска во Холандија стапи во сила закон со кој се забранува да се носи облека која го прекрива лицето, како што се бурки и нихаб и тоа во јавниот сообраќај, владините згради, здравствените и образовните институции, објавија новинските агенции. Холандија, која долго се смета за бастион на толеранцијата и верските слободи, е последна во низата европски земји кои воведоа таква забрана, пренесе „АП“. Пред Холандија, ваков закон беше донесен во Франција, Германија, Белгија, Австрија и Данска. Муслиманските... Читать дальше...

„Соработката на Руската федерација и Република Северна Македонија е одлична, но може да биде подобра. Работиме со вашата влада за да ја подобриме соработката во областите кои одговараат на заедничките интереси“. Ова денеска го изјави рускиот амбасадор во земјава, Сергеј Баздникин, во Прилеп. Рускиот амбасадор денеска беше во Прилеп, по повод 1 август, Денот на сеќавањето во Русија, каде на Германските гробишта, во организација на амбасадата на Руската Федерација, им беше оддадена почит на загинатите руски војници од Првата светска војна... Читать дальше...

Европската унија му порача на новиот британски советник за Европа Дејвид Фрост дека не е подготвена повторно да преговара за Брегзит. Според портпаролката на Европската комисија, Мина Андреева, двете страни ги повториле своите позиции, откако Фрост вчера и денеска имаше повеќе средби со европски функционери. Андреева рече дека британскиот премиер, Борис Џонсон, и претседателот на Европската комисија, Жан-Клод Јункер, ќе имаат „можност да разговараат“ за Брегзит во Франција на 24 и 26 август, на маргините на самитот на Г7.

Министерката за правда Рената Дескоска денеска изјави дека до Министерството за правда не е пристигнато барање за екстрадиција на поранешниот припадник на ОВК Томор Морина. Одговарајќи на новинарско прашање, министерката за правда ја објасни процедурата и рече дека штом ќе пристигне барањето, веднаш ќе биде препратено на судовите кои ќе треба да одлучат по него. „Досегашната постапка одеше по потерница на Интерпол, МВР врши запирање на лицето кое сакало да премине граница и потоа се води судската постапката. Читать дальше...

Правосилно осудениот во случајот „Труст“, Сеат Кочан, до СЈО доставил ново барање за одлагање на издржувањето на казната затвор, поради здравствени причини. „Во однос на повеќе новинарски прашања поврзани со издржувањето на казната затвор на еден од правосилно осудените лица во предметот 1459/17 од Обвинителството означен како „Труст“, информираме дека до надлежниот судија за извршување санкции доставено е ново барање за одлагање на издржувањето на казната затвор по кое барање Судот веднаш се обрати... Читать дальше...

Министерството за здравство информира дека вкупниот број вакцинирани лица на возраст до 14 години со МРП вакцина, од почетокот на епидемијата со морбили (мали сипаници) во целата држава изнесува 34.214. Од нив, 16.333 деца се вакцинирани на територија на град Скопје, додека пак, 17.881 дете е вакцинирано во останатиот дел од државата. Од почетокот на епидемијата во декември 2018 до сега, дополнително се аплицирани 6.108 дози на вакцина, од нив повеќе од 60% се дадени на здравствени работници, студенти... Читать дальше...

Руската морнарица ја почна вежбата „Океански штит 2019“ во Балтичко Море, со учество на 70 борбени и придружни бродови и 58 авиони на  воздухопловните сили, објавија новинските агенции. Во вежбата учествуваат над 10 илјади војници, а ќе трае до 9-ти август и ќе се спроведува под команда на адмиралот Николај Евменов, командант на Воено-поморската флота. Целта на вежбата е да се тестира подготвеноста на морнарицата да ги брани националните интереси на Русија, се вели во соопштението на руското Министерство за одбрана.

Општина карпош денеска, преку соопштение, одговори на јавните повици од опозицијата за вмешаност на градоначалникот Стефан Богоев и на Општината во случајот „Рекет“. „Општина Карпош и градоначалникот Стефан Богоев не се вклучени во никакви незаконски активности во врска со случајот „Рекет“. Во Општина Карпош не е отворен ниту еден предмет, а не е издадено ни одобрение за градење, ниту било каков друг правен акт во врска со споменатиот случај. Локалната самоуправа има склучено меморандуми со голем број на невладини организации. Читать дальше...

Денешната средба на работните групи на власта и опозицијата за законот за јавно обвинителство во Министерството за правда заврши без напредок и со меѓусебни напади дека вината за тоа е кај другата страна. По завршување на средбата претставникот на ВМРО-ДПМНЕ, Антонио Милошоски, изјави „дека очигледно власта не е спремна да се откаже од контролата врз обвинителството за организиран криминал и корупција но не е спремна да се откаже ниту од обвинителката Вилма Рускоска“, која, како што рече Милошоски... Читать дальше...

Реализацијата на инфраструктурниот дел од Коридор 8 е еден од приоритетите на Македонија и Бугарија, се сложиле денеска на средбата во Скопје, македонскиот и бугарскиот премиер, Зоран Заев и Бојко Борисов. На заедничката прес-конференција по средбата, премиерот Заев нагласи дека за Коридорот 8 од наша страна се обезбедени средства во висина од 580 милиони евра, од кои 65 милиони евра се од Инвестицискиот фонд за Западен Балкан, 60 милиони од ИПА 2 програмата, како и од кредити од Европската банка... Читать дальше...

Во последните 24 часа пожарите во Иркутск, Русија, зафатија дополнителни 7.300 хектари, со што површината зафатена од огнот се зголемила на повеќе од 720 илјади хектари, соопштија денес од регионалната влада, пренесоа светските новински агенции. Руската служба за заштита на шумите соопшти дека претходно во тешко достапните подрачја биле запалени околу 2,8 милиони хектари шума, а најголемите пожари биле пријавени во регионот Јакутија каде што изгореле 1,1 милион хектари шума, како и во Краснојарск каде што изгореле 1 милион хектари... Читать дальше...

МВР денеска апелираше до граѓаните за достоинствена прослава на Илинден, особено до оние кои ќе присуствуваат на организираните прослави. „Министерството за внатрешни работи на сите граѓани на Република Северна Македонија им го честита празникот Илинден и ги повикуваме достоинствено да го прославиме овој ден, како што доликува на чествување на така значаен датум од нашата историја. Министерството апелира до граѓаните, особено оние што ќе присуствуваат на организираните прослави, да го почитуваат јавниот ред и мир. Читать дальше...

Македонскиот и бугарскиот премиер, Зоран Заев и Бојко Борисов, денеска заедно положија венци на гробот на Гоце Делчев во црквата „Свети Спас“ во Скопје. На поклонувањето на гробот на македонскиот револуционер беа присутни и министрите за надворешни работи на двете земји Никола Димитров и Екатерина Захариева. Претходно Заев и Борисов имаа заедничка прес-конференција на која истакнаа дека заеднички ќе се решат сите останати спорови межу државите, а бугарскиот премиер се извини што рекол северномакедонци. Читать дальше...

Турскиот претседател Реџеп Тајип Ердоган во телефонски разговор во средата му честитал на новиот британски премиер Борис Џонсон, а двете земји ги нарече стратешки партнер, пренесува турската државна новинска агенција Анадолу, наведувајќи го и податокот дека Џонсон има и турско потекло. Според Анадолу, Ердоган во разговорот рекол дека верува оти односите меѓи Турција и Велика Британија како стратешки партнери дополнително ќе бидат унапредени со новиот лидер во Лондон.

Бугарскиот премиер Борисов инсистира до октомври да се реши прашањето за Гоце Делчев, но не кажа дали доколку не се најде решение, Бугарија ќе ја блокира Северна Македонија на патот кон ЕУ.

Над 32 лица загинаа, а десетици се повредени во ракетниот напад на воена парада во Аден, додека во друг напад се убиени тројца полицајци, соопштија јеменски безбедносни и медицински извори, пренесуваат светските новински агенции. Одговорноста за нападот на парадата ја презедоа Хутите, кои истрелале балистичка ракета со среден дострел и вооружен дрон. „Експлозијата се случи зад местото кадешто се одржуваше церемонијата во воениот камп Ал Џала во Аден“, изјави еден очевидец кого го цитираат новинските агенции. Читать дальше...