Новости за 11.04.2019

Ерван Фуере, поранешниот евроамбасадор во Македонија, вели дека е разочаран од компромисите што Европската Комисија ги прави со земјите противници на проширувањето и предупредува дека преговорите со земјава се тест за кредибилитетот на ЕУ, јави МИА од Брисел. Фуере смета дека изјавата на Хан за подготвителната фаза на преговори, која беше насочена кон скептиците на проширувањето, претставува недобредојден компромис со нив, исто како и одлагањето на извештаите за напредокот. „Разочарувачки е што... Читать дальше...

Претседателот на САД, Доналд Трамп, оцени дека ЕУ била премногу строга кон Велика Британија и кон процесот Брегзит, откако лидерите во Брисел доцна ноќеска, по повеќечасовни преговори, дозволија продолжување на брегзитот за шест месеци. „Штета што ЕУ е толку строга кон Британија и кон „брегзит“, пишува Трамп на твитер додавајќи дека ЕУ е „брутален трговски партнер“ на САД, наведувајќи дека тоа ќе се смени. Во вторникот САД се заканија со воведување нови царини на производи од ЕУ во вредност од 11 милијарди долари... Читать дальше...

Изутринава во 02.53 часот е спречен обид за насилен влез во кругот на касарната „Гоце Делчев“ во Скопје, информираат од Министерство за одбрана. „Војникот што бил на стража постапувајќи според пропишаните процедури и постапки повеќе пати вербално го предупредил лицето, но откако се оглушило на предупредувањата, стражарот испукал два предупредувачки истрели во воздух. Лицето и понатаму се оглушувало на предупредувањата при што со еден од истрелите бил погоден во петицата на десната нога. Согласно... Читать дальше...

Кампањата може да влијае врз пет до 10 отсто од гласачкото тело и тоа може да направи значителна разлика. Кандидатите кои се промовираат како натпартиски сакаат да ги придобијат неопределените, а партиските штабови треба да одработат кај своите табори.

Суданската војска извршила воен удар и го симна од власт претседателот Омар Башир, објави весникот „Ел хадат“, пренесоа новинските агенции и додаваат дека според други локални медиуми, суданскиот претседател бил уапсен. Либанската телевизија „Мајадин“ објави дека Вооружените сили на Судан одлучиле да го симнат од власт претседателот од сите позиции и да ја распуштат владата. Весникот „Хадат“ објави дека Омар Башир поднел оставка. Новинската агенција „Ројтерс“, повикувајќи се на државната суданска телевизија... Читать дальше...

Изјавата на европскиот комесар за проширување, Јоханес Хан, дека Европската Комисија ќе предложи отворање на “подготвителна“ фаза на преговорите за Северна Македонија во јуни предизвика бура реакции во јавноста и сомнеж дека всушност ЕУ повторно бара изговори да не ги започне ефективно преговорите со земјава. Но, всушност, ако се суди според новиот преговарачки пристап на ЕУ, тоа што го изјави Хан не е изненадување, бидејќи процесот е побавен отколку што бил пред петнаесетина години кога влегуваа земјите од источниот блок... Читать дальше...

Американскиот државен секретар Мајк Помпео оцени дека Кина би требало да му се приклучи на договорот за контрола на нуклеарното оружје СТАРТ за што Вашингтон се подготвува да преговара со Москва. Важноста на овој договор истекува во 2012 година. „Претседателот Трамп беше многу јасен, ако можеме да постигнеме добар договор за контрола на вооружувањето, тоа и треба да го направиме. Во него би требало да биде вклучена и Кина“, изјави Помпео на сослушувањето за предлог буџетот во американскиот Конгрес.

Српското Министерство за одбрана одржа промоција на книгата на поренешниот генерал Небојша Павковиќ кој е во затвор за воени злосторства и му дозволи преку видео снимка да се обрати на промоцијата. Павковиќ кој беше шеф на Генералштабот на југословенската војскаотслужува казна затвор од 22 години за воени злосторства извршени на Косово кон крајот на 90 години од минатиот век. Неговата книга се однесува на 78 дневната воздушна кампања на НАТО врз Србија. Тој ја отслужва казната во Финска.

Американскиот претседател Доналд Трамп оцени дека истрагата на неговиот тим за можни врски со Русија претставува „обид за државен удар“ врз неговото претседателство. „Она што го направија беше предавство“, рече тој без да прецизира кого обвинува за тоа. Во меѓувреме, јавниот обвинител Вилијем Бар на сведочењето во Конгресот изјави дека тој чќе покрене истрага околу законитоста на она што го опиша како „шпионски операции“ против изборниот штаб на Трамп.

Британската премиерка Тереза Меј и лидерите на Европската унија се согласија да го продолжат рокот за Брегзитот до 31 октомври. Лидерите на ЕУ планираат да се сретнат во јуни за да ја преразгледаат ситуацијата.

Амбасадорот на Венецуела во Обединетите нации Самуел Мокада изјави дека американската влада и се заканува на неговата земја со војна и оти „подготвува терен за инвазија“. Според него, хуманитарната криза во Венецуела е „директен плод на планот за економско уништување што го подготвиле САД и Британија“. Нивна цел, како што додаде, е воспоставување „марионетска влада“ што би ја предводел опозицискиот лидер Хуан Гваидо.

Британската премиерка Тереза Меј и лидерите на Европската унија се согласија да го продолжат рокот за Брегзитот до 31 октомври. По вонредниот самит на Европската унија, претседателот на Европскиот совет Доналд Туск изјави дека станува збор за „флексибилно проширување“, односно „дополнителни шест месеци за Британија да најде најдобро можно решение“. Лидерите на ЕУ планираат да се сретнат во јуни за да ја преразгледаат ситуацијата.

Ќе биде променливо облачно со локални врнежи од дожд проследени со грмежи и засилен ветер, особено во северните и источните делови. Утринската температура ќе се движи од 2 до 10, а дневната од 10 до 23 степени. Во Скопје и околината слично време. Утринската температура ќе биде околу 9, а дневната ќе достигне до 19 степени.