Новости за 16.03.2018

Музикологот, публицист, новинар и општественик Марко Коловски, е годинешен добитник на наградата „Трајко Прокопиев“, која претставува највисоко признание кое го доделува Сојузот на композиторите на Македонија на музички творци и проследувачи за долгогодишни значајни остварувања во областа на музичкото творештво и музикологијата.

Судија на претходна постапка ги прифати предлозите на Јавното обвинителство за определување на мерка притвор за првоосомничениот Васе Доневски и мерка претпазливост за второосомничениот В.Г., сопственик и управител на Друштвото за обезбедување и услуги „Секјуриком мултисервис интернационал“ ДОО Скопје. Обвинителството поведе постапка против нив за кривично дело –злоупотрeба на службена положба и овластувања при вршење јавни набавки. Тие се осомничени дека во 2015 година спровеле тендер во вредност... Читать дальше...

Турското обвинителство денеска побара казни од 7,5 до 15 години затвор за 13 новинари на весникот Џумхуриет, кои се обвинети за „терористички активности“, објавија весникот и турската новинска агенција Анадолија. Обвинителот рече дека тие и помагале на терористичка организација при што не биле нејзини членови. Обвинети се сопственикот на весникот Акин Аталај, главниот уредник Мурат Сабанџу, истражувачкиот новинар Ахмет Сик, колумнистот Кадри Гирсел и карикатуристот Муса Карт. Џумхуриет не пренесе... Читать дальше...

Украинските власти денеска предупредија дека ќе им забранат пристап на руските гласачи до конзулатите на нивната земја во Украина за гласањето на руските претседателски избори во недела. Таа одлука е донесена поради „нелегалното одржување“ на руските претседателски избори на Крим, кој Москва го анектираше пред четири години. Украинскиот министер за внатрешни работи Арсен Аваков на Фејсбук напиша дека полицијата, која ги чува руските претставништва во Киев, Харков, Одеса и Лвов, нема да им дозволи... Читать дальше...

Фокус пишува за цензурираната емисија на Телма и за тоа со какви барања за името ќе дојде грчкиот министер Коѕијас. И Капитал се осврнува на можните компликации во однос на рокот за решавање на спорот со Грција, а анализира и за очекувањата на економски план.

Британската полиција отвори истрага за убиство за смртта на рускиот бизнисмен Николај Глушков, откако обдукцијата покажа дека причина за смртта е притисок врз вратот. Глушков беше близок соработник на рускиот олигарх и критичар на Кремљ, Борис Березовски, кој почина под неразјаснети околности во 2013 година. Телото на Глушков беше пронајдено во неговиот дом во Лондон на 12 март, една недела по труењето на поранешниот руски шпион Сергеј Скрипал и неговата ќерка Јулија со нервен гас во англискиот град Салисбери. Читать дальше...

Генералниот секретар на НАТО, Јенс Столтенберг, денеска ја повика Русија да „соработува“ во случајот со труењето на поранешниот руски шпион Сергеј Скрипал во Велика Британија и наведе дека НАТО „не сака нова Студена војна“. Западните сојузници ја обвинија Москва за труењето на Скрипал. Според британската премиерка Тереза Меј, нападот е извршен со нервниот агенс новичок, развиен во поранешниот Советски Сојуз. Британскиот министер за надворешни работи Борис Џонсон претходно рече дека е многу веројатно... Читать дальше...

Најмалку 10 лица се повредени во несреќа во ски центарот Гудаури во Грузија поради проблем со жичарницата, која се движела неисправно со голема брзина.  Некои од скијачите биле исфрлени од нивните седишта, а некои скокнале за да се заштитат од поголема повреда. Меѓу повредените лица има државјани од Русија, Украина и бремена жена од Шведска. Грузиското министерство за внатрешни работи отворило истрага за случајот.

Финансиската полиција поднесе две кривични пријави: против поранешен функционер и сопственик на фирма, кои се осомничени дека во 2015 година спровеле тендер во вредност од околу 11 милиони евра за одржување хигиена во владата, на начин со кој ќе се елиминира конкуренцијата.

Од ВМРО-ДПМНЕ денеска реагираат дека СДСМ и ДУИ направиле циркус со приведувањето на Васе Доневски, поранешниот директор на Службата за општи и заеднички работи на Владата на РМ (СОЗР). Според партијата, тоа не е ништо друго освен очајнички обид за дефокусирање на јавноста од катастрофалните, антидржавни политики. Директорот на Финансиска полиција Арафат Муареми претходно потврди дека бил приведен Доневски и дека е поднесена кривична пријава за злоупотреба на службената положба поради фаворизирање... Читать дальше...

Собранието да оди напред со својата агенда и да се фокусира на потребните реформи, кои сите партии рекоа дека ги поддржуваат, а кои се важни за напредокот на Македонија кон членство во ЕУ и во НАТО, велат во американската амбасада, откако Радио Слободна Европа побара коментар за донесувањето на законот за јазици. Тие го повторуваат ставот на помошникот државен секретар Мичел, кој рече дека Македонија прави големи чекори во процесот на градење силна демократија и оти треба да се фокусира на реформите... Читать дальше...

Пакистанските власти соопштија дека седум луѓе загинале во експлозија во домот на свештеник во близина на границата со Авганистан. Локалните власти соопштија дека десетина луѓе биле повредени, меѓу кои има жени и деца. Според нив, експлозивната направа најверојатно била поставена во возило. Убиениот свештеник, како што наведуваат, бил познат за неговата јавна поддршка на талибанците.

Британскиот секретар за надворешни работи Борис Џонсон изјави дека е многу веројатно оти рускиот претседател Владимир Путин ја донел одлуката да се употреби нервен гас во нападот на поранешниот шпион Сергеј Скрипал и неговата ќерка во Британија. Тој порача дека британските власти немаат ништо против Русите, туку нивната кавга е со Путин и Кремљ кои дозволиле да се употреби нервен гас на улиците во Европа за прв пат од Втората Светска војна. Портпаролот на Кремљ, Дмитри Песков изјави дека било... Читать дальше...

Десетици луѓе загинале во нападите во бунтовничката енклава источна Гута и во северниот град Африн во Сирија. Најмалку 31 лице било убиено во руските воздушни напади во источна Гута. Додека пак во воздушните напади на турските сили во Африм загинале најмалку 20 луѓе.

Премиерот Зоран Заев денеска најави дека ќе има реконструкција на Владата. Тој посочи и дека очекува зголемување на парламентарното мнозинство, при што ќе разговараат со сите опозициски политички партии, освен со ВМРО-ДПМНЕ. Заев по денешниот Форум за владеење на правото во ЈИЕ порача дека почнувањето на процесот ќе значи испраќање сериозна порака дека Владата има намера преку посилно и стабилно мнозинство во Собранието да носи сериозни одлуки во Македонија.

На денешното извлекување во Нион, Швајцарија беа извлечени двојките за четвртфиналните натпревари во европската Лига на шампиони. Барселона силите ќе ги одмери со Рома, Севиља со Баерн Минхен, Јувентус се падна со тимот на Реал Мадрид, а извесно е дека во полуфиналето ќе има место само за еден клуб од Англија, Ливерпул или Манчестер Сити. Првите натпревари се играат на 3-ти и 4-ти април, а реваншите една недела подоцна. Финалето е закажано за 26 мај, а ќе се игра во Киев, Украина.

Рускиот претседател Владимир Путин ги повика Русите да гласаат на претседателските избори кои треба да се одржат за два дена и како што рече, да го искористат правото да ја изберат иднината на големата и сакана земја. Видео обраќањето на Путин беше објавено на сајтот на Кремљ, а тој очекува да освои уште еден мандат. На изборите има пријавено 8 кандидати.

Најавите за измени на Законот за нотаријат предизвикаа несогласувања меѓу еснафските здруженија на адвокатите и на нотарите. Според првите, на нотарите им се даваат овластувања за кои не се квалификувани, нотарите, пак, сметаат дека адвокатите сакаат да го искористат своето влијание во општеството.

Премиерот Зоран Заев денеска повторно порача дека Законот за употреба на јазиците нема ништо да се промени во Македонија и нема да ја наруши нејзината заедничка иднина. Тој апелираше Уставниот суд и Венецијанската комисија да се изјаснат по него. Одлуката на претседателот Ѓорге Иванов да не го потпише законот, како што наведе Заев, е „флагрантно кршење на Уставот, но и кукавичлук“. Според него, законот не бил изгласан скришно и заткулисно, туку девет месеци била отворена дебата.

Законот за употреба на јазиците требаше да се донесе многу порано и не е вистина дека истиот е донесен без дебата, тврди лидерот на Алијансата за Албанците, Зијадин Села. Експертите, пак, сметаат дека носењето на законот е тест за капацитетот на владејачката коалиција.

Претседателот на Македонија, Ѓорге Иванов е во посета на Азербејџан. Како што соопштија од неговиот кабинет, Иванов ќе се обрати на 6. Глобален Баку форум кој годинава се одржува на тема „Премостување на разликите за создавање на инклузивни општества“. На форумот ќе учествуваат и претседателот на Албанија Илир Мета, членот на претседателството на БиХ Младен Иваниќ, претседателот на Молдавија Игор Додон, на турскиот премиер Бинали Јилдирим, како и повеќе поранешни претседатели, премиери и министри... Читать дальше...

Судењето за случајот „Титаник 3“ на СЈО денеска беше одложено поради отсуство на еден од обвинетите во случајот, пратеникот на ДУИ, Ејуп Аљими. Според одбраната, тој бил на службено патување во Албанија. Следното рочиште е закажано за 27 април. Случајот се однесува за уништување на изборен материјал, а обвинет е и Исмет Гури, функционер од ДУИ.

Рускиот заменик министер за надворешни работи, Сергеј Ријабков изјави денеска дека неговата земја ќе одговори на новите санкции од страна на САД со тоа што ќе ја прошири црната листа на Американци. Според него, Русија ќе го искористи принципот на реципроцитет како одговор на санкциите, но земјата не исклучува можноста и од дополнителни мерки. Одделот за финансии на Соединетите Американски Држави објави нови санкции за 19 руски поединци поврзани со, како што соопштија американските власти, руското... Читать дальше...

Американскиот помошник државен секретар, задолжен за Европа и Евроазија Вес Мичел во Атина се сретнал со шефот на грчката дипломатија Никос Коѕијас и со министерот за одбрана Панос Каменос. Тој со Каменос, како што соопшти министерството, разговарал за билатералната одбранбена соработка, за случувањата во поширокиот регион и за прашањето со двајцата грчки војници притворени во Турција. За што станало збор на средбата меѓу Мичел и Коѕијас не беше официјално соопштено.

Американскиот специјален обвинител Роберт Мулер, задолжен за истрагата за наводното руско мешање во американските избори, издал налог до „Организацијата Трамп“ да предаде документи од кои некои се однесуваат на Русија. Со тоа, како што оценуваат американските медиуми, Мулер ја приближил истрагата до американскиот претседател Доналд Трамп. Се наведува дека ова може да значи дека истрагата се проширува на евентуалната улога на странски пари во финансирањето на политичките активности на Трамп. „Организацијата... Читать дальше...