Кремљ без коментар за смената на советникот за национална безбедност на САД

Портпаролот на Кремљ, Дмитри Песков запрашан за назначувањето на поранешниот амбасадор во ОН Џон Болтон за советник за национална безбедност на САД, изјави дека тоа не е прашање за руските власти, туку за американската администрација.


Според него, Кремљ се надева оти ќе има повеќе луѓе во Белата куќа кои може да погледнат подалеку од русофобијата, која ги зафатила западните земји.


Американскиот претседател Доналд Трамп го смени советникот за национална безбедност Х.Р. МекМастер со Болтон, кој отворено се залагаше за употреба на воена сила против Иран и Северна Кореја.