Новости за 04.06.2019

Ооганстандын президенти Ашраф Гани 4-июнда айт намазынан кийин билдиргендей, ал 27-июнда эки тараптуу кызматташтыкты өркүндөтүү максатында Пакистанга барат. Анын сапары тууралуу Сауд Арабиясында өткөн жумада өткөн Ислам Кызматташтык Уюмунун саммитинин алкагында Пакистандын премьер-министри Имран Хан менен жолукканда талкууланган. Кабул кошунасы Пакистанды «Ооганстанда чабуулдарды уюштуруп келе жаткан «Талибанды» өз аймагында жашырат» деп айыптап келет. Гани көп жылдык ишенбестик мамиле эми тынчтыкка... Читать дальше...

Иран менен Американын тирешүүсүн токтотуунун жалгыз жолу-  өзөктүк келишимдин толук ишке ашырылуусу.

Судандын борбор калаасы Хартумда күч кызматтары менен демонстранттардын ортосунда тиреш күч алды. 3-июнда Коргоо министрлигинин алдында өтүп жаткан митингди таратуу үчүн коопсуздук күчтөрү ок ачты. Кабарларга караганда бери дегенде 35 адам набыт болуп, 100дөн ашуун адам жараат алды. Судандын өткөөл кеңешинин төрагасы, генерал-лейтенант Абдел Фатта ал-Бурхан Суданды коргоо максатында күч колдонулганын билдирди: «Аскердик кеңеш Нилдин көчөсүн тазалоо боюнча операция маалында болгон кан төгүүлөргө жана анын кесепеттерине өкүнүчүн билдирет. Читать дальше...

Бээжиндин Тяньаньмэнь аянтында студенттердин нааразылык акциясынын аёосуз түрдө күч менен басылганына туура 30 жыл болду. Бул окуяда демократиялык өзгөрүүлөрдү талап кылган жүздөгөн адамдар коопсуздук күчтөрүнүн колунан каза тапкан.

Кремль 4-июнда АКШнын президенти Дональд Трамптын бир күн мурда Орусия Венесуэладагы өз адамдарынын көбүн чыгарып кеткени тууралуу билдирүүсүн жокко чыгарды. Дональд Трамп 3-июнда, Лондондогу мамлекеттик сапарында «Твиттерге» Орусия президент Николас Мадурону колдоо көрсөтүп жаткан «Венесуэладагы адамдарынын көбүн алып кеткенин» жазып, бирок буга эч кандай далил келтирген эмес. Кремлдин басма сөз катчысы Дмитрий Песков журналисттерге Орусия бул маселе боюнча Трамп менен байланышпаганын билдирди. Читать дальше...

Баткен облусундагы Аксай айыл аймагын аралап өткөн Тажикстандын Ворух-Исфара жолундагы чатак боюнча милиция түшүндүрмө берди.  Облустук ички иштер башкармалыгынын басма сөз кызматы билдиргендей, 4-июнда Аксай айылынын 36 жаштагы тургуну аталган жолдо «Камаз» жүк ташуучу автоунаасы менен баратканда, күмүш түстөгү «Мерседес-Бенц» үлгүсүндөгү жеңил машине артынан келип, аны кысып өтүп кеткен. «Камаздын» айдоочусу «Мерседеске» таш ыргытып, айнегин талкалаган. Баткен райондук милициясы окуянын чоо-жайын аныктап... Читать дальше...

Бүткүл дүйнөнүн мусулмандары бириккенде гана ислам динине болгон сырткы коркунуч токтойт.

Ошто курулушу мыйзамсыз деп табылган көп кабатуу үй бир айдын ичинде сүрдүрүлөт. Бул тууралуу мэриянын шаар куруу жана муниципалдык менчик бөлүмүнүн башчысы Алтынбек Пирматов «Азаттыкка» билдирди. Апсамат Масалиев проспектисинин №64 дарегинде курулуп жаткан үйдү  4-июнда мэрия атайын техниканын жардамы менен сүрдүрө баштаган. 12 кабатка пландалган имараттын төрт кабаты тургузулган болчу.  Пирматовдун айтымында, үйдү салып жаткан «Евростиль» компаниясы курулушту бузуу жана ал жердеги техникасын... Читать дальше...

Камакка алынган мурдагы башкы прокурор Аида Салянованын апасы Майрам Жусупова кызынын күнөөсү жок экенин билдирип, президентке кайрылды. 4-июнда Бишкектин Биринчи май райондук сотунун имаратында журналисттердин суроолоруна жооп берип жатып, ал ишти терең иликтеп, калыс кароону суранды.  Ушул тушта сотто Аида Салянованын бөгөт чарасы каралганы жатат. Ал кримтөбөл Азиз Батукаевдин мөөнөтүнөн мурда бошотулушуна байланыштуу 3-июндун кечинде кармалып, 48 саатка Бишкек шаардык милициясынын убактылуу кармоочу жайында камакка алынган. Читать дальше...

Өзбекстандын президенти Шавкат Мизиёев Орозо айттын алдында түрмөдөгү жүздөгөн кишиге ырайым кылды. Бул өлкөдө ыйык Рамазан айы шейшемби күнү аяктап, Орозо айт 5-июнда белгиленет. Мамлекеттик маалымат каражаттары жазгандай, президенттин жарлыгына ылайык, түрмөлөрдөн 361 адам чыгарылып, дагы 214 кишинин жаза мөөнөтү кыскарат. Алардын арасында жашы 60тан өткөн жети киши, ошондой эле алты аял жана бир чет элдик жаран бар. Мурдагы президент Ислам Каримовдун тушунда Орозо айттын урматына түрмөдөгүлөргө ырайым берилчү эмес. Читать дальше...

Жогорку Кеңештеги «Ата Мекен» фракциясынын мурдагы депутаты, экс-башкы прокурор жана мурдагы юстиция министри Аида Саляновага карата кылмыш ишин козгоодо Баш мыйзамдын беренелери бузулду. Бул тууралуу парламенттеги КСДП фракциясынын депутаты Рыскелди Момбеков «Азаттыкка» билдирди. Анын айтымында, Баш мыйзамдын беренелери боюнча мурдагы башкы прокурорду жазык жоопкерчилигине тартыш үчүн Жогорку Кеңештин макулдугу керек болчу. Бирок депутаттардын макулдугу бүгүнкү күнгө чейин алынган жок. - Баш мыйзамдын 74-беренесинин 4-главасында... Читать дальше...

Түркиянын президенти Режеп Тайып Эрдоган Анкара НАТОдогу өнөктөштөрүнүн, анын ичинде АКШнын басымына карабастан, С-400 ракетага каршы системасын сатып алуу тууралуу Орусия менен түзүлгөн келишимди жокко чыгарбай турганын билдирди. Эрдоган 4-июнда айт намазынан кийин журналисттердин суроолоруна жооп берип жатып, АКШнын «Patriot» ракетасын сатуу жөнүндө сунушуна караганда Орусия менен келишим жакшырак болуп жатканын да кошумчалады. Анкаранын Москва менен С-400 ракетага каршы системасын сатып алуу... Читать дальше...

Кытай бийлиги 4-июнда Бээжиндин борбордук аймагындагы Тяньаньмэнь аянтында коопсуздук чараларын күчөттү. Аянтта кошумча көзөмөл-өткөрмө бекеттери иштеп жатканы маалым болду. Ал эми Тяньаньмэнь аянтындагы метро станциясында туристтердин документтери текшерилип, чет элдик журналисттерге аянтка барууга жана сүрөткө тартууга уруксат берилген жок. Коопсуздук чараларынын күчөтүлүшү тууралуу Кытайдын бийлиги расмий маалымдаган жок. 1989-жылдын 3-июндан 4-июнга караган түнү демократияны жактаган студенттердин... Читать дальше...

Өкмөткө караштуу Экономикалык кылмыштарга каршы күрөшүү боюнча мамлекеттик кызмат (Финансы полициясы) «Азаттыктын»  «Кыргызстандан чыгарылган миллиондордун изи» деген иликтөөсүнө байланыштуу тергөө тобун түздү. Аны мекеменин ага тергөөчүсү Руслан Качканаков жетектей турган болду. Бул тууралуу Качканаков "Азаттыкка" билдирди.  Бүгүн, 4-июнда өкмөттө премьер-министр Мухаммедкалый Абылгазиевдин катышуусунда «Азаттык» радиосунун иликтөөсүндө айтылган фактыларды текшерүүнүн жүрүшү боюнча кеңешме өткөн. Читать дальше...

Сириянын террорчулардан бошотулган аймактарын жана айылдарын тазалоо операциясында ИШИМ террордук уюмунан калган Израилде жана Америкада өндүрүлгөн көп сандагы курал-жарактар жана ок-дарылар табылды.

Бишкектин Биринчи май райондук соту 1-июндан 20-июнга чейин кандай гана нааразылык акциялары жана митинг болбосун башкы көчөлөр менен аянттарда өткөрүүгө тыюу салды. Ички иштер министрлиги билдиргендей, соттун ушул аптадагы чечимине ылайык, акция, митингдерди Максим Горький атындагы эс алуу багынын айланасында өткөрүүгө гана уруксат бар. Бул чечим Шанхай кыхматташтык уюмуна (ШКУ) мүчө мамлекет башчыларынын кийинки аптада Бишкекте боло турган саммитинен улам кабыл алынды.  Маалыматка караганда... Читать дальше...

Кыргызстанда 5-июнда көпчүлүк аймактарда жамгыр жаап, күн күркүрөйт. Бийик тоолуу райондордо кар түшөт. Тоо этектеринде жана тоолуу райондордо мөндүр жаашы мүмкүн. Батыштан соккон шамалдын ылдамдыгы секундасына 4-9, кээ бир райондордо 15-20 метрге жетет. Абанын температурасы: Баткен, Ош, Жалал-Абад облустарында түнкүсүн 14...19, күндүз 25...30, Талас жергесинде түнкүсүн 12...17, күндүз 22...27, Чүй өрөөнүндө түнкүсүн 13...18, күндүз 24...29, Нарын аймагында түнкүсүн 7...13, күндүз 19...24... Читать дальше...

3-июнда мамлекеттик сапар менен Британияга келген Дональд Трамп бүгүн премьер-министр Тереза Мэй менен сүйлөшүүлөрдү өткөрөт. Трамп сапарынын экинчи күнүндө Европа Биримдигинен чыгууга камынып жаткан Британиянын Брекзит маселесине токтолуп, кытайлык «Huawei» компаниясы тууралуу да маселени көтөрүшү күтүлүүдө. АКШ президентинин бул сапары Британиянын өзүндө Брекзит боюнча талкуу уланып, премьер-министр Тереза Мэй кызматтан кетүүгө камынып жаткан учурга туш келди. Ал арада Трамптын саясатына каршы... Читать дальше...

Кыргызстандыктар арасында айт майрамын белгилөөгө байланыштуу ача пикир жаралды.

Американын учак конууучу согуштук кемеси Перс булуңунун чек арасынын сыртында калат.

Бишкек шаардык милициясынын убактылуу кармоочу жайында отурган Жогорку Кеңештеги «Ата Мекен» фракциясынын мурдагы депутаты, экс-башкы прокурор жана мурдагы юстиция министри Аида Саляновага бүгүн, 4-июнда «Тез жардам» чакыртылып, кардиологдор тобу анын жүрөгүн текшерди. Жыйынтыгында дарыгерлер Салянованын «жүрөгүнө коркунуч жок» деген тыянакка келишкен. Бул тууралуу Кыйноонун алдын алуу боюнча улуттук борбордун жетекчиси Нурдин Сулайманов «Азаттыкка» билдирди. Анын айтымында, аталган борбордун кызматкерлери... Читать дальше...

Нью-Йоркто жайгашкан «Human Rights Watch» эл аралык укук коргоочу уюм Сирия менен Орусиянын «аскердик альянсын» «эл аралык нормаларда тыюу салынган курал колдонгон» деп айыптады. 3-июнда жарык көргөн баяндамада уюм 26-апрелден тартып өкмөткө каршы күрөшкөн топтордун көзөмөлүндөгү Идлиб, Хама жана Алеппо аймактарында күнүгө жүздөгөн сокку урулуп, 200 жайкын тургун каза тапканын, арасында балдар өлгөнүн да жазган. Укук коргоочулар куткаруучулардан, күбөлөрдөн жана ачык булактардан алынган материалдарга таянып ырастагандай... Читать дальше...

АКШнын Саламаттык сактоо министрлиги жыл башынан бери кызамык оорусунун 980 учуру катталганын билдирди. 1992-жылдан бери бул жугуштуу ооруга кабылган мынча көп бейтап каттала элек болчу. Өткөн аптада эле кызамык 41 кишиде аныкталды. Дарыгерлер эмделбеген балдар көбөйгөн сайын бул илдет да жайыла берерин, өзгөчө жай келип балдар лагерлери иштей баштаганда кырдаал тынчсыздануу жаратарын эскертишүүдө. Илимий изилдөөлөргө ишенбей, айрым ата-энелер «вакцина аутизмге алып келет экен» деп балдарын эмдетпей койгон учурлар көбөйдү. Читать дальше...

Казакстандан Кыргызстанга күйүүчү майды мыйзамсыз алып өткөн каналдар аныкталды. Улуттук коопсуздук боюнча мамлекеттик комитеттин (УКМК) басма сөз борбору билдиргендей, 31-майда буга чейин Кылмыштар менен жоруктардын бирдиктүү реестрине катталган иштердин жүрүшүндө «Кант» темир жол станциясынан жалпы көлөмү 120 тонна болгон эки цистерна күйүүчү жана майлоочу май кармалды.  Атайын кызмат мыйзамсыз май ташыган схеманын түзүүчүлөрү Кыргызстандын аймагына жалпы 2000 тоннадан ашуун күйүүчү май киргизгенин кошумчалады. Читать дальше...

Ала-Бука районун борборундагы мектепти мындан он жыл мурун бүтүргөн классташтар мектептин инфраструктурасын оңдоп-түзөө иштерине 1 миллионго чукул сом беришкен. Демөөрчүлүк кылган классташтардын демилгеси тууралуу төмөнкү видеодон көрүңүздөр.