Новости за 16.06.2019

“Ата Мекен” партиясынын лидери Өмүрбек Текебаевге абактан убактылуу которулуп келип, Улуттук кардиология борборунда дарыланып жаткан жеринен жолуктук. Ал «Азаттыктын» кабарчысына саламаттыгы, маанайы, экс-президент Алмазбек Атамбаевге карата мамилеси, Кыргызстандан чыгарылган миллиондор жана алтындар, Дача-СУ окуясы тууралуу маек курду. Текебаев 2017-жылы орусиялык жаран Леонид Маевскийдин көрсөтмөсүнүн негизинде коррупцияга байланыштуу айыпталып, сегиз жылга кесилген.

16-июнда Гонконгдо жүз миңдеген адамдар кайрадан нааразылык акциясына чыгышты. Демонстранттар аймактын башчысы Кэрри Ламдын кызматтан кетишин талап кылып жатышат. Акция жергиликтүү бийлик экстрадиция тууралуу мыйзам долбоорун кабыл алууну убактылуу токтоткондон кийин өтүүдө.

Аргентинанын, Уругвайдын, Бразилиянын, Паргавайдын жана Чилинин жашоочулары электр жарыксыз калды. Бул тууралуу жергиликтүү энергетикалык компаниялар жана журналисттер кабарлашты. Ушул тапта болжол менен 48 миллион жарыксыз отурат. Аргентиналык "Edesur" энергетикалык компаниясындагы жабдуулар жарактан чыкканы электр энергиянын өчүрүлүшүнө себеп болду. Аргентинанын борбору Буэнос-Айресте метро токтоп, светофорлор иштебей калды. Мунун алдында шаарда нөөшөрлөгөн жамгыр жааган.

Израилдин премьер-министри Биньямин Нетаньяхунун аялы Сара мамлекеттик каражатты туура эмес пайдаланган деп айыпталды. 16-июнда Иерусалимдин соту «мамлекеттик казынадан 100 000 долларды туура эмес пайдаланганы үчүн» аны күнөөлүү деп тапты. Мамлекеттик прокуратура резинденцияда жеке ашпозчу бар болгонуна карабастан өкмөт башчынын аялы кымбат баалуу ресторандарда тамактанып жүргөнүн билдирди. Премьер-министр Нетаньяху да коррупцияга айыпталган.

Түркиянын президенти Режеп Тайып Эрдоган Орусиянын зениттик-ракеталык комплекстери (С-400) июлда сатып алына турганын айтты. «Вашингтондун басымына карабастан Түркия бул бүтүмдөн баш тартпайт», деди Эрдоган «NTV Turk» каналындагы маегинде. - Менин божомолум боюнча, С-400 июлдун алгачкы күндөрү келе баштайт, - деди түрк президенти. Анкаранын Москва менен С-400 ракетага каршы системасын сатып алуу тууралуу сунушу Түркия менен АКШнын ортосунда карама-каршылык жаратууда. Вашингтон Анкарадан орусиялык... Читать дальше...

Москванын борборундагы Сахаров проспектинде митинг башталды. Бийлик бул митингди өткөрүүгө уруксат берген. Митинг алгач «Медузанын» журналисти Иван Голуновду колдоо акциясы катары пландалып жаткан. Бирок көп өтпөй анын урааны өзгөрдү. Орусиянын Ички иштер министрлиги митингге 1600 адам катышып жатканын кабарлады. Митингдин катышуучулары, журналисттер жана укук коргоочулар бийликтин саясатына макул болбогондорду куугунтуктоону токтотууну талап кылышууда. Орусиянын Журналисттер бирикмесинин башчысы... Читать дальше...

15-июнда Тажикстандын борбору Дүйшөмбү шаарында өткөн Азиядагы өз ара кызматташуу жана ишеним кеңешинин саммитинде Кыргызстандын президенти Сооронбай Жээнбеков Борбор Азиядагы уран маселесине кайрылды.  Жээнбековдун айтымында, уран калдыктары көмүлгөн жайлар - аймактык деңгээлдеги маанилүү маселелердин бири жана ал мурдагы СССРден калган коркунучтуу мурас. Бул маселени чечиш үчүн Кыргызстан 2018-жылы эл аралык деңгээлде бир катар иш-чараларды уюштурган.  - БУУнун Башкы ассамблеясы Кыргызстандын... Читать дальше...

Дүйнөлүк басма сөзгө баяндама (10-17-июнь, 2019-жыл).

Гонконгдо бүгүн, 16-июнда миңдеген кишилер кайрадан көчөгө чыгып, аймактын башчысы Керри Ламдын кызматтан кетишин талап кылып жатышат. Акция жергиликтүү бийлик экстрадиция тууралуу мыйзам долбоорун кабыл алууну убактылуу токтоткондон кийин өтүүдө.  Нааразы тарап документти кабыл алууну убактылуу токтотууга каршы болуп, аны биротоло чакыртып алыш керек экенин билдирүүдө. Мындан тышкары, алар Керри Лам кызматынан кетип, ушул аптанын башындагы митинг учурунда демонстранттарга каршы күч колдонулганы үчүн кечирим сурашы керек деп эсептешет. Читать дальше...

Түштүк Америкада негизиги континенталдык кубок деп саналган «Copa America» турнири башталып, биринчи турдагы оюндар жүрүп жатат. «В» тайпасында алгачкы оюнду баштаган Аргентинанын курама командасы Колумбия менен туш келип, 0:2 эсебинде утулуп калды. Курамында дүйнөнүн төрт жолку мыкты оюнчусу Лионел Месси бар Аргентина бул оюнга фаворит катары чыгып, 90 мүнөт ичинде Колумбиянын дарбазасынын ачкычын таппай койду. Натыйжада Аргентина алгачкы упайын жоготсо, Колумбия үч упай менен «В» тайпасын баштады. Читать дальше...

Анталиянын Кумлужа аймагында 15-июнда жеңил автоунаа менен туристтерди ташыган автобус кагылышты. Кырсыкта жети турист жана жеңил машинедеги жергиликтүү төрт жаран жабыраган. Анталиянын Финике аймактык ооруканасы «Азаттыкка» билдиргендей, кырсыкта жабыркагандардын арасында кыргызстандыктар катталган эмес. Орусиялык жана өзбекстандык туристтер жаракат менен ооруканаларга түшкөн. Алардын абалы туруктуу экени айтылды. Жабыркаган туристтердин алтоо Орусиянын, бирөө Өзбекстандын жарандары. Учурда... Читать дальше...

Зулпубаев Далибай - айтылуу Курманжан датканын туугандарынан.

Тажикстан менен Кытай эки тараптуу байланыштарды бекемдөөгө багытталган 18 документке кол коюшту. Ага 15-июнда Тажикстандын борбору Дүйшөмбү шаарында өткөн Азиядагы өз ара кызматташуу жана ишеним кеңешинин саммитинин алкагында Кытайдын төрагасы Си Цзиньпиң менен тажик президенти Эмомали Рахмондун сүйлөшүүлөрүнөн кийин кол коюлду.  Документтердин арасында террорчулукка каршы биргелешип күрөшүү, инвестиция салуу, айыл чарба багытында кызматташуу жана биргелешкен ишканаларды ачуу тууралуу келишимдер бар. Читать дальше...

Кыргызстанда 17-июнда тоолуу райондордо жаан жаап, күн күркүрөйт. Бийик тоолордо кар жаайт. Дыйканчылык аймактарда жаан-чачын жаабайт. Батыштан соккон шамалдын ылдамдыгы секундасына 4-9 метрден Ысык-Көл ойдуңунда 15-20 метрге жетет.  Абанын температурасы:  Чүй өрөөнүндө түнкүсүн 12…17, күндүз 27…32; Суусамыр өрөөнүндө түнкүсүн 2…7, күндүз 13…18; Таласта түнкүсүн 8…13, күндүз 24…29; Баткенде түнкүсүн 14…19, күндүз 28…33; Ош жана Жалал-Абад облустарында түнкүсүн 14…19, күндүз 28…33; Ысык-Көлдө түнкүсүн 8…13... Читать дальше...

Жaйкысын Германияда иштеп келүүнү каалаган жүздөгөн студенттер быйыл виза ала албай жатышат.

Словакиянын жаңы шайланган президенти Зузана Чапутова 15-июнда Братиславада ант берди. Ал өлкөдөгү мыйзамсыздыкка каршы күрөшүп, адилеттүүлүктү коргой турганын билдирди.  45 жаштагы Чапутова Словакия эгемендүү болгон 1993-жылдан бери өлкө тарыхындагы биринчи аял президент болуп калды.   Зузана Чапутова – юрист жана экологиялык маселелерди көтөрүп жүргөн активист. Буга чейин коррупцияга каршы чыгып, ЛГБТ коомчулугун коргоп жүргөн. Ошондой эле абортко болгон укук үчүн күрөшүп, айлана-чөйрөнү коргоого чакырып келген. Читать дальше...

Римде италиялык белгилүү кинорежиссер Франко Дзеффирелли 96 жашында дүйнөдөн кайтты. Ал 15-июнда көз жумганын жакындары ырасташты. Маалыматка караганда, маркумдун сөөгү туулуп-өскөн Флоренция шаарында жерге берилет.   Дзеффирелли (туулгандагы аты-жөнү Жанфранко Корси) 1923-жылы туулган. Экинчи дүйнөлүк согуш маалында Каршылык көрсөтүү кыймылына катышкан. Майдандан кийин Римге барып, Лукино Висконти тарткан фильмдерде режиссердун ассистенти жана актер болуп иштей баштаган.  1960-жылдан тартып өзүн толук киного арнаган. Читать дальше...

Өрүктүн эрте быша турган сорту же ак өрүк сезону Баткен облусунда башталды. Алармандар ак өрүктүн бир килограмын 30-35 сомго баалап, алып жатышат. Бул баа былтырдан 10-15 сомго кымбат. Былтыр ак өрүк 10-20 сомдон сатылган. Сатып алуучулар өрүктүн бул түрүн Орусия жана Казакстанга экспорттошот. Баткен облусунун аймагында 10 миң гектардай өрүк аянты бар. Ал жерде өрүктүн 20тай сорту отургузулган. Дубан боюнча жылына өрүктөн түшкөн орточо киреше 8 миллиард сомдун айланасында болот. (JsA)

Көчкөн Сактанов чыгармаларында курч социалдык проблемаларды көтөрчү.

Өкмөт «Жакыр жашаган жана аз камсыз болгон үй-бүлөлөргө бир жолку социалдык жардам көрсөтүү жөнүндө» токтом долбоорун коомдук талкууга чыгарды. Бул тууралуу өкмөттүн басма сөз кызматы билдирди. Документти Эмгек жана социалдык өнүгүү министрлиги жакыр жашаган, аз камсыз болгон үй-бүлөлөрдү колдоо максатында иштеп чыккан. Анда мындай үй-бүлөлөргө социалдык келишимдин негизинде бир жолку социалдык жардам көрсөтүү, аны ишке ашырууга жыл сайын мекеменин бюджетинен 300 миллион сом кароо, 100 000 сомго... Читать дальше...

Түркиянын президенти Режеп Тайып Эрдогандын жубайы Эмине Эрдоган 15-июнда Тажикстандын баш калаасы Дүйшөмбүдө «Шифобахш» улуттук медицина мекемесине караштуу майыптарды реабилитациялоо борборунун ачылышына катышты. Борбор Түркиянын кызматташтык жана координациялоо агенттигинин (ТИКА) колдоосу менен курулган. Долбоорду ишке ашыруу тууралуу келишимге 2018-жылы кол коюлган. Эмине Эрдоган Дүйшөмбүгө Азиядагы өз ара кызматташуу жана ишеним кеңешинин саммитинин алкагында күйөөсүн коштоп барган.  ... Читать дальше...

Акыркы жылдары Түндүк Кипрге барган кыргызстандык студенттер менен мигранттар көбөйүп жатат. Жогорку окуу жайларында билим алган студенттер менен катар тейлөө тармагында иштеген кыргызстандыктар да арбын.

Кыргызстанда быйыл картөшкө мурдагы жылга караганда 1,7 пайызга аз айдалды. Бул тууралуу Улуттук статистика комитетинин соңку иликтөөсүндө айтылат.   Былтыр айдалган картөшкөнүн кыйласы сатылбай, ороолордо чирип кеткен. Дыйкандардын мээнети акталган эмес, көбү чыгымга учураган. Мындай көрүнүш Айыл чарба, тамак-аш, өнөр-жай  жана мелиорация министрлигинин ишине карата сын-дооматты күчөткөн.   Май айында министр Нурбек Мурашев кызматтан кеткен.  Расмий статистикага караганда, Кыргызстанда жалпы... Читать дальше...

Баткен шаарына жакын жердеги Төрткүл суу сактагычына чөгүп кеткен эки жигиттин сөөгү бүгүн эртең менен табылды. Өзгөчө кырдаалдар министрлиги билдиргендей, маркумдар 15-июнда сууга түшүп жатып чөгүп кетишкен.  Кечээ издөө иштери жүрүп, табылбагандыктан токтотулган. Бүгүн таңга жуук кайрадан башталган.   Маркумдардын сөөгү жакындарына өткөрүлүп берилди. (JsA)

Узаган аптанын урунттуу окуяларына сереп (10-16-июнь, 2019-жыл).