Аба ырайы тууралуу маалымат: чукул билдирүү

25-26-майда түнкүсүн Ысык-Көлдө жана Нарын облусунун дыйканчылык аймактарында 0 -2 градус үшүк жүрүшү мүмкүн. Мындай үшүк жылуулук сүйүүчү айыл чарба өсүмдүктөрү үчүн коркунучтуу.       

Абанын температурасы: 

Чүйдө түнкүсүн 6…11, күндүз 24…29 градус; 

Талас облусунда түнкүсүн 5…10, күндүз 22…27 градус; 

Баткен облусунда түнкүсүн 10…15, күндүз 25…30 градус; 

Ошто жана Жалал-Абадда түнкүсүн 8…13, күндүз 25…30 градус; 

Ысык-Көл облусунда 1…6, күндүз 17…22 градуска чейин жылыйт; 

Нарын облусунда түнкүсүн 0…-2, күндүз 15…20 градус болот.  

Бишкекте жаан-чачын күтүлбөйт. Түштүк-чыгыштан соккон шамалдын ылдамдыгы секундасына 3-8 метрге жетет. Абанын түнкү температурасы 8…10°, күндүзү 26…28° жылуу болушу күтүлөт.