Новости за 24.09.2018

სომხეთის პრემიერ-მინისტრის, ნიკოლ ფაშინიანის ბლოკმა დიდი უპირატესობით გაიმარჯვა დედაქალაქ ერევანში გამართულ მუნიციპალურ არჩევნებში, რომელიც ახალი ლიდერის ძალის პირველ მნიშვნელოვან გამოცდას წარმოადგენდა ხელისუფლებაში მოსვლის შემდეგ. ცენტრალური საარჩევნო კომისიის განცხადებით, ფაშინიანის ბლოკმა სახელად "ჩემი ნაბიჯი" მოიპოვა ხმათა 81 პროცენტი, გაცილებით მეტი, ვიდრე აუცილებელი რაოდენობა საიმისოდ, რომ მათი კანდიდატი, პოპულარული მსახიობი და პროდიუსერი ჰაიკ მარუთიანი ერევნის მერი გახდეს. ქალაქის საკრებულოში შევა კიდევ ორი პარტია... Читать дальше...

აშშ-ის სახელმწიფო მდივანი, მაიკ პომპეო აცხადებს, რომ რუსეთის საგარეო საქმეთა მინისტრს, სერგეი ლავროვს ნიუ-იორკში შეხვდება, ვაშინგტონის მიერ გამოთქმული შეშფოთების ფონზე მოსკოვის გეგმების შესახებ, რომ ის სირიას მიაწოდებს S-300 ტიპის ხმელეთი-ჰაერის სარაკეტო სისტემას. პომპეო ამ განცხადებებით გამოვიდა 24 სექტემბერს, რამდენიმე საათში მას შემდეგ, რაც რუსეთმა გამოაცხადა, რომ სირიას სარაკეტო სისტემას მიაწვდის თავდაცვისუნარიანობის გაზრდის მიზნით და საიმისოდ, რომ აღარ განმეორდეს ერთი კვირის წინ მომხდარი ინციდენტის მსგავსი შემთხვევები... Читать дальше...

ნიუ-იორკში, გაეროს გენერალური ასამბლეის სესიის კულუარებში გაიმართა შეხვედრა საქართველოს პრემიერ-მინისტრს, მამუკა ბახტაძეს და ევროკავშირის საგარეო-პოლიტიკურ ლიდერს, ფედერიკა მოგერინის შორის. გავრცელებული ცნობებით, მხარეებმა განიხილეს საქართველოს მიერ ევროპული ინტეგრაციის გზაზე მიღწეული პროგრესი, ევროკავშირში გაწევრიანების საგზაო რუკა და ქვეყანაში მიმდინარე რეფორმები. საქართველოს მთავრობის ადმინისტრაციის ინფორმაციით, შეხვედრაზე აღინიშნა, რომ საქართველო მოწინავე ქვეყანაა აღმოსავლეთის პარტნიორობის პროგამაში... Читать дальше...

ბაქოში მიმდინარე მსოფლიოს ჩემპიონატის მეხუთე დღეს კვარცხლბეკის უმაღლეს საფეხურზე ქართველი ძიუდოისტი ავიდა, ოღონდ ამით საქართველოს ნაკრებს არაფერი შემატებია. 90 კილოგრამ წონით კატეგორიაში მოჭიდავე ნიკოლოზ შერაზადაშვილმა უმაღლესი ჯილდო ესპანეთის დროშის ქვეშ მოიპოვა. ნიკოლოზ შერაზადაშვილი 22 წლისაა, ძიუდოს ანბანი საქართველოში ისწავლა, ესპანეთის სახელით კი საერთაშორისო არენაზე პირველად ექვსი წლის წინ გავიდა. ჭაბუკთა და ახალგაზრდულ ნაკრებებში ორ-ორჯერ გახდა ევროპისა და მსოფლიოს პრიზიორი, უფროსებში კი... Читать дальше...

პროფესორმა ავთო იმედაძემ, ნიკოლოზ ყიფშიძის სახელობის ცენტრალური საუნივერსიტეტო კლინიკის (ე.წ. რესპუბლიკური საავადმყოფოს) გენერალურმა დირექტორმა თანამდებობა დატოვა. ეს ინფორმაცია მან დაადასტურა რადიო თავისუფლებასთან სატელეფონო საუბარში. თავისი გათავისუფლების მიზეზად პროფესორმა იმედაძემ დაასახელა “საპარტნიორო ფონდის“ შვილობილი, „კლინიკების განვითარების კომპანიის“ გადაწყვეტილება. „სამეწარმეო რეესტრში უკვე შესულია ცვლილება და მე აღარ ვასრულებ დირექტორის მოვალეობას“, - გვითხრა სატელეფონო საუბარში ავთო იმედაძემ და დასძინა... Читать дальше...

ლიტერატურული გადაცემა „წახნაგები“ რუბრიკით „პერსონაჟი“ გთავაზობთ საუბარს მსოფლიო ლიტერატურის ერთ-ერთ ყველაზე პოპულარულ და უნივერსალურ პერსონაჟს, შექსპირის მეფე ლირს. ჯერ კიდევ არისტოტელე გვასწავლიდა, რომ ტრაგედიის საუკეთესო პერსონაჟი არის კეთილშობილი ადამიანი, რომელსაც შეცდომა, „ჰამარტია“ მოუვა. შეცდომა ადამიანურია, მაგრამ სიბრიყვეა შეცდომაში გაჯიუტება. ლირი სწორედ შეცდომაში გაჯიუტებული პერსონაჟია, რომელიც ჯერ ტკბება თავისი მრისხანებითა და ყოვლისშემძლეობით, ხოლო შემდეგ, როდესაც ღმერთი ხელახლა გაუხსნის გონებას... Читать дальше...

გერმანიის მმართველმა კოალიციამ, რომელსაც სათავეში უდგას კანცლერი ანგელა მერკელი, გადაწყვიტა თანამდებობიდან გადააყენოს ქვეყნის კონტრდაზვერვის უფროსი, ჰანს-გეორგ მაასენი, რომელიც შემჩნეულია ულტრანაციონალისტების მიმართ სიმპათიებში. ამის შესახებ იუწყება The Guardian-ი, რომლის ცნობით გადაწყვეტილება ერთი კვირის წინ შეთანხმდა და კვირას - დამტკიცდა. მაასენი მანამდე გააკრიტიკეს მემარჯვენე ძალების მიმართ თანაგრძნობისათვის. მან სავარაუდოდ ფალსიფიცირებული უწოდა ვიდეომასალას, რომელზეც ასახულია რადიკალების მოქმედება ლტოლვილების მიმართ ქალაქ კემნიცში... Читать дальше...

იუსტიციის უმაღლესი საბჭოს არამოსამართლე წევრი ნაზი ჯანეზაშვილი უმაღლესი საბჭოს მდივანს, გიორგი მიქაუტაძეს, უფლებამოსილების ბოროტად გამოყენებას ედავება და მიიჩნევს, რომ გიორგი მიქაუტაძეს თავისი გავლენის გამოყენებით სურს უვადო მოსამართლედ დაინიშნოს 2047 წლამდე. ვინაიდან ის უვადო მოსამართლეთა დანიშვნის კონკურსში მონაწილეობს, როგორც ამჟამად იუსტიციის უმაღლესი საბჭოს მდივანი, რა თქმა უნდა, გავლენას იქონიებს საბჭოს მოსამართლე წევრთა გადაწყვეტილებაზე.

აშშ-ის პრეზიდენტი ნიუ-იორკში ჩავიდა, სადაც გაეროს გენერალური ასამბლეის დაწყებამდე, დონალდ ტრამპი მსოფლიოს ლიდერებთან გამართავს შეხვედრებს. 23 სექტემბერს დონალდ ტრამპი შეხვდა იაპონიის პრემიერ-მინისტრს და მასთან ერთად განიხილა ვაჭრობისა და თავდაცვის სკითხები. „ტრამპ-თაუერში“ შეხვედრის შემდეგ, სინძო აბემ ჟურნალისტებს უთხრა, რომ საუბრის დროს განიხილეს ჩრდილოეთ კორეის პრობლემა და იმსჯელეს გატაცებული იაპონელი მოქალაქეების ბედზე. გაეროში აშშ-ის ელჩმა ნიკი ჰეილიმ ჯერ კიდევ 20 სექტემბერს განაცხადა, რომ დონალდ ტრამპი 25 სექტემბერს... Читать дальше...

მოლდავეთის საკონსტიტუციო სასამართლოს გადაწყვეტილებით, დროებით შეუჩერდა უფლებამოსილება ქვეყნის პრეზიდენტ იგორ დოდონს. ამის მიზეზად სახელდება ის, რომ სახელმწიფოს მეთაურმა ორჯერ არ დააკმაყოფილა პრემიერ-მინისტრ, პაველ ფილიპის თხოვნა ახალი მინისტრების დანიშვნის თაობაზე. საუბარია სილვია რადუზე, რომლის კანდიდატურაც მმართველმა დემოკრატიულმა პარტიამ წამოაყენა ჯანდაცვის მინისტრის პოსტზე და ნიკოლაე ჩუბუკეზე, სოფლის მეურნეობის, რეგიონული განვითარებისა და გარემოს დაცვის მინისტრობის კანდიდატზე. საკონსტიტუციო სასამართლოს დადგენილებით... Читать дальше...

საქონლის გამო დაწყებული გაუგებრობა თელავში სისხლიანი დაპირისპირებით დასრულდა. მხარეები ამბობენ, რომ ჩხუბის დროს იარაღიც ისროლეს.

25 წლის წელი გავიდა აფხაზეთის ომის დასრულებიდან. რა იყო ამ ომის გამომწვევი მიზეზები და როგორ დაიწყო ის? რა შეცდომები იქნა დაშვებული პოლიტიკური ელიტების მიერ წარსულში და რა შეცდომებს უშვებენ ისინი დღეს? როგორ შეიძლება ამ ვითარების შეცვლა?

ხორავას ქუჩაზე მოკლული მოზარდის, დავით სარალიძის მამამ, ზაზა სარალიძემ თბილისის მერიას მიმართა რუსთაველის გამზირზე კარვების გაშლის ნებართვისთვის. „მე მოვითხოვე ვადის გაგრძელება 5 ნოემბრამდე. ამასთან, მოვითხოვ, რომ მომცენ კარვების დადგმის უფლება. მივუთითე, რომ პასუხი წერილობით მეცნობოს” - განუცხადა ზაზა სარალიძემ სააგენტო ინტერპრესნიუსს. ზაზა სარალიძემ და პანკისის ხეობაში ჩატარებული სპეცოპერაციისას სასიკვდილოდ დაჭრილი თემირლან მაჩალიკაშვილის მამამ, მალხაზ მაჩალიკაშვილმა თბილისში, პარლამენტის შენობასთან... Читать дальше...

რომის პაპმა ფრანცისკემ, რომელიც თავის ვიზიტს განაგრძობს ბალტიისპირეთში, ორშაბათს ლატვიას ესტუმრა. პონტიფიკმა ქება შეასხა ლატვიელთა ქრისტიანულ სულს, რამაც ქვეყანას გადაატანინა საბჭოთა და ნაცისტური ოკუპაცია და მოუწოდა ლატვიელებს, რათა გაუფრთხილდნენ დიდი რუდუნებით მოპოვებულ თავისუფლებას. 24 სექტემბერს, რიგაში მყოფმა ფრანცისკემ ყვავილებით შეამკო ქალაქის ცენტრში მდებარე თავისუფლების მონუმენტი და მონაწილეობა მიიღო ეკომენურ წირვაში, რომელიც რიგის დომში, ლუთერანულ საკათედრო ტაძარში - აღავლინეს ლუთერანული... Читать дальше...

საქართველოს ყოფილი პრემიერ-მინისტრის, ვანო მერაბიშვილის ადვოკატის გიორგი ჩივიაშვილის შეფასებით, ბოლო ორი თვეა სპეციალური პენიტენციური სამსახური არათანმიმდევრულობას იჩენს. გიორგი ჩივიაშვილის თქმით, ვანო მერაბიშვილის მდგომარეობის გაუარესება დაიწყო 15 აგვისტოდან და მას შემდეგ, სასჯელაღსრულების დაწესებულებიდან სამჯერ გადაიყვანეს სამოქალაქო კლინიკებში. „თავიდან გვითხრეს, რომ მას ჰქონდა თვალის ანთება, მერე გვითხრეს, რომ იყო მხოლოდ სასუნთქი გზების პრობლემა. მკურნალობა დაუწყეს წვეთებით თვალის ანთებისთვის და აეროზოლით, რომელსაც ცხვირში იწვეთებდა. Читать дальше...

24 სექტემბერს რადიო თავისუფლების "დილის საუბრების" სტუმარი იყო გიორგი ლომთაძე, "ინფორმაციის თავისუფლების განვითარების ინსტიტუტის" (IDFI) კვლევითი მიმართულების ხელმძღვანელი.

თურქეთის პრეზიდენტი რეჯეპ ტაიპ ერდოანი აცხადებს, რომ იგი წინააღმდეგია ყოველგავრი მცდელობისა „ტერორისტებად“ გამოაცხადონ სირიის ზომიერი ოპოზიცია, გაანადგურონ იგი, ან ჩამოაშორონ სირიის კონფლიქტის პოლიტიკური მოწესრიგების პროცესს. ამის შესახებ საუაბრი ერდოანის წერილში, რომელიც რუსულმა გაზეთმა „კომერსანტმა“ გამოაქვეყნა. პუბლიკაციაში თურქეთის პრეზიდენტი აღნიშნავს, რომ მის ქვეყანას რუსეთისაგან განსხვავებული მიდგომა და პოზიცია აქვს ასევე სირიის პროვინცია იდლიბის გარშემო არსებული კრიზისის თაობაზე. თუმცა ერდოანი... Читать дальше...

საქართველოს ყოფილი პრემიერ-მინისტრი, შინაგან საქმეთა ყოფილი მინისტრი, პატიმრობაში მყოფი  ვანო მერაბიშვილი 15 აგვისტოს შემდეგ ჯანმრთელობის გაუარესებას უჩივის. იმის გამო, რომ მკურნალობის კურსი არაეფექტურია, ადვოკატები, ერთი მხრივ, არ გამორიცხავენ, რომ დიაგნოზი არასწორად დაისვა, მეორე მხრივ კი, ვარაუდობენ, რომ იგი, შესაძლოა, სასჯელაღსრულებით დაწესებულებაში მოწამლეს.

“ახალგაზრდა იურისტთა ასოციაციის” გორის ოფისში 2018 წლის საპრეზიდენტო არჩევნების მონიტორინგის პირველი შედეგები წარმოადგინეს. საია საარჩევნო პროცესს პირველი აგვისტოდან აკვირდება და კონკრეტული დარღვევები უკვე აღმოაჩინა. საიას გორის ოფისში ანგარიშის პრეზენტაციას სამოქალაქო სექტორისა და მედიის წარმომადგენლები დაესწრნენ.

ბოლო რამდენიმე დღის განმავლობაში ქუთაისის კლინიკამ მოწამვლის სიმპტომებით 30-ზე მეტი ბავშვი მიიღო. ყველა წყალტუბოს მუნიციპალიტეტის ბაგა-ბაღების აღსაზრდელია. ამჟამად კლინიკა „მედიქალ სითის“ ინფექციურ განყოფილებაში რჩება 13 ბავშვი. ექვსი მათგანი საავადმყოფოში გასულ საღამოს და დღეს დილით გადაიყვანეს. სამედიცინო დაწესებულების  ინფექციურ დაავადებათა დეპარტამენტის ხელმძღვანელის ნუგზარ მაღლაკელიძის ინფორმაციით, კლინიკას ერთნაირი ჩივილით მიმართა სულ 31-მა  პაციენტმა და მათგან 14-მა საავადმყოფო პირველადი დახმარების მიღების შემდეგ დატოვა. Читать дальше...

საქართველოს კულტურული მემკვიდრეობის დაცვის სააგენტოსთან არსებული  საბჭოს გადაწყვეტილებით, სტატუსი მოეხსნა  ბათუმში, ვაჟა-ფშაველას 13 ნომერში მდებარე დანგრეულ  ისტორიულ სახლს. როგორც საბჭოს სხდომის ოქმშია ნათქვამი, ძეგლის სტატუსის მქონე  ეს შენობა, სამწუხაროდ, მთლიანად განადგურებულია და არარსებულ ობიექტს არ შეიძლება ჰქონდეს ეს სტატუსი.

ოპოზიციური პარტიების კოალიციამ „ძალა ერთობაშია“ საქართველოს ყოფილი პრემიერ-მინისტრის, შინაგან საქმეთა ყოფილი მინისტრის, ვანო მერაბიშვილის ჯანმრთელობაზე პირადი პასუხისმგებლობა დააკისრა პრეზიდენტს, გიორგი მარგველაშვილს და იუსტიციის მინისტრს, თეა წულუკიანს. თბილისში დღეს გამართულ პრესკონფერენციაზე კოალიციის წარმომადგენელმა მამუკა გამყრელიძემ განაცხადა, რომ მე-6 წელია ვანო მერაბიშვილი სასჯელს იხდის მძიმე პირობებში, ერთადგილიან უფანჯრო საკანში, რაც შეძლება შეფასდეს როგორც წამების ტოლფასი და ამის გამო მნიშვნელოვნად შეირყა მისი ჯანმრთელობა. Читать дальше...

აშშ-ში კიდევ ერთ სექსუალურ ძალადობაში დაადანაშაულეს ბრეტ კავანო, უზენაესი სასამართლოს მოსამართლის პოსტზე წარდგენილი კანდიდატი. 53 წლის დებორა რამირესი, რომელიც იელის უნივერსიტეტში კავანოსთან ერთად სწავლობდა, „ნიუ-იორკ ტაიმსთან“ ინტერვიუში აცხადებს, რომ 35 წლის წინ ერთ-ერთ სტუდენტურ საღამოზე, კავანო მას უწესოდ მოექცა. ეს მსგავსი ხასიათის მეორე ბრალდებაა ბრეტ კავანოს წინააღმდეგ, რომლის კანდიდატურასაც სენატი განიხილავს. მანამდე კავანო სკოლის პერიოდში სექსუალურ ზეწოლაში დაადანაშაულა კრისტინ ფორდმა, ამჟამად კალიფორნიაში მცხოვრებმა პროფესორმა. Читать дальше...

24 სექტემბერს რადიო თავისუფლების "დილის საუბრების" სტუმარი იყო გიორგი ლომთაძე, "ინფორმაციის თავისუფლების განვითარების ინსტიტუტის" (IDFI) კვლევითი მიმართულების ხელმძღვანელი. მან ილაპარაკა სახელმწიფო შესყიდვების სფეროში გამჭვირვალებისა და ანგარიშვალდებულების გაზრდის მნიშვნელობაზე. სახელმწიფო შესყიდვები ტრადიციულად და არა მხოლოდ საქართველოში ითვლება კორუფციული რისკების და კორუფციული დანაშაულის ერთ-ერთ ყველაზე ხელსაყრელ სფეროდ. გიორგი ლომთაძე ლაპარაკობს იმაზეც, რატომ არის საქართველოს სახელმწიფო შესყიდვების სისტემა სხვებისაზე გამჭვირვალე და იმაზეც... Читать дальше...

იუსტიციის უმაღლესი საბჭოს არამოსამართლე წევრი ნაზი ჯანეზაშვილი "არამორალურად" მიიჩნევს საბჭოს მდივნის, გიორგი მიქაუტაძის მცდელობას, მონაწილეობა მიიღოს მოსამართლეთა უვადოდ დანიშვნის კონკურსში. მიქაუტაძე, რომელსაც დანიშნულ მოსამართლედ მუშაობის ვადა 2021 წელს ეწურება, აპირებს, რომ უვადოდ დანიშნული მოსამართლის სტატუსი რაც შეიძლება მალე მოიპოვოს. ნაზი ჯანეზაშვილის აზრით, ინტერესთა კონფლიქტია ის, რომ იუსტიციის უმაღლესი საბჭოს მდივნის უვადო მოსამართლედ დანიშვნის საკითხი თავად ამ საბჭომ უნდა განიხილოს და დადებითი გადაწყვეტილებაც იოლად სავარაუდოა. Читать дальше...