ყაზახეთის პრეზიდენტმა მოულოდნელად გამოაცხადა გადადგომის შესახებ
ყაზახეთის პრეზიდენტი ნურსულთან ნაზარბაევი აცხადებს, რომ ტოვებს თანამდებობას ქვეყნის თითქმის 30 წელი მართვის შემდეგ.
მან 19 მარტს პირდაპირ ეთერში გამოაცხადა, რომ გადაწყვიტა, აღარ შეასრულოს პრეზიდენტის მოვალეობები.
მანამდე რამდენიმე საათით ადრე მისმა ადმინისტრაციამ გაავრცელა ცნობა, რომ პრეზიდენტი აპირებდა მნიშვნელოვანი განცხადების გაკეთებას.
ნაზარბაევის თქმით, პრეზიდენტს ამ ეტაპზე შეცვლის პარლამენტის ზედა პალატის თავმჯდომარე, ყასიმ-ჟომარტ ტოყაევი.
ნათელი არ არის, აპირებს თუ არა 78 წლის ნაზარბაევი რომელიმე სხვა პოზიციის დაკავებას. გამოთქვამენ მოსაზრებას, რომ მან შესაძლოა გადადგმის შემდეგაც განაგრძოს ქვეყნის მართვა.
უფლებადამცველები და ოპონენტები მას ადანაშაულებენ ოპოზიციის დევნაში, არადემოკრატიული გზით თავისი მმართველობის გახანგრძლივებაში, პოტენციური მოწინააღმდეგების განეიტრალებაში.