სალომე ზურაბიშვილი პრეზიდენტის რანგში პარლამენტს პირველად მიმართავს
პარლამენტის რეგლამენტის თანახმად, პრეზიდენტის მოხსენების შემდეგ სიტყვით გამოდიან უმრავლესობის და უმცირესობის ლიდერები და თავმჯდომარეები იმ ფრაქციებისა, რომლებიც არ არიან უმრავლესობის, ან უმცირესობის შემადგენლობაში.
„პატრიოტთა ალიანსთან“ ერთად ასეთი ფრაქცია აქვს „ნაციონალურ მოძრაობას,“ რომლის წევრები პარლამენტის დღევანდელ სხდომას ბოიკოტს უცხადებენ. ფრაქციის თავმჯდომარის, რომან გოცირიძის თქმით, პროტესტის მიზეზია არჩევნების გაყალბება, ძალადობა და მოსყიდვა.