საფრანგეთის ქალაქ არლში ნიკო ფიროსმანის და ვან გოგის ერთობლივი გამოფენა გაიხნა
1 მარტს საფრანგეთის ქალაქ არლში ნიკო ფიროსმანის ნამუშევრები ვან გოგის ნახატებთან ერთად გამოიფინა. გამოფენა 1 ივნისამდე გაგრძელდება. არლის მუზეუმში დამთვალიერებელი ნახავს ნიკო ფიროსმანაშვილის 29 ნამუშევარს შალვა ამირანაშვილის სახელობის ხელოვნების მუზეუმის კოლექციიდან. გამოფენაზე ასევე წარმოდგენილი იქნება ილია ზდანევიჩის ხელნაკეთი წიგნი, სახელწოდებით „ფიროსმანაშვილი 1914". წიგნში შესულია პაბლო პიკასოს მიერ შესრულებული გრავიურა „ფიროსმანის პორტრეტი“.
ნიკო ფიროსმანის გამოფენა საფრანგეთამდე ავსტრიაში, ვენაში მდებარე ალბერტინას მუზეუმში გაიმართა და მას საკმაოდ დიდი გამოხმაურება მოჰყვა.