Iамерко керла санкцеш тоьхна гIажарошна

ГIажарийчоьнан 3 организацина а, 6 вахархочунна а дуьхьал Iамеркан финансийн министралло керла санкцеш яьхна аьлла, хаамбина урхалло шен сайтан агIон тIехь. Оцу юкъаралхоша а, бахархоша а адамийн бакъонаш талхийна. Санкцийн тептарехь ю "Ансар-э Хезболла" а, ТехIеранера "Эвин" набахте а, мобилан программаш юкъайоху, Iедало латто Hanista Programming Group компани а.


"Ансар-э Хезболлы" кхо хьалханча а язвина тептаре, Iедалан коьртера кхо хьаькам а, гIажаройн пачхьалкхан IRIB телевизионан директор а.


Финансийн министралло динчу дIахьедарехь билгалдаьккхина, ГIажарийчоьнан къоман ресурсаш ТехIерано хIаллакъеш хилар а, дешан маьршо а, цензура а эшорхьама царех пайдаоьцуш хилар а.