Евроберто емал дина Скрипална дIаьвшен тIелатар дар
Британис а, цуьнан бартхоша а бехке йина Москох кху беттан 4-чохь хилла дIаьвшен тIелатар дарна. Хууш ма хиллара, Солсбери гIалахь, дIаьвшен атака яр бахьана долуш, кхетамчуьра даьлла дуьсуш ду Скрипал Сергей а, цуьнан йоI Юлия а.
Британин арахьарчу гIуллакхийн министро Джонсон Бориса дIахьедар дира кху беттан 16-чу дийнахь, шена хетарехь, Скрипалана дуьхьал дIаьвшен газ хецар хьокъехь сацам бинарг ву Оьрсийчоьнан президент Путин Владимир аьлла.
ХIинццалц оццул лакхарчу даржехь волчу цхьана а стага бехке вина вацара Путин Владимир дIовш леладе аьлла омра даларна.