Новости за 17.03.2024

Чистай районы башлыгы Дмитрий Иванов Россия Президентын сайлауда тавыш бирде. Җылылык челтәрләре предприятиесе бинасында урнашкан 2730нчы сайлау участогына ул гаиләсе белән килде, дип яза «Чистай-информ».

Чаллыда халыкара экспертлар һәм күзәтүчеләр берничә сайлау участогында булды.

Биш бала тәрбияләүче Полукеевлар гаиләсе ТНВдагы «Гаилә белә сайлыйбыз» телемарафонында үз традицияләре турында сөйләде.

Ак барс аренада Россия Президенты сайлаулары көненә багышланган «Гаиләбез белән - сайлыйбыз» фестивалендә Татарстанның халык артисты Гүзәл Уразова, Татарстанның атказанган артисты Фирдүс Тямаев, Ваня Дмитриенко һәм «Кар-Мэн» төркеме чыгыш ясады.

Бүген 2543, 2544 һәм 2545нче сайлау участокларында Беларуссия һәм Казахстаннан халыкара күзәтүчеләр эшләде. Алар билгеләп үткәнчә, районда сайлау процессы бозылмыйча бара.

Россия Президентын сайлауда Хөкүмәт Рәисе урынбасарлары Татьяна Голикова һәм Александр Новак тавыш бирде. Бу хакта Telegramда Министрлар Кабинеты матбугат хезмәте хәбәр итә.

Күптән түгел уздырылган социологик тикшеренүләр нәтиҗәсе буенча, Татарстан халкы үз гаиләләре белән горурлана һәм дәүләтнең киләчәген кайгырта. Бу хакта ТНВда туры эфирда барган «Гаилә белән сайлыйбыз» телемарафонында «Диалог Регионы» коммерцияле булмаган автоном оешмасының Татарстанда бүлекчәсе җитәкчесе Марсель Гыйльмиев сөйләде.

Татарстанның Түбән Кама районы башлыгы Рамил Муллин хатыны белән бергә Рроссия Президентын сайлауда тавыш бирү өчен сайлау участогында булды. Бу хакта ул үзенең «Вконтакте» социаль челтәрендәге сәхифәсендә хәбәр итә.

Татарстанда Россия Президентын сайлауга килү 15.00 сәгатькә 77,06 процент тәшкил итте, дип хәбәр итә ТР Үзәк сайлау комиссиясе «Сайлаулар» ГАС системасы мәгълүматларына сылтама ясап үзенең телеграм-каналында.

«Гаилә белән сайлыйбыз!» республика бәйгесенең «Иң яшь катнашучылары булган гаилә» дигән махсус номинациясендә Наилә Хәсәнова җиңгән. Аңа махсус бүләк - Xiaomi Mi портатив колонкасы бирелә.

Татарстан Республикасы Үзәк сайлау комиссиясе рәисе Андрей Кондратьев гаиләсе белән бергә Идел буендагы бакчасында ял итәргә ярата. Бу хакта ул ТНВның 12 сәгатьлек «Гаилә белән сайлыйбыз!» онлайн-марафонында сөйләде.

Сайлаучылар Россия Президентын сайлауларның беренче көнендә активрак тавыш биргән. Бу хакта татар блогеры һәм сайлауларда күзәтүче Татар-малай (Ринат Галиәхмәтов) сөйләде. Ул Татарстанның Апас районында үзе эшли торган сайлау участогында гел музыка яңгырап торуын, ә тавыш бирергә килүчеләрне коймаклар белән каршы алуларын сөйләгән.

Татарстанның һәм Башкортстанның атказанган артисты Ришат Төхвәтуллин «Гаилә белән сайлыйбыз!» телемарафонында катнашты. Ул «Болгар Радиосы» студиясенә кунак булып килде, үзе белән гармун да алып килгән һәм җыр башкарган, дип яза ТНВ сайты.

Россия Президентын сайлауның соңгы көне уңаеннан бәйрәм концерты Казандагы «Ак Барс Арена» стадионы каршындагы мәйданчыкта башланып китте. Бу чара традицион Май чабу бәйрәме көннәре белән уңышлы туры килде, дип билгеләп үтте ТР Дәүләт Советы Рәисе Фәрит Мөхәммәтшин. Ул бәйрәмдә хатыны белән булды.

Җырчы Лэйна Россия Президенты сайлауларында күзәтүче статусында катнаша. «Миңа Казанның 80нче мәктәбендәге сайлау участогында эшләргә туры килде. Мин монда барысы белән дә дуслашып беттем. Эшләүчеләр белән дә рәхәтләнеп аралаштым, тавыш бирергә килүчеләрне җыр белән каршы алдым», – дип аңлатты ул ТНВ телеканалы үткәрә торган «Гаилә белән сайлыйбыз!» онлайн-марафонында.

Россия Президентын сайлауларда тавыш бирүнең өченче көнендә 12:00 сәгатькә булган мәгълүматлар буенча, Татарстанда сайлауга килү күрсәткече 71,68 процентка җиткән. Татарстанлылар яхшы активлык күрсәткән. Бу хакта Татарстан Үзәк сайлау комиссиясе рәисе Андрей Кондратьев ТНВ телеканалы үткәрә торган «Гаилә белән сайлыйбыз!» онлайн-марафонында сөйләде.

Россиядә РФ Президентын сайлауларда катнашырга килүчеләр саны, Россия Үзәк сайлау комиссиясенең 17 март 16:09 мәгълүматлары буенча, 70,1 процент тәшкил итә.

Россия Федерациясе һәм якын чит илләр арасында товарлар әйләнеше Азиядә 2023 елда 56,2 млрд доллар тәшкил итте - бу рекордлы күрсәткеч. Ул 2022 елдагыдан 7 процентка (52,5 млрд булган) артык. Сәүдә буенча алдынгы партнерлар исемлегенә Казахстан, Үзбәкстан һәм Әрмәнстан керде, дип яза РИА Новости.

Яшел Үзән мэры Михаил Афанасьев Россия Президентын сайлауларда музыкаль театрда урнашкан 1500нче участокта тавыш бирде. Бу хакта шәһәр хакимияте телеграм-каналында хәбәр ителә.

Татарстанда кеше хокуклары буенча вәкаләтле вәкил Сәрия Сабурская ТНВның «Бөтен гаилә белән сайлыйбыз!» телемарафонында Татарстанда тавыш бирүнең ничек узуы турында сөйләде. Ул тикшерү изоляторындагы сайлау участогында булганын, никахларын теркәгәннән соң ук тавыш бирергә килгән яшь парларны котлавын да сөйләде.

Танылган блогер Фәгыйлә Шакированың кызы Мәдинә Шакирова үзенең гражданлык бурычын үтәргә үзе үк алтын медальгә тәмамлаган 179 санлы гимназиядә урнашкан сайлау участогына барды. Мәдинә хәзерге вакытта Казан дәүләт архитектура-төзелеш университетында икенче курста укый. Казан шәһәренең 253нче санлы сайлау участогында тавыш бирергә килгәч кызны тормышындагы мөһим вакыйгасы уңаеннан комиссия әгъзалары тәбрикләп истәлек бүләге тапшырды.

Татарстан урман хуҗалыгы министры Равил Кузюров хатыны Эльвира белән бергә 129нчы мәктәпнең 270нче сайлау участогында тавыш бирде. Бу хакта ведомствоның матбугат хезмәте хәбәр итә.

«Гаилә белән сайлыйбыз!» конкурсы башланганнан бирле Татарстан халкы үзләренең социаль челтәрләрендә 63 меңнән артык фотосурәт урнаштырды. Бүген алар өченче, соңгы тапкыр Lada Vesta автомобиле уйнатуда катнаша алачаклар, дип искәрттеләр оештыручылар.

Дәүләт Думасының Контроль комитеты рәисе, Татарстан Республикасыннан Дәүләт Думасы депутаты Олег Морозов Россия Президентын сайлауда катнашты. Ул үз тавышын онлайн бирде, дип хәбәр итә Морозовның матбугат үзәге.

Апас районы башлыгы Айрат Җиһаншин сайлауга хатыны Гөлназ һәм балалары белән килде. Ул Мәдәният йортында урнашкан 879нчы сайлау участогында гражданлык бурычын үтәде.