Новости за 24.03.2024

22 март көнне Мәскәү өлкәсенең «Крокус Сити Холл» үзәгендә булган фаҗига Чирмешән районында яшәүчеләрне дә битараф калдырмады. Бүген илебездә - матәм көне. Бу хакта «Безнең Чирмешән» яза.

Зәйдә «Энергетик» мәдәният йорты янында «Крокус Сити Холл»да теракт корбаннары истәлегенә стихияле мемориал оештырылган. Шәһәр кешеләре иртәдән бирле анда чәчәкләр һәм уенчыклар алып килә.

Яшьләр эшләре министрлыгы хәбәр итүенчә, Татарстан яшьләре «Крокус Сити Холл»дагы теракт корбаннарын искә алу гомумроссия чарасына кушылды.

Бүген Мәскәү өлкәсендәге «Крокус Сити Холл»да теракт корбаннары истәлегенә акция башланды. Ул «Торналар» дип атала – очып барган торналар концерт бинасыннан күккә очкан рәвештәге проекция итеп эшләнелгән.

Сәламәтлек саклау министрлыгы: «Крокус»тагы теракт вакытында 180 кеше зыян күргән

Питрәч авылында Анна Чешенко 5 оныгын тәрбиягә алган. Әлеге гаилә янына аларның нәрсәгә мохтаҗ булуларын белер өчен район башлыгы Илһам Кашапов барды. Бу хакта «Алга» газетасы яза.

Яңа Чишмә районында Мәскәү өлкәсендәге «Крокус Сити Холлда» теракт корбаннары истәлегенә стихияле мемориал оештырылды. Шәһәр халкы анда чәчәкләр һәм уенчыклар китерә. Бу хакта район матбугат хезмәте хәбәр итә.

Азәрбайҗан президенты Илһам Алиев Россиядәге хезмәттәше Владимир Путинга Мәскәү өлкәсендәге «Крокус Сити Холл» концерт залында теракт сәбәпле кайгы уртаклашу белдерү өчен шалтыратты. Бу хакта Кремльнең матбугат хезмәте хәбәр итә.

Февраль аенда Татарстанда яшелчә бәясе узган ел белән чагыштырганда 20,18 процентка кыйммәтрәк тора иде. Әгәр 2024 һәм 2023 елларның беренче ике аендагы күрсәткечләрне чагыштырсак, бәяләр якынча 23 процентка үзгәргән. Бу хакта Татарстанстатның кулланучылар бәясе индексы турындагы мәгълүматта белдерелә.

«Крокус»та һәлак булучылар саны 137 кешегә кадәр җитте.

«Крокус Сити Холл» да теракт нәтиҗәсендә һәлак булучылар саны 137гә җитте, дип хәбәр итә РФ Тикшерү комитетында.

Үлгәннәрне танып белү эше дәвам итә. Хәзерге вакытта теракт урынында 137 кешенең мәете табылган, шуларның өчесе – балалар.

Җинаять урынын тикшерү дәвам итә. Хәзерге вакытта 62 үлгән кешенең шәхесе ачыкланган. Калганнары буенча аларның шәхесләрен ачыклау өчен генетик экспертизалар үткәрелә", - дип күрсәтелгән ведомствоның телеграм-каналында. Читать дальше...

Татарстанның «Начало Пути» балачак, яшьлек һәм картлыкны хуплау хәрәкәте активистлары Лисичанскида чираттагы гуманитар миссия белән булды.

Россия Президенты Владимир Путинның яңа атнага графигында Иминлек советы һәм икътисади мәсьәләләр буенча киңәшмәләр каралган. Дәүләт башлыгының планнары «Мәскәү. Кремль. Путин» тапшыруында хәбәр ителде. Видеодан өзек белән журналист Павел Зарубин Телеграм-каналында уртаклашты.

Россия Президенты Владимир Путин гражданнарның озак вакытлы җыйган акчаларына НДФЛ буенча яңа салым чигерүләрен кертте. Закон хокукый мәгълүмат порталында чыкты.

Мордовия Республикасы мөселманнарының Диния нәзарәте махсус хәрби операциядә катнашучыларга һәм аларның гаилә әгъзаларына комплекслы ярдәм күрсәтүне дәвам итә. Бу ярдәм мөселманнар өчен изге Рамазан аена аеруча актив бара. Бу хакта Россия Мөфтиләр шурасы матбугат хезмәте хәбәр итә.

Чечня Республикасы башлыгы Рамзан Кадыров Телеграм-каналында Мәскәү өлкәсендә «Крокус Сити Холл» концерт залындагы теракт фонында милли яки дини билгеләр буенча эзәрлекләүләргә юл куймаска чакырды.

Россия Президенты Владимир Путин Мәскәү өлкәсендә «Крокус Сити Холл» концерт залында булган хәлләр турында беренче минуттан ук докладлар ала башлаган. Бу кадрлар «Мәскәү. Кремль. Путин» программасында китерелгән. «Россия 1» телеканалы хәбәрчесе Павел Зарубин видеодан өзекне Телеграм-каналында урнаштырган.

Таҗикстан Президенты Эмомали Рахмон Россия хезмәттәше Владимир Путинга Мәскәү өлкәсенең «Крокус Сити Холл» концерт залында теракт вакытында гражданнар үлеме сәбәпле, тирән кайгы уртаклашу һәм теләктәшлек хисләрен белдерү өчен шалтыратты. Бу хакта Кремльнең матбугат хезмәте хәбәр итә.

Иртәгә, 25 мартта, циклон йогынтысында Татарстанда кабат һава шартлары начарлануы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Эдмунд Шклярский — Мәскәү өлкәсенең террорчылар һөҗүменә дучар булган «Крокус Сити Холл» концерт залында чыгыш ясарга тиешле «Пикник» төркеме лидеры, һәлак булганнарның туганнарының кайгысын уртаклашты. Ул социаль челтәрдәге сәхифәсендә (Россиядә экстремистик оешма дип танылган һәм тыелган Meta корпорациясенә карый) видео урнаштырган.

Бүген «Зөя утрау-шәһәрчеге» музей-тыюлыгында Мәскәү өлкәсендәге «Крокус Сити Холл» концерт залында теракт вакытында һәлак булганнарны бер минут тынлык белән искә алдылар.

Россия Иминлек советы рәисе урынбасары Дмитрий Медведев Телеграм-каналында Мәскәү өлкәсендәге «Крокус Сити Холл» концерт залында терактны оештыруга катнашы булган барлык кешедән үч алыначагын белдерде.

Мәскәү өлкәсе Красногорск шәһәрендә теракттан соң янган «Крокус Сити Холл» концерт залы торгызылачак. Бу хакта объект белән идарә итә торган «Крокус Интернешнл» компаниясенең матбугат хезмәте хәбәр итә.

Татарстаннан Россия Герое Рәсим Баксиков Мәсәкү өлкәсендә «Крокус Сити Холл»да теракт вакытында һәлак булганнарның гаиләләренең кайгысын уртаклашты.

Россия авиакомпанияләре һәм «Россия тимер юллары» ААҖ Мәскәү өлкәсендәге «Крокус Сити Холл» концерт залындагы терактта һәлак булганнарның һәм зыян күрүчеләрнең туганнарына бушлай билетлар тәкъдим итте.

Корея Халык Демократик Республикасының (КХДР) югары җитәкчесе Ким Чен Ын Россия Президенты Владимир Путинга Мәскәү өлкәсендә «Крокус Сити Холл» концерт залында терактка бәйле кайгы уртаклашу телеграммасын юллады. Бу хакта Кореянең Үзәк телеграф агентлыгы хәбәр итә.