Новости за 12.03.2024

Бүген Зәйнең никахлашу йортында да искиткеч күркәм вакыйга булды. Биредә өч буын гаилә пары бергә гомер итүләренең түгәрәк юбилейларын билгеләп үтте. Алай гына да түгел өч буын гаилә пары, ил буйлап сәяхәткә чыккан «Россия йөрәге» гаилә учагы капсуласын Зәй районы гаиләләре исеменнән Лениногорск районы гаиләләренә тапшыру миссиясен дә башкарды. Бу хакта «Зәй яңалыклары» хәбәр итә.

Татарстаннан биш тапкыр Гагарин кубогы иясе Данис Зарипов һәм Россиянең җиңел атлетика буенча атказанган тренеры Ольга Павлова Рубежное халкына волейбол, футбол, баскетбол командалары өчен спорт формалары һәм Данис Зариповтан шәхсән балалар киемнәрен тапшырды.

Россия Президентын сайлау - бик җаваплы чара. Россиялеләргә илебезне алга таба алып барырлык лаеклы лидерны сайларга кирәк булачак. Бу хакта «Бердәм Россия» партиясе тарафдарларының «Халык бердәмлеге» форумында Татарстан Дәүләт Советы Рәисе Фәрит Мөхәммәтшин белдерде.

«Геройлар вакыты» кадрлар программасы Россиядә идарәчеләрне тәрбияләү өчен яңа адым булачак. Аңа махсус хәрби операциядә катнашучылар да кушыла ала. Бу хакта «Россия лидерлары» конкурсы җиңүчеләре белән очрашуда РФ Президенты Владимир Путин белдерде.

Бүген Татарстан Дәүләт Киңәшчесе Минтимер Шәймиев Яшел Үзәндә Горький исемендәге заводның хезмәт династияләре белән очрашты.

Соңгы 4 елда Татарстанда эш көненең озынлыгы 12 минутка артты. Шул ук вакытта эш урынында барыннан да озаграк административ персонал кала башлады. Бу хакта РБК Татарстанстатка сылтама белән хәбәр итә.

Россия Президенты инаугурациясе 7 майда узачак. Бу хакта РИА Новости Дәүләт Думасындагы чыганакка сылтама белән хәбәр итә.

Бүген Татарстан Дәүләт Киңәшчесе Минтимер Шәймиев Яшел Үзәннең А.М.Горький исемендәге заводның хезмәт коллективы белән очрашты. Цехта узган очрашуда ул завод хезмәткәрләрен борчыган көнүзәк проблемалар, эшчеләрнең уртача яше һәм хезмәт хаклары дәрәҗәсе нинди булуы белән кызыксынды, шулай ук сорауларга җавап бирде.

Татарстан Мәдәният министрлыгы субсидия хисабына фильм төшерергә тәкъдим иткән 10 темага 15 гариза кергән. Заманча сәнгать галереясында Кинопроектлар питчингы бара.

Кичә Татарстан Республикасының балалар хирургиясенә нигез салучыларның берсе Павел Гребнев вафат булган. Бу хакта Балалар республика клиник хастаханәсендә сөйләделәр.

Татарстан Рәисе Рөстәм Миңнеханов Әлмәттә яңартылган «Креатив процесслар фабрикасы» яшьләр үзәгендә булды. Объект 1954 елда ук төзелгән һәм 2023 елда яңартылган Горький исемендәге Мәдәният йорты бинасында урнашкан. Бу хакта Татарстан җитәкчесенең матбугат хезмәте хәбәр итә.

Татарстан вице-премьеры һәм Бөтендөнья татар конгрессының «Милли шура» рәисе Васил Шәйхразиев Россия төбәкләре буйлап берничә сәфәр кылды. Анда ул тиешле федераль округларның татар җәмәгатьчелеге вәкилләре белән очрашты. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов Әлмәт Үзәк район хастаханәсенең яңа кабул итү-диагностика бүлеген ачу тантанасында катнашты. Яңа корпус хастаханәнең функциональ үзәге булачак, анда кыска вакытта тикшерүләр уздырылачак һәм патологиягә карамастан, пациентны дәвалау өчен алга таба адымнар билгеләнәчәк. Бу хакта Татарстан җитәкчесенең матбугат хезмәте хәбәр итә.

Новосибирскида «Яз нуры» конкурсында 6 татар кызы - Алсу Әминова, Аделина Емалетдинова, Эльмира Тимеркаева, Сәфинә Усманова, Сафия Хәмидулина һәм Адилә Галиева катнашты. Бу хакта «ВКонтакте» социаль челтәрендә «Новосибирск татарлары» төркемендә хәбәр ителә.

Татарстанда ипотека түләү өчен заемщикның тәкъдим ителгән гаилә кереме күләме 98,1 мең сумга кадәр арткан. Кредит тарихлары илкүләм бюросының (НБКИ) тикшеренү мәгълүматлары шундый, дип хәбәр итә «Татар-информ».

Иртәгә, 13 мартта, Татарстанда кабат һава шартлары бозылу көтелә. Бу хакта ТР Гидрометеорология һәм әйләнә-тирә мохитне күзәтү идарәсе кисәтә.

Казандагы Вознесенский трактының икенче этабын төзүнең инвесторы «ТатДорТрансИнвест» акционерлык җәмгыятенең бүлендек компаниясе була. Ул проектны гамәлгә ашыру өчен 4,5 млрд сум кулланырга ниятли. Бу хакта ТР Министрлар Кабинетында узган брифингта транспорт һәм юл хуҗалыгы министры Фәрит Хәнифов хәбәр итте.

Чара Россиянең төрле төбәкләреннән 1 меңнән артык катнашучыны берләштерәчәк.

Кемерово өлкәсенең Осинники шәһәрендә урнашкан «Нур Ислам» мәчете имам-хатыйбы Азат хәзрәт Шәйдуллин мәктәп укучыларына ислам мәдәнияте һәм мәчет тарихы турында сөйләде. Бу хакта Россия мөселманнары Диния җыены Үзәкләштерелгән дини оешмасының матбугат хезмәте хәбәр итә.

Мәгариф һәм фән өлкәсендә күзәтчелек буенча федераль хезмәт (Рособрнадзор) бердәм дәүләт имтиханын кабат тапшыруны имтихан бирүнең төп чорында оештыру буенча эшли. Төп чор 23 майда башлана. Бу турыда РИА Новости ведомствоның матбугат хезмәтенә сылтама белән хәбәр итте.

ТАСС агентлыгы хәбәр иткәнчә, Россия Саклану министрлыгында Иваново өлкәсендә Ил-76 самолетының һәлакәткә юлыгуын расладылар.

БМО Генераль секретаре Антониу Гутерриш Рамазанны хөрмәтләргә һәм изге айда Газа секторы белән Суданда атышны туктатырга чакырды. Бу хакта ТАСС агентлыгы хәбәр итә.

«Тимер» батальоны командирының хәрби-сәяси эш буенча урынбасары Россия президентлыгына кандидатлар күрсәтелгән мәгълүмати стенд күрсәтте. Видеоязма батальонның телеграм-каналында чыкты.

Казан илкүләм тикшеренү технология университетының Бөгелмә филиалы директоры Ренат Хәмидуллин 61 яшендә вафат булган. Бу хакта КНИТУ-КХТИның матбугат хезмәте хәбәр итә.

Чәршәмбе, 15 мартта, ТР Үзәк сайлау комиссиясе рәисе Андрей Кондратьев Татарстанның Төбәк белән идарә итү үзәге аккаунтында оештырылган туры эфирда спикер булачак. Эфир Россия Президентын сайлауга багышланган.