Новости за 17.11.2023

Зәйдә район башлыгы Разиф Кәримовка мотоукчылар полкы командирыннан «Сугышчан дуслыкны ныгыткан өчен» медален тапшыру турындагы боерык килеп иреште. Бу хакта «Зәй яңалыклары» хәбәр итә.

Бу атнаны шимбә көнне – 18 ноябрьдә – ТР Сәүдә-сәнәгать палатасында Halal Market узачак, дип хәбәр итә ТР Диния нәзарәте.

13-17 ноябрь көннәрендә Казахстанның Җаек шәһәрендә «Нәҗип Җиһанов халыкара йолдызлыклары» шәхси фондының 15 еллыгы уңаеннан чаралар оештырган. Алар «Казах һәм татар халкының музыкаль мәдәниятен үзара баету» проекты кысаларында Көнбатыш Казахстан өлкәсе хакимияте, Россия Федерациясенең Җаектагы Генераль консуллыгы, Татарстанның Казахстандагы Тулы вәкаләтле вәкиллеге, Бөтендөнья татар конгрессы, Татарстан «Яңа Гасыр» телерадиокомпаниясе ярдәме һәм катнашында оештырылган. Бу хакта Бөтендөнья татар конгрессы матбугат хезмәте хәбәр итә. Читать дальше...

Ата-аналар һәм балалар Казан мәктәп ашханәләренең ничек эшләвен үз күзләре белән күрә ала. Алар өчен 21 ноябрьдә шәһәрнең Азык-төлек һәм социаль туклану департаменты экскурсия оештыра.

Бүген республиканың Питрәч районында үлемгә китергән юл-транспорт һәлакәтенә Татарстан Дәүләт автоинспекциясендә аңлатма бирделәр.

21-22 ноябрь көннәрендә Уфада «Ватанны саклаучылар Кубогы» төбәкара комплекслы физкультура чарасы узачак.

Дәүләт Думасы депутатлары Яна Лантратова һәм Нина Останина җәмәгать урыннарында ана һәм бала бүлмәләре булдыру һәм аларга бердәм санитар таләпләр кабул итү тәкъдиме белән чыккан. Бу тәкъдим белән алар Россия кулланучылар хокукларын яклау һәм кеше иминлеге өлкәсендә күзәтчелек федераль хезмәте башлыгы Анна Поповага мөрәҗәгать иткән. Бу — тиешле документлардан күренә, дип яза РИА Новости.

Бүген, 17 ноябрьдә, Питрәч районы Көек авылында «Фәрүәз» мәчете ачылды.

Татарстанның Актаныш районы мәктәпләре укучылары солдатларга җылы хатлар яза, алар өчен талисманнар ясый, шулай ук гуманитар ярдәм җыюда кулларыннан килгән кадәр өлеш кертәләр.

«Россия Федерациясендә халыкны эш белән тәэмин итү турында»гы законның яңа версиясен Дәүләт Думасы икенче укылышта кабул итте.

Татарстан Дәүләт җыр һәм бию ансамбле «Пушкин картасы» кысаларында концертлар сериясен башлаган. Беренче концертлар кичә Казанның 181 нче күп профильле мәктәбендә һәм Иннополис лицеенда узган.

Татарстанның Питрәч районында Тагаш-Обухово трассасында «Лада» һәм Chevrolet Niva бәрелешкән. Бу хакта «Татар-информ» га Татарстан прокурорының өлкән ярдәмчесе Руслан Галиев хәбәр итте.

Әфганстанның Россия эшлекле үзәгендә Татарстан делегациясе Әфганстанның икътисади мәсьәләләр буенча вице-премьеры өлкән киңәшчесе Абдул Гани Бәрадар белән очрашты.

Кувейтта Халыкара Коръән укучылар бәйгесе тәмамланган. Анда дөньяның 70 иленнән Коръән-хафизлар катнашкан. Чара Кувейт әмире Нәваф әл-Әхмәт әл-Җаббар әс-Сәбах патронажы белән узган. Бу хакта Россия Федерациясе мөселманнары Диния нәзарәтенең үзәкләштерелгән дини оешмасы матбугат хезмәте яза.

Татарстанда Көнчыгыш көрәш үзәгенә ихтыяҗ бар. Тәкъдим әле коронавирус пандемиясенә кадәр үк тикшерелгән, Татарстанның Лаеш районында урын да каралган иде. Бу темага кире кайтырга планлаштыралар, һәм, мөгаен, урынны республиканың башкаласында эзләрләр. Бу хакта «Татар-информ» га Россия Көрәш сәнгате берлегенең Татарстан Республикасы буенча башкарма комитеты җитәкчесе, атказанган тренер Александр Даренков хәбәр итте.

2024 елда Бердәм дәүләт имтиханнары 23 майда география, әдәбият һәм химия фәннәреннән сынау белән башлана. Бу — норматив хокукый актлар проектлары порталында чыккан расписание проектында күренә. Бу хакта РИА новости хәбәр итә.

16 ноябрьдә Үзбәкстанның Бохара өлкәсе Татар-башкорт милли-мәдәни үзәге Дуслык йортында Халыкара бәйрәм – Толерантлык көнен үткәрде. Бу хакта Бөтендөнья татар конгрессының матбугат хезмәте хәбәр итә.

Татарстанда кайбер торак пунктларда ЗАГСлар функцияләрен башкаруны туктата. Бу — хокукый мәгълүмат порталында чыккан закон проектында күренә.

Россия Федерациясенең Цифрлы үсеш, элемтә һәм массакүләм коммуникацияләр министрлыгы телефон мошенниклыгы (фрод) белән көрәш өчен федераль дәүләт хезмәтләре порталында гражданнарга теркәлгән sim-карталар турында бүлек булдырырга тели. Бу хакта телеком-базардагы чыганакларга сылтама белән «Коммерсантъ» газетасы яза.

Екатеринбургның «Город» ҖЧҖ (Городничев) компаниясе Казан күренешләре төшерелгән кәнфит җыелмалары чыгарырга ниятли. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

15-16 ноябрь көннәрендә Киров өлкәсендә Татар мәгърифәте көннәре үтте. Бу хакта Бөтендөнья татар конгрессы матбугат хезмәте хәбәр итә.

Татарстан энергетикалары электр белән тәэмин итүне торгызуда ярдәм итү өчен республика шефлыкка алган Лисичанск шәһәренә килде. ТР Рәисе Рөстәм Миңнеханов Telegram-каналында шул хакта хәбәр итте.

Ноябрь ахырында Түбән Кама районы башлыгы Рамил Муллин булышлыгы белән хакимият һәм волонтерлар махсус хәрби операциядә катнашучыларга, шулай ук Татарстан шефлыкка алган Лисичанск һәм Рубежное шәһәрләрендә яшәүчеләргә чираттагы гуманитар ярдәм озатачак.

Дәүләт Думасы 2024 елга һәм 2025-2026 елларның план чорына федераль бюджет турындагы законны өченче, соңгы укылышта кабул итте. Бу хакта Федераль Җыенның түбән палатасы матбугат хезмәте хәбәр итә.

Чечня Республикасы җитәкчесе Рамзан Кадыровның улы – 15 яшьлек Адам Кадыров «Россиянең хезмәт батырлыгы» ордены һәм I дәрәҗә «Россия спецназ университетын үстерүгә керткән өлеше өчен» медаленә лаек булды. Республиканың милли сәясәт, тышкы элемтәләр, матбугат һәм мәгълүмат министры Әхмәд Дудаев Telegram-каналда шул хакта хәбәр итте.