Новости за 17.11.2023

Ульяновск шәһәре Татар мәдәнияте үзәгендә «Әпипә» дип исемләнгән өлкә конкурсы башланып китте. Бу хакта «Өмет» газетасының телеграм-каналында хәбәр ителә.

Татарстан Рәисе Рөстәм Миңнеханов «Гражданнарның гаражлар һәм җир кишәрлекләренә хокукы белән бәйле аерым мәсьәләләрне җайга салу турында»гы ТР законына үзгәрешләр кертте.

17 ноябрьдә «Гадел Кутуй безнең йөрәкләрдә» мәдәни-агарту марафоны кысаларында күренекле татар язучысы, тумышы белән Пенза ягыннан булган Гадел Кутуйның тууына 120 ел тулуга багышланган чаралар үткәрә. Бу хакта Бөтендөнья татар конгрессының матбугат хезмәте хәбәр итә.

ТР Рәисе Рөстәм Миңнеханов «Татарстан Республикасы җир кодексы»на үзгәрешләр кертә торган законны имзалады.

Дәүләт Думасы тарафыннан өч укылышта хупланган эшләмәүче пенсионерлар өчен уртача пенсияне арттыру турындагы закон проекты 32 миллион россияленең пенсия күләмен үзгәртәчәк, дип белдерде Россиянең атказанган юристы Иван Соловьев «Прайм» агентлыгына биргән интервьюсында. Бу хакта РИА Новости агентлыгы хәбәр итә.

Мәскәү метросында утлы коралдан ату белән бәйле низаг булган, дип хәбәр итте башкала транспорт департаменты.

2024 елның 1 гыйнварыннан озак сроклы саклык акчаларын формалаштыру программасы гамәлгә керә. Санкт-Петербург дәүләт университетының хезмәт һәм социаль хокук кафедрасы ассистенты Фатыйма Ногайлиева «Прайм» агентлыгына биргән интервьюсында пенсияне арттыру өчен аннан ничек файдаланырга икәне турында сөйләде. Бу хакта РИА Новости агентлыгы хәбәр итә.

NC Logistic фармлогистик 3PL-операторының сыйфат буенча директоры Станислав Смирнов Sputnik радиосына биргән интервьюсында даруның чынмы-түгелме икәнен тикшерү алымын аңлатты. Бу хакта РИА Новости агентлыгы хәбәр итә.

Самараның «Заман» балалар фольклор ансамбле «Халыклар мирасы» бәйгесендә өч меңнән артык тавыш җыеп, интернет аудиториясендә иң популяр коллектив дип аталды. Бу хакта «Самара татарлары» сайты хәбәр итә.

Екатеринбург шәһәрендә татар яшьләре һәр якшәмбе саен волейбол буенча уеннар уздыра. Бу хакта Бөтендөнья татар конгрессы матбугат хезмәте хәбәр итә.

Татарстанда 2024 елга яшәү минимумы күләме үзгәрәчәк. Җан башына исәпләгәндә, планлаштырылган 12 966 сум урынына ул 13 135 сум тәшкил итәчәк. Бу хакта Татарстан Республикасы Хезмәт министрлыгы тарафыннан эшләнгән Татарстан Республикасы Хөкүмәте Карары проектында әйтелә.

Бүген Татарстанда аязучан болытлы һава көтелә, бераз кар ява, төнлә һәм иртән аерым районнарда томан булачак. Бу хакта ТР Гидрометүзәгенең матбугат хезмәте хәбәр итә.

22 ноябрьдә Түбән Камада Халык иҗаты йортында «Фантастик Пластик» экологик күргәзмәсе ачылачак. Бу хакта «Туган як» сайты хакимиятнең матбугат хезмәтенә сылтама белән хәбәр итә.

Татарстан хезмәт, халыкны эш белән тәэмин итү һәм социаль яклау министры Эльмира Зарипова Кукмарага эш сәәфре кысаларында гражданнарны кабул итте. Бу хакта «Хезмәт даны» сайтында хәбәр ителә.

Казанда Татарстан архив хезмәтенең 105 еллыгын билгеләп үттеләр. Чарада Татарстан Архив эше буенча дәүләт комитеты оештырган бәйгеләрдә җиңүчеләрне бүләкләү тантанасы булды. Алар арасында Лениногорск архивы да бар. Бу хакта «Зама нсулышы» хәбәр итә.

Алабугада үткәрелгән көзге авыл хуҗалыгы ярминкәләрендә бүгенге көнгә алынган мәгълүматлар буенча 22,8 млн. сумлык авыл хуҗалыгы продукциясе сатылган. Алар - 20 тонна ит, 337 тонна яшелчә, 10 тонна сөт продукциясе һәм 4 тонна бал, 128 тонна ашлык. Бу хакта «Алабуга нуры» хәбәр итә.