Новости за 15.09.2023

16 сентябрьдә Алабугада традицион җәядән ук ату буенча «Туган батыр» II Бөтенроссия турниры узачак. Ярышлар 9.00 сәгатьтә башлана. Рәсми ачылыш 10.00 сәгатьтә, ә 16.00 сәгатькә бүләкләү һәм турнирны ябу тантанасы планлаштырылган. Бу хакта «Алабуга нуры» хәбәр итә.

Татарстанда урман янгыннарының югары һәм гадәттән тыш куркынычы аркасында шторм кисәтүе игълан ителде. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә «Татарстан Гидрометеорология һәм әйләнә-тирә мохитне күзәтү үзәге» федераль дәүләт бюджет учреждениесенә сылтама белән шул хакта хәбәр итте.

Санкт-Петербург дәүләт университеты мәйданчыгында «Хәзерге дөньяда дини кыйммәтләр» II дин форумы кысаларында «Беренче Баязитов укулары» халыкара фәнни-гамәли конференциясе булды. Конференциянең темасы «Динара һәм милләтара диалог теле буларак теология» иде. Бу хакта Россия Мөфтиләр шурасы матбугат хезмәте хәбрә итә.

Бүген Татарстан Рәисе Рөстәм Миңнеханов Казанның «Ак Барс Арена» стадионында республиканың әйдәп баручы спортчылары һәм тренерлары белән очрашты. Бу хакта республика җитәкчесенең матбугат хезмәте хәбәр итә.

Менделеевск районында дельтапланерист һәлак булган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Бүген, 15 сентябрьдә, кояш баеганнан соң мәртәбәле Рабигыль-әүвәл ае керә. Халыкта ул Мәүлид ае буларак билгеле һәм безнең пәйгамбәребез, Аллаһының сөекле Рәсүле, тарихта кешеләр арасында иң яхшысы булган Мөхәммәднең с.г.в. дөньяга килүе белән олылана.

Әгәр ул мөселман кешесе булса, башка дәүләт гражданины белән никахлашу рөхсәт ителгән. Бу хакта «Казан нуры» мәчете имамы Наил хәзрәт Йосыпов искә төшерде. «Татарстан — Яңа гасыр» телеканалы шул хакта хәбәр итә.

Зәңгәр күлләрне төзекләндерү өстенлекле бурыч булып тора. Бу хакта Татарстан Рәисе Рөстәм Миңнеханов әлеге территорияне алга таба үстерү буенча күчмә киңәшмәдә белдерде. Республика җитәкчесенең матбугат хезмәте шул хакта хәбәр итә.

Казанда 2нче троллейбусларда йөрү өчен кондукторсыз түләү системасының эш тәҗрибәсе билетсыз йөрүчеләр саны кими баруын күрсәтте. «Метроэлектротранс» предприятиесендә «куяннар» белән хәлне шулай шәрехләделәр.

Татарстанның күпфункцияле үзәкләрендә экстерриториаль принцип буенча муниципаль хезмәтләр күрсәтелә ала. Ягъни республикада яшәүчеләрнең муниципаль берәмлекләрнең башкарма комитетлары хезмәтләрен тору урыныннан читтә дә алу мөмкинлеге булачак. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.

Июнь аенда MOÑ театр мәйданчыгында оештырылган «Чисто Чиста» проекты кысаларында Буа районының Яңа Чәчкаб һәм Кыр-Тәүгелде авылы балалары Нурбәк Батулла, Йолдыз Миңнуллина һәм Ислам Вәлиев җитәкчелегендә үзләре турында спектакльләр иҗат итте. Yummy Music лейблы «Чисто Чиста» проектының шундый ук исемдә җыры һәм клибын чыгарды. Җырның продюсеры – Казан электрон музыканты Ислам Вәлиев – Malsi Music.

Татарстан Рәисе Рөстәм Миңнеханов «Ак Барс Арена» стадионында спорт музее ачылышында катнашты. Ул бу хакта Телеграм-каналында хәбәр итте.

Беренче чирек азагына кадәр Казанның һәр мәктәбендә «Беренчеләр хәрәкәте» клубы ачарга планлаштыралар. Оешмага әгъзалыкка шәһәрнең һәр районында ай саен багышлаулар оештырырга җыеналар. Бу хакта «Татар-информ»га Татарстан Дәүләт Советы депутаты, «Беренчеләр хәрәкәте»нең Казан бүлеге җитәкчесе Динар Бариев хәбәр итте.

Халыкара «Татар кызы» бәйгесендә Пермь краен тәкъдим итүче Илсинә Хатыбҗанова туган якка һәм милләткә карата мәхәббәтне кечкенә чактан ук тоеп үсәргә кирәк дип саный. Ул «Татар-информ» хәбәрчесенә Пермь татарларының яшәеше турында сөйләде.

«Милләт хәзинәсе» грант чарасы кысаларында Марий Эл Республикасында татар мәдәнияте үзәге «Милли бизәк» семинар-парктикум үткәрә. Бу хакта Бөтендөнья татар конгрессының матбугат хезмәте хәбәр итә.

17 сентябрь Үзбәкстанның Ташкент шәһәрендә Халыкара «Татар кызы» бәйгесе финалы үтәчәк. Конкурс финалисты Элназ Җамалетдинова «Татар-информ» хәбәрчесенә бәйгедән соң туган төбәге Чувашия республикасында да «Татар кызы» проектын уздыра башлау теләге турында сөйләде.

Татарстанда хастаханә һәм поликлиника баш табибларын «Медицинада куркынычсызлык» программасы буенча укыган һәм республика Сәламәтлек саклау министрлыгы кадрлар резервына эләккән белгечләрдән сайлап алачаклар.

Татарстан Рәисе Рөстәм Миңнеханов бүген рус бильярды тарихында иң титуллы бильярдчы Диана Миронова белән очрашты һәм аның белән республикада әлеге спорт төренең үсеш перспективалары турында сөйләште. Бу хакта «Татар-информ»га Татарстан Рәисенең матбугат хезмәте җитәкчесе Лилия Галимова хәбәр итте.

Сәнәгатьтә һәм башка тармакларда кадрлар дефицитын хәл итү өчен Татарстанга дөньядагы иң яхшы тәҗрибәләрне исәпкә алып, төбәкнең яңа программасын эшләргә кирәк. Бу хакта республиканың Инвестиция үсеше агентлыгы җитәкчесе Талия Миңнуллина белдерде. Ул бу турыда Казанда узган «Татарстан сәнәгате тармакларына кадрларны кайда эзләргә? Таләпләр. Карарлар» темасына түгәрәк өстәлдә җиткерде.

11 сентябрь бәяләмәсенә караганда, илдә еллык инфляция 5,5 процентка кадәр тизләнгән. Июльдә ул — 4,3 процент, август аенда 5,2 процент булган. Бу хакта Россия Банкы хәбәр итә.

«Идел» яшьләр үзәгендә үтүче «Татар яшьләре көннәре» форумы катнашучылары белән очрашуда «ALGA» брендына нигез салучы Тимерхан Зыятдинов яшьләр ориентир итеп караган татар артистлары милли кием брендларына игътибар итми, дигән фикер җиткерде.

Россия Кораллы көчләре белән 300 мең кеше контракт төзегән. Бу хакта Россия Президенты Владимир Путин Беларусь лидеры Александр Лукашенко белән сөйләшүләр нәтиҗәләре буенча матбугат конференциясендә белдерде. РИА Новости шул хакта хәбәр итә

Россия Банкы бүгенге утырышта төп ставканы еллык 12 проценттан 13 процентка кадәр күтәрү турында карар кабул итте. Бу хакта регуляторның матбугат хезмәте хәбәр итә.

Казанда 15-24 сентябрь көннәрендә яшь режиссерларның «Артмиграция» Бөтенроссия фестиваль-форумы уза. Бу хакта «Татар-информ»да узган матбугат конференциясендә Татарстан Республикасы Мәдәният министрлыгының иҗтимагый оешмалар белән хезмәттәшлек бүлеге башлыгы Айрат Фәйзрахманов хәбәр итте.

Татарстанның халык артисты Флера Сөләйманованы Мәрҗани мәчетендә узган хушлашу мәрасименнән соң Курган зиратына озаттылар. Ул биредә күренекле сәнгатькәрләр аллеясында җирләнде.