Новости за 30.08.2023

Бүген, Татарстан Республикасы көнендә, Әлмәт районының Түбән Мактама авылында реконструкциядән соң «Родничок» яшүсмерләр клубы ачылды. Объектны яңартуга республика бюджетыннан 20 миллион сум бирелгән. Бу хакта «Әлмәт таңнары» хәбәр итә.

Лениногорскида кош гриппы чыганагы ачыкланган. Шуңа бәйле рәвештә Чайковский урамындагы 44 нче йортта карантин кертелә, ә аннан 5 км радиуста куркыныч янаучы зона билгеләнә. Бу хакта карарны Татарстан Рәисе Рөстәм Миңнеханов имзалаган.

Урман хуҗалыгы федераль агентлыгы россиялеләргә урман янгыннары турында «Дәүләт хезмәтләре» порталы аша хәбәр итә башлый. Элек мәгълүматны Хөкүмәт порталлары, ведомствоның социаль челтәрләре һәм массакүләм мәгълүмат чаралары аша гына белергә мөмкин иде.

Татарстан Республикасы көне уңаеннан Казансу елгасы өстендә музыкаль бәйрәм салюты атылды. Музыкаль өлешне «Болгар» радиосының 91,5 fm дулкынында тыңлап булды.

Бүген Кабан күле яр буенда Татарстан Республикасы һәм Казан шәһәре көненә багышланган «Милли кием» бәйрәме булды. Заманча мәдәният һәм дизайн фестивале Мәрҗани урамының бер өлешендә көн буена дәвам итте. Кабан күле яр буе кураторы һәм караучысы Азат Биккинин «Татар-информ» хәбәрчесенә фестивальнең быелгы үзенчәлекләре турында сөйләде.

Бүген Татарстан Республикасы Рәисе Рөстәм Миңнеханов Россия Федерациясендә Замбиянең Гадәттән тыш һәм Тулы вәкаләтле Илчесе Шедрек Чингемб Лувита белән очрашты. Бу турыда республика җитәкчесе матбугат хезмәте хәбәр итте.

Татарстан Республикасы һәм Казан шәһәр көне уңаеннан «Казан» гаилә үзәге янында уздырылган зур концертта рус эстрадасы артистлары Клава Кока һәм Jony чыгыш ясады. Артистлар татарстанлыларны һәм шәһәр халкын бәйрәм белән котлады.

Мәскәү биржасында евро 105 сумнан артыкка сатыла — Европа валютасы 16 августтан бирле беренче тапкыр үскән.

2022 елда Татарстан һәм Казахстан арасында товар әйләнеше 758 млн доллар тәшкил итте, 2023 елның беренче өч ае динамикасы 45 процентка ышанычлы үсеш күрсәтә. Бу хакта Татарстан Рәисе Рөстәм Миңнеханов Казахстанның Россиядәге Гадәттән тыш һәм Тулы вәкаләтле илчесе Даурен Абаев белән очрашуда әйтте. Бу хакта республика җитәкчесе матбугат хезмәте хәбәр итә.

Татарстан Рәисе Рөстәм Миңнеханов Катарның Россиядәге Гадәттән тыш һәм Тулы вәкаләтле илчесе шәех Әхмәд бин Нассер бин Джассим Аль-Тани белән очрашты. Бу турыда Татарстан җитәкчесенең матбугат хезмәте хәбәр итте.

Татарстан Рәисе Рөстәм Миңнеханов Мексиканың Россиядәге Гадәттән тыш һәм Тулы вәкаләтле илчесе Эдуардо Вильегас Мехиас белән очрашты. Очрашу «Казан» ат спорты комплексында булды. Бу турыда Татарстан Рәисенең матбугат хезмәте хәбәр итте.

Татарстанның халык артисты Гүзәл Уразова «Казан» гаилә үзәге янында Республика көненә багышланган концертта халыкны бәйрәм белән котлады.

Бу минутларда Ульяновск шәһәренең мең кешелек «Губернаторский» мәдәният сараенда Татарстан Республикасы көненә багышланган зур бәйрәм тантанасы бара. Бу турыда Бөтендөнья татар конгрессы хәбәр итте.

Бүген «Казан» ат спорты комплексында Республика көне уңаеннан Татарстан Рәисе Кубогында конкур буенча ярышлар булды. Бирегә Татарстан Рәисе Рөстәм Миңнеханов һәм Татарстан Дәүләт Киңәшчесе Минтимер Шәймиев, Россия Ат спорты федерациясе президенты Марина Сечина килде. Бу турыда республика җитәкчесенең матбугат хезмәте хәбәр итте.

Татарстан Рәисе Рөстәм Миңнеханов Казан Кремле территориясендә «ДәртФест» VI заманча татар мәдәнияте фестивален карады. Чара Республика һәм Шәһәр көнендә уза. Татарстан җитәкчесен яшьләр эшләре буенча министр Ринат Садыков озатып йөрде. Бу турыда Татарстан Рәисенең матбугат хезмәте хәбәр итте.

Республика һәм шәһәр көнендә Казанның Совет районында Нокса елгасы буенда тантаналы рәвештә яңа парк ачылды. Җәмәгать киңлеген карарга Татарстан Рәисе Рөстәм Миңнеханов килде.

Республика һәм Шәһәр көне уңаеннан, «Казан» гаилә үзәге янында бәйрәмгә багышланган зур концерт башланды.

«Игелек дөньясы» - ишарәләр белән җырлый торган бердәнбер татар төркеме.

Татарстан Рәисе Рөстәм Миңнеханов бүген Казан Кремленең Спас манарасында булды, анда ремонттан соң музей ачылды. Ул ныгытма һәм манараны төрле тарихи этапларда ныгытуга багышланган. Аны тиздән шәһәр халкы һәм кунаклары карый алачак. Бу хакта Татарстан Рәисе матбугат хезмәте хәбәр итә.

Африканың Буркина-Фасодан килгән доктор Майга Бубакари Сидики 30 августта Казан урамына Татарстан флагын тагып чыккан.

Татарстанны Россиянең җиңел сәнәгать иң тиз үсә торган төбәкләренең берсе дип таныдылар. Беренче урынны безнең республика алган әлеге рейтингны Перспективалы технологияләр үстерү үзәге («Намуслы билге» цифрлы маркировкалау системасы операторы) әзерләгән.

Татарстан Рәисе Рөстәм Миңнеханов Кремль транспорт дамбасы буе территориясен төзекләндерүне бәяләде. Бу яр буе өлеше шәһәрнең тарихи үзәген «Казан» гаилә үзәге урнашкан яңа микрорайон белән бәйли. Бу хакта Татарстан Республикасы җитәкчесе матбугат хезмәте хәбәр итә.

Татарстанның атказанган артисты Илсөя Бәдретдинова җитәкләгән гармунчылар парады Бауман урамыннан узды.

Бүген Камал театры каршында узган «Уйнагыз, гармуннар!» XXXVIII Республика халык иҗаты фестивальлендә Татарстан премьер-министры урынбасары, Бөтендөнья татар конгрессының Милли Шура рәисе Васил Шәйхразыев бәйрәмгә 30 өлкәдән 700 кеше килүен хәбәр итте.

Татарстан Рәисе Рөстәм Миңнеханов һәм Казан мэры Илсур Метшин Казан буйлап яңа буын троллейбусында йөрде. Республика һәм шәһәр җитәкчесен утырткан җәмәгать транспорты яңартылган юл буенча Коләхмәтов урамыннан үткән. Бу хакта Татарстан Рәисе матбугат хезмәте хәбәр итә.