Республика көненә багышланган концертка килүчеләрне Гүзәл Уразова котлады
Татарстанның халык артисты Гүзәл Уразова «Казан» гаилә үзәге янында Республика көненә багышланган концертта халыкны бәйрәм белән котлады.
«Татарстан, туган көнең белән сине. Яратам үзеңне. Туры эфирдан дөнья буйлап таралган милләттәшләребез карый. Татарстаныбыз үзәге Казаннан күчтәнәч җибәрик әле», - диде җырчы һәм үзенең хит җырларын башкарды.
Гүзәл Уразова белән бергә Илдар Хәкимов та җырлады. Шулай ук концертта халык артистының кызы Эллари чыгыш ясады.
Концертта Клава Кока һәм Jony чыгышы көтелә.