Новости за 30.08.2023

«Казанда футбол буенча дөнья чемпионаты уза иде. Мин аның янына туп формасындагы торт күтәреп килдем. Ул шуңа бик сөенгән иде», - диде Гадел Вафин.

Республика көнендә Татарстан халкы һәм туристлар Татарстан Республикасы һәм аның башкаласы Казан турында ни уйлаулары хакында сөйләде. Видеоны үзенең телеграм-каналында Татарстан Рәисе Рөстәм Миңнеханов күрсәтте.

Татарстан һәм шәһәр көне уңаеннан, бүген Казанда республика программасы буенча Серов урамында 3 нче йортның яңартылган ишегалдын ачтылар. Тантанада Татарстан Республикасы Рәисе Рөстәм Миңнеханов һәм шәһәр мэры Илсур Метшин катнашты.

«СалаваTik»лар Республика һәм шәһәр көненә тамашачылар өчен җырлы бүләк әзерләде. Бүген интернетка «Мин яратам сине, Татарстан!» җырының видеосы чыкты.

Иске Татар бистәсендә Каюм Насыйри җәяүлеләр урамында ЮНЕСКО эгидасы астында «Казан сөлгесе» халык җыр-бию сәнгате фестивале бара.

Татарстан Республикасы көнендә Рөстәм Миңнеханов ремонттан соң ачылган Николай Фешин исемендәге сәнгать училищесында булды. Яңартылган бина фотолары белән ул үзенең телеграм-каналында уртаклашты.

Рөстәм Гайфуллинның гомере 25 август төнендә ялда вакытта кан китүдән өзелгән иде.

Татарстан динамик рәвештә үсә һәм үзгәртеп корулар юлында ышанычлы алга бара, дип белдерде Россия вице-премьеры Марат Хөснуллин. Ул халыкны Республика көне белән котлады, нәкъ менә аларның тырышлыгы белән зур нәтиҗәләргә ирешүебезне билгеләп үтте.

Татарстан Рәисе Рөстәм Миңнеханов июльдән августка кадәрге чорда губернаторларның милли рейтингында икенче урынга ия булган. Аны Мәскәү мэры Сергей Собянин гына узган. Читтән торып анкеталау һәм экспертлар берләшмәсе вәкилләрен сораштыру нигезендә, Россия субъектлары башлыкларының эшчәнлеген бәяләүгә багышланган тикшеренү нәтиҗәләрен «Рейтинг» мәгълүмати коммуникацияләр үзәге халыкка чыгарды.

Татарстан Гидрометеорология үзәге һава шартларының начарлануы турында кисәтә. Бүген кич һәм иртәгә көндез республикада тизлеге секундына 15-17 метрга җитәчәк көчле җил көтелә.

Кичә Тукай исемендәге Татар дәүләт филармониясендә Роберт Миңнуллин иҗатына багышланган, исән чагында шагыйрь үзе хыялланган концерт күрсәтелде. Кичәнең исеме халык шагыйре шигыреннән алынган юллар белән «Яшәргә икән, яшәргә!» дип куелган.

Көмеш медальгә ия абитуриентлар бердәм дәүләт имтиханнары нәтиҗәләренә өстәмә 3 балл, ә алтын медальлеләр 5 балл алуга өмет итә ала. Бу хакта «Соловьев Live» каналы эфирында Россия Мәгариф министрлыгы башлыгы Сергей Кравцов белдерде.

Татарстанның тагын җиде кешесе медальләр һәм мактаулы исемнәргә ия булды. Карарга Татарстан Рәисе Рөстәм Миңнеханов кул куйган.

Нурихан Фәттахның «Кырык дүртнең май аенда» повесте буенча нәфис фильм төшерелеп беткән. Режиссеры Александр Далматов фильмның премьерасы 2024 елның март аенда булыр дип фаразлый.

«Алабуга» махсус икътисади зонасында «Джошкуноз Алабуга» компаниясе (Төркиянең Coskunoz Holding компаниясенә керә) «АвтоВАЗ» өчен шасси детальләрен серияле җитештерүне башлап җибәрде. Бу хакта Сәнәгатьне үстерү фондының матбугат хезмәте хәбәр итә.

Татарстан Рәисе Рөстәм Миңнеханов Идел буе Болгарында Ислам динен кабул итүгә 1100 ел тулуны бәйрәм итүгә әзерләнгән һәм үткәргән өчен Россия Президентының Рәхмәт хаты белән билгеләп үтелде. Татарстан Республикасы җитәкчесенә бүләкне Россия Федерациясе Президентының Идел буе федераль округындагы тулы вәкаләтле вәкиле Игорь Комаров тапшырды.

Әтнә театры үзе гамәлгә куйган Балалар һәм яшүсмерләр арасында республикакүләм драматургия конкурсының озын исемлеген чыгарды. Лонг-листка 15 пьеса кергән.

Казанда конкур буенча Татарстан Рәисе кубогының йомгаклау көне старт алды. Әлеге чара кичә ат спорты буенча Республика балалар-яшүсмерләр спорт мәктәбе манежында Россия һәм Үзбәкстанның иң көчле спортчыларын җыйды.

Татарстан Рәисе Рөстәм Миңнеханов Республика көнендә Татарстаннан махсус операциядә катнашучыларның котлавын күрсәтте. Сугышчылар хәрби операция зонасыннан үзләренең туган төбәкләре турында истәлекләре белән уртаклаша һәм татарстанлыларны истәлекле көн белән котлый.

Бәйрәмдә Казаннан махсус кунак «Алпар»этно- төркеменең солисты Алмаз Әсхәдуллин чыгыш ясый.

Татарстан Республикасы Рәисе Рөстәм Миңнеханов Татарстан Республикасы көне уңаеннан мөрәҗәгать итте.

Түбән Кама районы Сухрау авылында яшәүчеләр мобилизацияләнгәннәргә ярдәм итү өчен «Мы частица нашей победы» акциясен оештырды. Акциянең инициаторлары Алена Фролова һәм Татьяна Фролова булды. Бу хакта Түбән Кама муниципаль районы рәсми сайтында хәбәр ителә.

23-27 августта Кукмараның Вахит авылында «Авылга да, шәһәргә дә» дип аталган арт-резиденция эшләде. Анда Кукмара, Арча, Балтач, Әтнә, Алексеевск, Мөслим районнарыннан һәм Казаннан 20 татарстанлы катнашты. Бу хакта «Хезмәт даны» хәбәр итә.

Азнакай шәһәре хәрби комиссариатында махсус хәрби операция зонасына контракт буенча хезмәткә баручыларны озаттылар. Бу хакта «Азнакай» сайтында хәбәр ителә.

Республика көне алдыннан Әгерҗе шәһәрендә «Әгерҗе аккорды» гитара фестивале уздыру матур традициягә әверелде. Быел ул «Яшьлек» паркында үтте. Бу хакта «Әгерҗе хәбәрләре» сайтында хәбәр ителә.