Новости за 07.04.2023

Лениногорск Мәдәният сараенда Татарстан гимны авторы Рамазан Байтимеровның 100 еллыгын билгеләп үттеләр. Ул өч дистә елдан артык гомерен Лениногорскида дәртләнеп, рухланып иҗат иткән.

«Ул мәгърифәт гасырын тудыра, шуны үстереп җибәрә, чөнки анда белем, мәгълүмат күп була», - диде әдәбият галиме.

Фото: ТР Бөгелмә районы матбугат хезмәте

Бөгелмә районы башлыгы Линар Закиров ике атналык ялга кайткан хәрбиләр белән очрашты. Очрашуга махсус операциядә катнашучы 11 хәрби хезмәткәр килде. Алар алгы сафта булган хәлләрне, хәрби хезмәтнең ничек баруы турында сөйләде.

Муниципаль берәмлек җитәкчесе хәрбиләрнең хезмәт шартларына һәм аларның ихтыяҗларына кагылышлы төрле темаларны күтәрде.

Шәһәр башлыгы шулай ук хәрбиләрне гаиләдә ничек каршы алулары, ничек ял итүләре белән кызыксынды, проблемалар юкмы икәнен белеште. Читать дальше...

Башкортстанның Нефтекама каласындагы 10нчы мәктәп базасында «Әбиләр һәм оныклар туган телдә сөйләшә» дип аталган шәһәр бәйрәме узды. Бу хакта Бөтендөнья татар конгрессының матбугат хезмәте хәбәр итә.

Шимбә көнне Татарстанда алмашынучан болытлы, явым-төшемсез һава торышы көтелә. Бу хакта Татарстан Гидрометеорология үзәгенең матбугат хезмәте хәбәр итә.

Казан театр училищесының чыгарылыш курсы укуларын тәмамлап, диплом спектакльләрен театрлардан килгән режиссерларга күрсәтә башлады.

«Ярлы халык» газетасының беренче саны 1918 елның 6 гыйнварында басыла.

Казан федераль университеты, Татарстанда флагман һәм лидер буларак, Россия югары белем бирү системасы өчен зур әһәмияткә ия, дип белдерде Россия Федерациясе Фән һәм югары белем министры Валерий Фальков.

Татарстан Рәисе Рөстәм Миңнеханов бүген РСФСРның халык артистлары, ТАССРның халык артистлары Равил Шәрәфиев һәм Ринат Таҗетдинов белән очрашты. Очрашу артистларның 85 яшьлек юбилейлары уңаеннан узды.

Татарстан Рәисе Рөстәм Миңнеханов Россия Социаль фонды җитәкчесе Сергей Чирков белән очрашты. Очрашу Казан Кремлендә узды.

И.Н.Туполев исемендәге Казан милли тикшеренү техник университеты – КАИ коллективына Тимур Алибаев югары уку йортының ректоры сыйфатында тәкъдим ителде. Чарада Россия Фән һәм югары белем министры Валерий Фальков, Татарстан Республикасы Премьер-министры Алексей Песошин һәм Татарстан вице-премьеры Ләйлә Фазлыева катнашты.

Фото: Татарстан Рәисе матбугат хезмәте

Татарстан Рәисе Рөстәм Миңнеханов һәм Росбанк идарәсе рәисе Наталья Воеводина банкның Татарстан Республикасы территориясендәге эшчәнлеге һәм төбәктә челтәрне үстерү мәсьәләләре буенча фикер алышты. Бу хакта республика җитәкчесе матбугат хезмәте хәбәр итә.

Рөстәм Миңнеханов билгеләп үткәнчә, Татарстанда оешма алты бүлекчәдән тора, шул исәптән Казанда һәм Чаллыда. Ул челтәрнең алга таба үсеше банкның үзен дә, республика икътисадын да уңышлы үстерүгә ярдәм итәчәк, дип саный. Читать дальше...

Татарстанда яшәүчеләр «Фидакарь хезмәт өчен» медале белән бүләкләнде. Республика җитәкчесе Рөстәм Миңнеханов имзалаган шул турыдагы карар рәсми порталда урнаштырылган. Бүләкләргә республиканың 11 кешесе лаек булды.

Татарстанның атказанган сәнгать эшлеклесе, язучы-прозаик, «Сәхнә» журналының баш мөхәррире Зиннур Хөснияр язучының биографиясенә түгел, ә иҗатына күбрәк игътибар бирергә кирәк, дип саный. Бу турыда ул Казан шәһәренең 171 нче мәктәбендә үз иҗатына багышланган «Очар кошлар юлын эзләр» дигән Il ачык шәһәр фәнни-эзләнү конференциясендә әйтте.

«Казан» гаилә үзәгендә Татарстанның халык шагыйре Ренат Харис тормыш иптәше Лилия белән бриллиант туйларын билгеләп үтте.

«Россия лидерлары» конкурсы сәләтлеләрне ачыклау өчен яхшы мәйданчыкка әверелде. Татарстан кешеләре проектта актив катнаша, соңгы 4 елда республикадан 18 мең кеше катнашу теләген белдерде, 13 кеше җиңүче булды. Татарстан Республикасы Рәисе Рөстәм Миңнеханов идарәчеләр конкурсының яңа сезоны башлану уңаеннан шул хакта әйтте.

Эчке хезмәтләр генерал-лейтенанты Николай Демидовның тормышы һәм хезмәте үсеп килүче буын өчен үрнәк булып тора. Бу хакта Татарстан Республикасы Рәисе Рөстәм Миңнеханов Совет һәм Россия дәүләт эшлеклесенә истәлек тактасы ачу тантанасында белдерде.

6 апрельдә Свердловск өлкәсенең «Әҗегол урта гомуми белем бирү мәктәбе» муниципаль автономияле белем бирү учреждениесе филиалы – «Манчаж Тамак төп гомуми белем бирү мәктәбе» базасында Укытучы һәм остаз елына багышланган татар телендә XI «Туган телем – тургай теле» сәнгатьле укучылар бәйгесе узды. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Бүген Татарстан Республикасы Рәисе Рөстәм Миңнеханов Казан Кремлендә Россия Фән һәм югары белем министры Валерий Фальков белән очрашты. Алар югары белем бирү системасын үстерүнең актуаль мәсьәләләре, фән өлкәсендә берничә проектта хезмәттәшлек һәм башка темалар турында фикер алышты.

РФ Үзәк банкы кисәткәнчә, банк картасыннан акча урлаучы мошенниклар андагы мәгълүматлардан башка гына эш итәргә өйрәнгән. Хәзер алар QR-код буенча акча алу сервисыннан файдалана, кайбер банкларда шундый хезмәт күрсәтә башладылар.

Татарстанда коронавирус инфекциясен йоктыручылар инде өченче көн кими. Соңгы 24 сәгатьтә республикада 62 яңа очрак ачыкланган. Бу хакта стопкоронавирус.рф порталы хәбәр итә.

Мәскәү биржасы мәгълүматларыннан күренгәнчә, Россия валютасының евро һәм долларга карата бәясе кимүен дәвам итә: евро бәясе инде – 91, ә доллар 83 сумнан артып китте. Бу – бер ел эчендәге иң югары күрсәткеч. РИА Новости агентлыгы шул хакта хәбәр итә.

Уфа «Нур» татар дәүләт театрында Айгөл Әхмәтгалиеваның «Туташ» романы нигезендә спектакль әзерләнә. Әсәрне сәхнәгә театрның баш режиссёры, Башкортстанның халык артисты Азат Җиһаншин куячак.

Чаллыда Комсомол районы хакимияте вазифасына үткәрелгән бәйгегә нәтиҗә ясадылар. Бу вазифаны Ленар Әхмәтҗанов биләргә мөмкин.

Чувашия Республикасының Батыр авылы мәхәлләсендә Чувашия мөселманнары Диния нәзарәте рәисе, Чувашия Республикасы Иҗтимагый палатасы әгъзасы Мансур хәзрәт Хәйбуллов катнашында күмәк ифтар узды. Бу хакта Россия мөселманнары Дини җыены Үзәкләштерелгән дини оешмасы матбугат хезмәте хәбәр итә.