Новости за 07.04.2023

Татарстан Рәисе Рөстәм Миңнеханов бүген Казан шәһәре Башкарма комитеты җитәкчесе Рөстәм Гафаров белән бергә Дәрвишләр бистәсендәге «БлагоДарю» социаль адаптация үзәгендә булды, телеграм-каналда ул шул хакта сөйләде.

Тынычлык урнаштыру контингентында өстәмә өйрәнүләр узган срочникларны «гадиләштерелгән бурычларны» хәл итүгә җәлеп итәргә мөмкиннәр, дип белдерде Дәүләт Думасының саклану комитеты башлыгы Андрей Картаполов. Депутат билгеләп үткәнчә, алар машина йөртүче һәм аш пешерүче була ала. Бу хакта РБК хәбәр итә.

Түбән Кама шәһәренең баш архитекторы Фирдәвес Ханов Габдулла Тукай исемендәге дәүләт премиясе архитекторларга да бирелергә тиеш дип саный.

Татарстанда Республика клиник хастаханәсенең яңа оешкан трансплантация һәм югары технологияле хирургия үзәген проектлау эшләре тулы куәтенә дәвам итә. Клиниканың баш табибы Рафаэль Шәвәлиев «Татар-информ» агентлыгына биргән интервьюсында аның нинди булачагы хакында сөйләде.

«Бу бүләккә тәкъдим ителер өчен лаеклы эшләр башкарырга кирәк», - диде музыка белгече.

Уфадагы «Әр-Рәхим» мәчете манарасының җил аударган гөмбәзен бер-ике ай эчендә кире үз урынына куярга ниятлиләр. Вәгъдә ителгәнчә, исән калган өч гөмбәзне беркеткәннәр инде. Бу хакта «Коммерсантъ» Башкортстан мөселманнары Диния нәзарәтенә сылтама белән хәбәр итә.

Казаннан Минскига бер атналык сәфәргә Бөтендөнья татар конгрессының төбәкчеләр төркеме, галимнәр, җәмәгать эшлеклеләре, журналистлар бара.

«Семен Игнатьев беренчеләрдән булып татар мәктәпләрен яклап чыккан», - диде шагыйрь.

Фото: news.tpprf.ru

«Татар-информ» мәгълүмат агентлыгы Сәүдә-сәнәгать палатасы һәм РФ Журналистлар берлеге тарафыннан үткәрелә торган «Россиянең икътисади яңарышы» XXIX Бөтенроссия бәйгесендә җиңү яулады.

«Татар-информ» агентлыгы «Иң яхшы төбәк гаммәви мәгълүмат чаралары» номинациясендә җиңде. Бүләкләү тантанасы 6 апрельдә Бөтенроссия эшлекле гаммәви мәгълүмат чаралары форумы кысаларында «Россия бүген» Халыкара матбугат үзәгендә узды.

Фото: news.tpprf.ru

«Татарстан ... Читать дальше...

«Татарстанның мәдәни башкаласы» конкурсы кысаларында, Сарман районы үзенең үзенчәлекле мәдәни мирасы турында «Чулпан» мәдәният үзәгендә сөйләячәк.

Татарстанда бала хокукларын һәм законлы мәнфәгатьләрен яклау буенча аерым чаралар турындагы законга үзгәрешләр кертелде. Балалар арасында «аның сәламәтлегенә яки әхлакый һәм рухи үсешенә зыян китерергә» мөмкин булган мәгълүмат тарату өчен тыелган исемлек киңәйтелде. ТР Рәисе Рөстәм Миңнеханов шул хактагы документны имзалады.

21 апрельдә, Ураза гаете көнне, Казанның «Чулпан» мәдәният үзәгендә «Гает моңы» бәйрәме узачак. Ул «Рухи моң» татар рухи мәдәниятне үстерү фестиваль-бәйгесенең гала-концерты да булып, анда бәйгегә нәтиҗәләр чыгарылачак.

Алдагы ялларда Татарстанда көндезге температурада җитди үзгәрешләр көтелми, әмма төнлә салкынайтачак. Бу хакта ТР Гидрометеорология үзәге хәбәр итә.

Төмән шәһәренең Татар мәдәнияте үзәге хезмәткәрләре Чик сакчылары паркында татар халкының популяр «Карга боткасы» язгы бәйрәмен үткәрделәр. Бу хакта Төмән шәһәренең Татар мәдәнияте үзәге хәбәренә таянып Бөтендөнья татар конгрессы матбугат хезмәте хәбәр итә.

Чувашия республикасындагы Шыгырдан авылының Үзәк Җәмигъ мәчетендә балалар өчен үткәрелә торган «Ифтар бәйрәме» бәйгесенең җиңүчеләрен һәм лауреатларын бүләкләү тантанасы узды. Балаларга Бөтендөнья татар конгрессы тарафыннан истәлекле бүләкләр тапшырылды. 

Россия Федерациясе Федераль Җыены Дәүләт Думасы депутаты Айдар Метшин Зәй балалар музыка мәктәбенә портатив компьютер бүләк итте.

«Кванториум» балалар технопаркында Әлмәт муниципаль районының яшь сайлаучылар клубы ачылды. Әлмәт муниципаль районының Яшь сайлаучылар клубы рәисе итеп В.Г.Тимирясов исемендәге Казан инновацион университеты көллиятенең Әлмәт филиалында укучы Амаль Бибарсов билгеләнде.

Бөгелмәнең яшьләр үзәгендә яшьләр өчен вакансияләр ярминкәсе узды. Акцияне халыкны эш белән тәэмин итү үзәге һәм «Бердәм Россия» партиясе оештырды Алар гражданнарны эшкә урнаштыруда ярдәм итүнең «минем карьерам» уртак проектын башлап җибәрде.

Татарстан Эчке эшләр министрлыгының Алабуга бүлегендә полиция хезмәткәрләре белән рухи-әхлакый әңгәмә узды. Бу хакта Алабуга мөхтәсибәтенә сылтама белән «Алабуга нуры» сайтында хәбәр ителә..

Яңа Чишмә районының Ленино авылында яшәүче Раиса Леонтьева гаилә мирасын – тормыш иптәшенең әбисе суккан бистәрләрне күз карасыдай саклый. Әлеге бистәрне Анастасия Елисеевна 1920-30 елларда суккан һәм бизәкләр чиккән. Бу хакта «Туганайлар» сайтында хәбәр ителә.