Новости за 13.04.2023

Бүген Чаллының Тантаналар сараенда махсус хәрби операциядә катнашучы белән аның сөйгәненең никахын теркәү тантанасы узды. Фотолар автошәһәр мэриясе Телеграм-каналында чыкты.

Татарстанлылар 2024 елда төзекләндереләчәк җәмәгать киңлекләре һәм ишегалды территорияләре өчен тавыш бирә алачак. Сораштыру 15 апрельдән 31 майга кадәр узачак. Бу хакта Казан мэриясе матбугат хезмәте хәбәр итә.

«Дәүләт хезмәтләре»ндә урнаштырылган цифрлы документларны әһәмияте буенча оригиналга тиңләргә җыеналар. Россия Цифрлы үсеш, элемтә һәм массакүләм коммуникацияләр министрлыгының мондый тәкъдиме Россия Президенты Владимир Путинның цифрлы паспорт турындагы карары проектында бәян ителгән.

Татарстан Дәүләт автоинспекциясе Иннополис хезмәткәрләре белән юлда йөрү кагыйдәләрен бозу очракларын теркәү өчен квадрокоптерлар куллану мөмкинлеген эшли. Бу хакта бүген юл хәрәкәте иминлеген тәэмин итү буенча Хөкүмәт комиссиясе утырышында Татарстан Баш автоинспекторы Рөстәм Гарипов сөйләде.

Иртәгә, 14 апрельдә, Татарстанда көннәр салкынайта, көндез бары тик +3..+8 градус җылы фаразлана. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Брест ныгытмасында Петр Гавриловның 1945 елда тутырылган шәхси карточкасының күчермәсе бар.

25 апрельдән Россия шәһәрләрендә Г.Камал исемендәге Татар дәүләт академия театры спектакльләренең видеоязмалары кинопрокатка чыга.

ТР Рәисе матбугат хезмәте

Бүген Татарстан Рәисе Рөстәм Миңнеханов Минскиның 407нче гражданнар авиациясе заводында булды. Бу хакта Татарстан җитәкчесенең матбугат хезмәте хәбәр итә.

Предприятие Россия авиация техникасын, шул исәптән Ту-134, Як-40, Як-42 самолетларын ремонтлау белән шөгыльләнә. Моннан тыш, биредә Boeing һәм Airbus чит ил модельләре белән эшләү өчен куәтләр булдырылган.

Искәртик, кичә Минск заводы Казан авиазаводы белән Ту-214 өчен комплектлаучы әйберләр чыгару буенча «юл картасын» имзалады. Читать дальше...

Татарстанның халык, Россиянең атказанган артисты, Казан дәүләт мәдәният институты профессоры Салават Фәтхетдинов режиссер Алексей Барыкинның Тукай премиясенә кандидат булуына мөнәсәбәте турында сорауга җавап бирде.

Бүген Россия Хөкүмәте Татарстанда, Мәскәү һәм Тверь өлкәләрендә коммуналь инфраструктураны модернизацияләү программасын хуплады. Программа төбәкләрдә 1,6 мең км чамасы су белән тәэмин итү, су чыгару һәм җылылык белән тәэмин итү челтәрен яңартырга мөмкинлек бирәчәк. Россия вице-премьеры Марат Хөснуллин шул хакта сөйләде.

Изге Рамазан көннәрендә Иваново өлкәсе мөселманнары Диния нәзарәте вәкилләре Мордовиянең Саранск шәһәрендә Коръән укучыларның Беренче төбәкара бәйгесендә катнашты. Ивановоның Коръән укучылар делегациясен өлкә Диния нәзарәте рәисенең беренче урынбасары Халит Якупов һәм аның ярдәмчесе Мөхәммәт Солтов җитәкләде.

Махсус хәрби операциядә катнашучылар өчен тернәкләндерү үзәген Казанда төзелә торган хоспис бинасында урнаштырырга планлаштыралар. Бу идея турында «Татар-информ»га Анжела Вавилова исемендәге фонд идарәсе рәисе Владимир Вавилов сөйләде.

Татарстан Дәүләт Советы депутаты Таһир Һадиев сүзләренчә, хуҗалыклардан җыела торган сөтнең бәясе төшү проблемасына игътибарлы булырга кирәк.

29 апрель көнне Екатеринбург татарлары шәһәрнең Репин урамында урнашкан иске мөселман зиратында өмә оештыра.

28 апрельдә «Пирамида» концертлар залында «Болгар радиосы»ның «Үткәннәр сагындыра» проекты «Юксыну» дип аталган кичә уздыра. Концертта Илһам Шакиров, Әлфия Авзалова, Хәмдүнә Тимергалиева кебек мәшһүр җырчыларны искә алачаклар. Бу хакта ТНВ телеканалы сайтында хәбәр ителә. 

Шагыйрә, ветеран укытучы Сания Әхмәтҗанова фикеренчә, хәзер балаларга шагыйрьнең ничә яшьтә булуы, күпме акча эшләве, машинасының маркасы кебек сорауларга җавап ишетү кызыклы.

Татарстан Рәисе Рөстәм Миңнеханов Минскида эш сәфәре кысаларында Беларусь илкүләм биотехнологик корпорациясендә булды. Бу хакта Татарстан җитәкчесенең матбугат хезмәте хәбәр итә.

Питрәч районы Пимәр авылына керә торган юлга ремонт июнь аенда башланачак.

Татарстан Дәүләт Советының 43нче утырышы 20 апрельдә уза. Анда Татарстан Премьер-министры Алексей Песошин республика Хөкүмәтенең узган елгы эшчәнлеге турында хисап бирәчәк. Бу хакта бүген ТР Дәүләт Советы Президиумы утырышында билгеле булды.

Татарстан Рәисе Рөстәм Миңнеханов Минскида «Адвин» компаниясендә булды. Ул медицина рентген сурәтен һәм рентген тикшерү системаларын цифрлы визуализацияләү өлкәсендә технологияләр ясау белән шөгыльләнә торган предприятиенең эше белән танышты.

ТР мәгариф һәм фән министры Илсур Һадиуллин укытучының дәрәҗәсен күтәрү эшчәнлегендә төп урынны массакүләм мәгълүмат чаралары алып торуын белдерде. Ул бу хакта ТР Дәүләт Советының Мәгариф, мәдәният, фән һәм милли мәсьәләләр комитеты каршындагы Эксперт советының мәгариф, мәдәният, фән һәм милли мәсьәләләр буенча уртак утырышында ТР Дәүләт Советы Рәисе урынбасары Марат Әхмәтовның соравына җавап итеп әйтте. 

29 апрельдә Бөтендөнья татар конгрессы Берләшкән Гарәп Әмирлекләрендә яшәүче татар активистлары белән берлектә Сабантуй оештыра. Милли бәйрәм Дубайның Сафа паркында 15.00 сәгатьтә башлана.

Геннадий Макаров - Тукай премиясе тарихында татар музыка фольклорын өйрәнү юнәлешендәге эшчәнлеге өчен дәүләт премиясенә тәкъдим ителгән икенче кеше.

Казанның Светлая урамында, дары заводыннан ерак түгел урнашкан Химия продуктлары институтында 12 апрельдә гадәттән тыш хәл булган. Сынаулар процессында бер хезмәткәрнең кулында снаряд шартлаган. «Татар-информ»га бу хакта үз чыганагыннан билгеле булды.

15 апрельдә 8.30 сәгатьтә Габдулла Тукай әдәби музее һәм Галиәсгар Камал исемендәге Татар дәүләт академия театры шагыйрь Габдулла Тукайның үлеменә 110 ел тулу уңаеннан «Тукайның мәңгелек юлы» дип исемләнгән җәяүле экскурсия оештыра.