Новости за 06.03.2023

Иске Зәйдә яшәүче Малафеевлар гаиләсе мобилизацияләнгән улларына һәм аның хәрби иптәшләренә «УАЗ» (буханка) машинасы һәм гуманитар ярдәм озатты.

5 мартта Пермь крае «Барда балалар бакчасы» муниципаль автономияле мәктәпкәчә белем бирү учреждениесе базасында Бөтендөнья татар конгрессы призларына чаңгы ярышлары буенча ачык беренчелек узды. Конгресс сайты шул турыда хәбәр итә.

Махсус хәрби операция зонасында Татарстаннан хәзер 47 медицина белгече бар, аларның утыз бише мобилизацияләнгән, 12 кеше үз теләге белән киткән. Бу хакта Россия Дәүләт Думасы депутаты Айрат Фәррахов медицина белгечләренең хатыннары һәм аналары белән очрашуда сөйләде.

Төмән өлкәсенең «Истоки» этномәдәни компонентлы мәктәпләрнең коммерциясез партнерлар оешмасы оештырган шигърият бәйгесендә Аромаш, Вагай, Төмән, Тубыл, Түбәнтәүде, Исәт, Яркәү районнары мәктәпләреннән, өлкәнең Тубыл, Төмән шәһәрләреннән катнашучы укучылар татар телендә яраткан шагыйрьләренең шигырьләрен сөйләделәр. Бу турыда Бөтендөнья татар конгрессы хәбәр итте.

46104 кеше 6 февральдә Төркиядә җир тетрәү корбаны булган. Бу турыда бүген Президент Рәҗәп Тайип Эрдоган сөйләде.

Бу атнада Татарстан башкаласында һава торышы аномаль җылы булачак. 8 март көнне көндезге сәгатьләрдә җепшек кар яварга мөмкин. Бу хакта «Татар-информ»га Казан федераль университеты профессоры, география фәннәре докторы Юрий Переведенцев хәбәр итте.

Татарстан Республикасы Арбитраж суды бүген «Казанның 1 нче номерлы икмәк заводы» җаваплылыгы чикләнгән җәмгыятен банкрот дип таныды, эшләр картотекасында шул турыда мәгълүмат бар. Компаниягә карата конкурс производствосы ачык.

5 мартта Пермь крае Барда авылында татар авыллары арасында хоккей турниры узды. Анда 12 яшькә кадәрге балалар катнашты. Бөтендөнья татар конгрессы сайты шул турыда яза.

Былтыр «Россия – ислам дөньясы» стратегик күзаллау төркеме линиясе буенча дистәдән артык зур чара узды. Алар глобаль көн тәртибеннән һәм цивилизацияләр арасындагы диалог үсешеннән алып, яшьләр арасында элемтәләрне һәм гуманитар хезмәттәшлекне ныгытуга кадәр булган күп төрле өлкәләргә кагылды. Бу хакта Татарстан Республикасы Рәисе Рөстәм Миңнеханов «Россия –  ислам дөньясы» стратегик күзаллау төркеменең Ислам хезмәттәшлеге оешмасы (ОИС) әгъзалары булган дәүләтләр илчеләре белән очрашуда белдерде.

Сөт җитештерүчеләрнең милли берлеге (Союзмолоко) генераль директоры Артем Белов Россиядә сөт ризыкларына ихтыяҗ кимүен әйтте. Аның сүзләренчә, бу кибет киштәсендәге сөт ризыкларына бәя арту белән бәйле.

Россия Президенты Владимир Путин илнең төбәкләрендә барлык мобилизацияләнүчеләрнең гаилә паспортын ясарга тәкъдим итте. Ул Курган өлкәсенең мобилизацияләнгән кешеләрнең гаиләсенә ярдәм итү тәкъдимен хуплады. Төбәктә аларның һәркайсының «социаль портреты» булдырылган, аның ярдәмендә хакимият теге яки бу гаиләнең ихтыяҗларын белә.

3 март көнне Теләче районы Олы Мәтәскә авылында фаҗига булган. Анда йөк машинасы йөртүче булып эшләгән 58 яшьлек ир-ат эш вакытында үлгән. Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий шул турыда хәбәр итте.

https://tatar-congress.org/

Тубыл шәһәренең себер татар мәдәнияте үзәгендә традициягә кергән «И туган тел, и матур тел» дип аталган шигърият бәйгесе 30нчы ел үткәрелә. Быелгы бәйрәм чарасы «Туган тел» җыры, матур татар халык биюе белән башланды. Бу хакта Бөтендөнья татар конгрессы матбугат хезмәте хәбәр итә. 

Ел саен үткәрелгән бәйгедә балалар бакчаларыннан, мәктәп яшендәге балалар һәм өлкәннәр дә катнашкан. «Тубыл шәһәрендә сәләтле укучылар күп. Быел беренче мәртәбә 7нче мәктәптән... Читать дальше...

«ТатАгроЭкспо – 2023» күргәзмәсе кысаларында сөтчелек тармагына багышланган түгәрәк өстәл узды. Татарстанның сөт җитештерүчеләр берлеге генераль директоры Денис Пирогов сөт җитештерүчеләр рейтингы белән таныштырды.

Татарстанда 2023 елга һәм 2026 елга кадәрге план чорына республиканы цифрлаштыру буенча чаралар планы һәм бурычлар расланды. Шул турыдагы карарны Татарстан Республикасы Премьер-министры Алексей Песошин имзалады.

Татарстан Рәисе Рөстәм Миңнеханов Мәскәүгә эш сәфәре барышында С.П.Горбунов исемендәге Казан авиация заводы – «Туполев» гавәми акционерлык җәмгыяте филиалында «Оборона-сәнәгать комплексын үстерү» дәүләт программасын гамәлгә ашыру мәсьәләләре буенча киңәшмәдә катнашты. Бу хакта республика җитәкчесенең матбугат хезмәте хәбәр итә.

«Юныс абый исемен йөрткән татар халык ашлары музее, яшь пешекчеләр өчен милли ашлар мәктәбе һәм традицион татар ашлары рестораны булса, шәп булыр иде, - диде блогер.

Башкортстанда республика күләмендә татар телендә 4 басма чыга – «Тулпар», «Өмет», «Кызыл таң» һәм «Әллүки». Дүрт басманың икесендә язылучылар саны узган ел белән чагыштырганда кимегән, икесендә арткан. Бу хакта, «Татар-информ»га «Кызыл таң» газетасының баш мөхәррире Фаил Фәтхетдинов хәбәр итте.

Татарстан Рәисе Рөстәм Миңнеханов галим һәм җәмәгать эшлеклесе Илдус Мостюковны «Татарстан Республикасы алдындагы казанышлары өчен» ордены белән бүләкләде. Шундый карар хокукый мәгълүмат порталында урнаштырылган.

Министрлар кабинетында халыкны эш белән тәэмин итү турындагы закон проектын хупладылар.

Самара өлкәсенең Яңа Мансур авылында татар һәм башкорт халкының популяр яз бәйрәмнәренең берсе - «Карга боткасы» үткәрелде.

Татарстанда Россия Дәүләт Думасы депутаты Айрат Фәррахов, республика вице-премьеры Ләйлә Фазлыева һәм Татарстан сәламәтлек саклау министры Марсель Миңнуллин махсус хәрби операция зонасында хезмәт итүче медикларның хатыннары, әниләре һәм апалары белән очрашты.

Зур театрда җырлаучы Казан кызы Альбина Латыйпова Чехов исемендәге театрның театр сәнгате премиясенә тәкъдим ителгән.

«Милли ресторан буларак эшләми калса да сүзем юк, иң мөһиме – бинага кешеләр килеп йөриячәк, анда әтинең музее бар», - диде Фәридә Давыдова.

Дәүләт Думасына 2024 елның 1 гыйнварыннан минималь хезмәт хакы күләмен аена 19 242 сум дәрәҗәсендә билгеләргә тәкъдим иткән закон проектын керттеләр. Документлар пакеты Россия парламентының түбән палатасы электрон базасында чыкты.