Новости за 24.03.2023

Бу көннәрдә Кукмарадагы «Сугышчан кардәшлек» оешмасында мобилизациядә булган хәрбиләргә «МАЗ» машинасы кузовына мунча ясау эшен оештыру һәм белән мәшгуль. Мобилизациядәге солдатларга мунча ясап ярдәм итү идеясен «Эко-Сервис» оешмасы тәкъдим иткән. Бу хакта «Хезмәт даны» хәбәр итә.

21 мартта Бөтендөнья татар конгрессы Башкарма комитеты җитәкчесе Данис Шакиров Мәскәү шәһәре тышкы икътисади һәм халыкара элемтәләр департаменты җитәкчесе урынбасары Игорь Ткач белән очрашты.

Роберт Миңнуллинның «Алма бабай» китабы мәктәпләр һәм балалар бакчалары соравы буенча быел 5000 данә тираж белән басылып чыгачак. Бүген күренекле шагыйрьне искә алу мәҗлесендә бу хәбәрне Татарстан Республикасы Дәүләт Советы депутаты Камил Нугаев җиткерде.

Бүген «Ак Барс» хоккейчылары «Адмирал»га 1:2 исәбенә оттырды. Уен Казанның «Татнефть Арена» боз сараенда узды. Моңа хәтле ике уен Владивостокта үткән иде.

Хезмәт министрлыгы бала караган өчен пособиегә гариза биргәндә күрсәтергә кирәкле өстәмә мәгълүмат турында аңлатма бирде.

Мәскәү өлкәсенең Дубна шәһәре администрациясендә «Сабантуй-2023» бәйрәмен оештыру комитетының беренче утырышы узды. Бөтендөнья татар конгрессы шул турыда яза.

Республика туберкулезга каршы клиник диспансерының баш табибы Алексей Алексеев «Татар-информ»да узган матбугат конференциясендә туберкулез симптомнары турында сөйләде.

Омск шәһәрендә татарлар Туфан Миңнуллинның «Алты кызга бер кияү» әсәре буенча спектакль тәкъдим итте. 11 март көнне  Дуслык Сараенда халыкара хатын-кызлар көненә багышланган чара уздырылды.

Россиядә гаиләгә багышланган уку ярдәмлеге барлыкка киләчәк, ул яшьләр арасында традицион гаилә кыйммәтләрен ныгыту максатыннан булдырыла. «РИА Новости»га бу турыда Балачакны, гаиләне һәм тәрбияне өйрәнү институтының матбугат хезмәтендә хәбәр иткәннәр.

Төмәннең «Яңарыш» газетасында Ялутор шәһәреннә Зөһрә Кожевникованың «Ялутор шәһәрендә гөрләтеп татар мәдәнияте көннәре үтте» дигән язма чыкты.

Самара өлкәсенең Камышлы районының Иске Ярмәк авылында социаль хезмәтләр алучылар өчен яз килүгә, язгы көн белән төн тигезлегенә багышланган бәйрәм булды. «Самар татарлары» сайты шул турыда яза.

Яшьләр үтенече буенча Рөстәм Нәбиев «Мәскәү – Татарстан күпере» VIII яшьләр форумының кунагы һәм спикеры булачак. Татарстан Республикасының Россия Федерациясендәге Тулы вәкаләтле вәкиллеге шул турыда хәбәр итә.

Эшмәкәр һәм доллар миллионеры Руслан Фазлыев шәхси Ecwid проектыннан китте. Ул  социаль челтәрдәге сәхифәсендә хәбәр иткәнчә, Ecwid һәм Lightspeed интеграциясе тәмамланган. «Татар-информ» шул хакта яза.

Узган елның 11 сентябрендә махсус хәрби операция вакытында һәлак булган Владислав Вавиловның Батырлык орденын Бөгелмә районы башлыгы Линар Закиров хәрбинең хатынына һәм әтисенә тапшырды. Тантанада Бөгелмә һәм Бөгелмә районы хәрби комиссары Рафаэль Миңнетдинов, хәрбинең туганнары, якыннары, дуслары һәм хезмәттәшләре катнашты.

Камал исемендәге Татар дәүләт академия театрының яңа бинасын 2025 елда ачарга планлаштыралар. Бу турыда «Татарстан 24» телеканалы мәдәният учреждениесенең директоры Илфир Якуповка сылтама белән хәбәр итте.

Махсус хәрби операция зонасыннан туган ягына – Биектау районына кайткан хәрби ир-ат алгы сафта вакытта үзенә килгән хат авторы – мәктәп укучысы белән очрашырга карар кылган була. Бүген ул хат авторы – Индира исемле кыз укыган мәктәпкә килде, укучылар һәм укытучылар белән аралашты.

Казанда республикакүләм «Ел укытучы» бәйгесе җиңүчеләрен бүләкләделәр.

Казанда Республикакүләм «Ел укытучысы-2023» бәйгесенә йомгак ясалды. «Әкият» курчак театрында узган тантанада «Иң яхшы татар теле укытучысы» бәйгесендә җиңгән укытучыларны да бүләкләделәр.

Татарстанда Баулы кешесе суд алдына басачак, ул полиция хезмәткәрен чит ил машинасы капотында сөйрәп барган. Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий шул турыда хәбәр итте.

Бөтендөнья татар конгрессы Татарстаннан читтә нәшер ителүче татар телле гәҗитләр, эфирга чыгучы теле- һәм радиотапшырулар редакцияләре һәм журналистлары арасында «Хәбәр» бөтенроссия конкурсын башлап җибәрә.

Мәктәпләрдә кыңгырау ярдәмендә куркыныч турында хәбәр итүне оештыру рөхсәт ителә. Бу турыда РИА Новости Дәүләт Думасының Иминлек комитеты башлыгы Василий Пискаревка сылтама белән хәбәр итте.

Әстерхан татар милли-мәдәни автономиясе рәисе Динара Мәҗитова әйтүенчә, Татарстан галимнәре Әстерхан татарларын нугайлар дип атаганга күрә, җирле татарларны башка милләткә кертеп карауга җирлек туган.

Татарстан Рәисе Рөстәм Миңнеханов һәм «Ростех» дәүләт корпорациясе башлыгы Сергей Чемезов Казан авиация заводында һәм Казан вертолет заводында булды. Республика җитәкчесе Телеграм-каналында фотолар куйды.

Казанда блогер, миллионлаган язылучысы булган Раил Арслановның концерты булды. Баянчы татар телендә популяр җырлар һәм каверлар, композицияләр башкарды.

Казан шәһәренең «Аярис» Мәдәни үзәге Татарстан Композиторлар берлегенә нигез салучы һәм беренче татар композиторы Нәҗип Гаяз улы Җиһанов турында фильм әзерләде. Бу хакта Татарстан Республикасының Санкт-Петербург һәм Ленинград өлкәсендәге Даими вәкиллегенең матбугат хезмәте хәбәр итә.