Новости за 18.09.2022

Яңа Чүпрәле авылында һәвәскәр бакчачы Шамил ага Шаһдалиев 20 килограммлы кабаклар үстергән. Бу турыда «Туган як» сайтында хәбәр ителә.

Алабугада Пушкин исемендәге Үзәк китапханәнең уку залында танылган драматург һәм режиссер Кәрим Тинчуринның 135 еллыгы уңаеннан әдәби-музыкаль кичә узды. Бу турыда «Алабуга нуры» сайтында хәбәр ителә.

«Ак Барс» һөҗүмчесе Кирилл Семёнов дубль ясады.

Бүген Актанышның Балалар иҗат үзәгендә шахмат турниры җиңүчеләрен хөрмәтләү тантанасы узды. Актаныш муниципаль районы башлыгы Ленар Зарипов Кама аръягы Гран-прие җиңүче һәм призерларын бүләкләп изге теләкләрен җиткерде, уңышлар теләде. Бу турыда «Актаныш таңнары» сайтында хәбәр ителә.

Казанда үткәрелгән Татарстан гаиләләре фестивалендә Минзәлә районын Николаевка авылыннан Наталья һәм Виталий Алексеевлар гаиләсе тәкъдим итте. Аларга «Рябинушка» халык фольклор коллективы һәм барлык хезмәттәшләре теләктәшлек күрсәтте.

Тайваньның көньяк-көнчыгышында зур җир тетрәү булган. Утрау хакимияте аның магнитудасын 6,8, ә АКШ Геология хезмәте 7,2 дип бәяләде. Хәзерге вакытта һәлак булучылар турында мәгълүмат юк, дип хәбәр итә РБК.

Татарстан Президенты Рөстәм Миңнеханов Иран останы (провинциясе) Көнчыгыш Азәрбайҗанның эшлекле даирә вәкилләре белән очрашты. Түгәрәк өстәл Тәбриз шәһәрендә оештырылды. Анда республиканың икътисади һәм сәнәгать потенциалы презентациясе узды, дип хәбәр итә Татарстан Президентының матбугат хезмәте.

«Усман Әлмиев, Илһам Шакиров үз җырларын җырлауны тыйган булса, аннары нәрсә була?» – диде музыкант.

Татарстан Президенты Рөстәм Миңнеханов эш визиты белән Иранга, Тәбриз шәһәренә килде. Бу хакта Татарстан Президенты матбугат хезмәте хәбәр итә.

Россиядә Covid-19 коронавирусыннан үлүчеләр саны тәүлегенә 200 очракка кадәр артырга мөмкин, ләкин соңыннан шул яссылыкка чыгачак. Бу турыда Гамалея исемендәге Эпидемиология һәм микробиология милли тикшеренү үзәге директоры Александр Гинцбург белдерде. ТАСС шул турыда яза.

Соңгы тәүлектә Россиядә 56 751 кешедә Covid -19 ачыкланган. Коронавирус аркасында хастаханәләргә 2 232 кеше эләккән. Узган тәүлектә бу күрсәткечнең 4 216 булуы билгеле ( кимү – 47,1 процент). Бу хакта инфекция таралуга каршы көрәш буенча оператив штабта хәбәр иттеләр. «Российская газета» шул турыда яза.

Австралия хакимияте Россия туристларына илгә керүне тыярга җыенмый. Бу турыда Австралия Союзы оборона министры Ричард Моралес ABC телеканалына биргән интервьюсында әйтте.

Татарстанда узган тәүлектә Covid-19 коронавирусын йоктыруның 991 яңа очрагы ачыкланган. Алдагы тәүлектә 996 кеше бу вирусны йоктырган булган. Стопкоронавирус.рф порталында шундый мәгълүматлар бар.

Смартфонга кушымталар урнаштырганда программалар камерага, микрофонга, файлларга, контактларга һ.б. керү өчен рөхсәт сорый, әмма аларның барысына да рөхсәт бирергә кирәкми. Angara Security оператив мониторинг төркеме аналитигы Татьяна Лынова «Прайм» агентлыгына шул турыда сөйләгән. РИА Новости шул турыда яза.

Президентның май указлары йогынтысы кагылмаган миллионлаган бюджет хезмәткәрләренең окладлары 1 октябрьдән арта. Калганнар арттырылган хезмәт хакын 2023 елның 1 гыйнварыннан алачак. Быелгы түләүләр федераль бюджет аша түгел, ә төбәк бюджеты аша уза, шуңа күрә аларның күләме төрлечә. Бу хакта Г.В. Плеханов исемендәге Россия икътисад университетының икътисад кафедрасы доценты Александр Тимофеев «Прайм» агентлыгына сөйләгән. РИА Новости шул турыда яза.

Татарстан Президенты Рөстәм Миңнеханов республика халкын Урман хезмәткәрләре көне белән котлады. Ул үзенең Telegram-каналында «урман саклаучыларның гаять зур хезмәте»н күрсәтә торган видеоролик урнаштырган.

Коронавирус штаммнарының үзгәрүе сигез айга бер тапкыр була. Бу хакта Н.Ф. Гамалея исемендәге Үзәк директоры Александр Гинцбург хәбәр итте. «Российская газета» шул турыда яза.

Кичә 84 яшендә Россиянең атказанган рәссамы, Рәссамнар берлеге әгъзасы Рәшит Госманов вафат булган. Бу турыда «Татар-информ»га берлектән хәбәр иттеләр.

«Җырны син исән чагында ук күтәреп алалар икән, сөенәм генә», - диде композитор.

Кичә 17.20 сәгатьтә Казан – Ульяновск – Иске Чүпрәле автомобиль юлының 14 нче чакрымында коточкыч юл-транспорт һәлакәте булган.

Мәскәүнең Бахрушин исемендәге театр музеенда князь Щербатовның ХХ гасыр башында Мәскәүнең Казан вокзалын бизәү өчен ясалган эскизлары табылган. Әлеге эскизлар моңарчы югалган дип санала иде.

19-20 сентябрьдә Түбән Кама химия-технология институты мәйданында «Химия һәм полимерлар физикасы» дисциплинасы буенча I Халыкара полимер хакатоны булачак. Чара «Полимер индустриясе: Инновацияләр. Нәтиҗәлелек. Ресурсларны саклау» XIV Халыкара симпозиумы кысаларында узачак.

Сентябрь аеннан Яңа Чишмә районы Акъяр авылында «Сөйләм көче» дип аталган үзәк эшли башлаган. Проект ТР Диния нәзарәтенең Яңа Чишмә мөхтәсибәте базасында Акъяр авылы мәчетендә Президент грантлары Фонды ярдәме белән тормышка ашырыла.

Аксубайда ТАССРның беренче урман хуҗалыгыны министры Александр Гуляев истәлегенә «Уяну» зона экология фестивале үткәрелде. Бу акция инде берничә ел районның күп буын кешеләрен, мәктәп укучыларын һәм әйләнә-тирәлеккә битараф булмаган барлык кешеләрне берләштерә.