Новости за 23.07.2022

Тукай районы үзәк хастаханәсенең баш табибы Галим Сабирҗанов урынына Илдар Шиhабетдинов билгеләнде. Шушы көннәрдә аны хастаханә коллективына тәкъдим иттеләр.

Ел саен 1 июньнән җәй ахырына кадәр Тәтеш муниципаль районында «Мәктәпкә җыенырга ярдәм ит» район акциясе уза. Ул мәктәп укучыларына яңа уку елына әзерлектә адреслы ярдәм күрсәтү максатыннан үткәрелә.

Чистайлылар кичә Бөек Ватан сугышы ветераны Рәис Әхмәтшин белән хушлашты. Җеназа «Нур» мәчетендә узды. Ветеранны соңгы юлга озатырга аның туганнары, якыннары, җирле хакимият, «Сугышчан туганлык» иҗтимагый оешмасының җирле бүлекчәсе, «Чик сакчылары берлеге» иҗтимагый оешмасы вәкилләре һәм башкалар килгән иде. Бу хакта «Чистай хәбәрләре» сайтында хәбәр ителә.

Түбән Кама шәһәре 2021 ел нәтиҗәләре буенча Россиянең акыллы шәһәрләре рейтингының «Зур шәһәрләр» категориясендә 6нчы урынны алды. Бу хакта социаль челтәрдә үз битендә Түбән Кама мәгълүмат үзәге директоры Максим Шаронов язып чыкты, дип хәбәр ителә Түбән Кама муниципаль районы рәсми сайтында.