Новости за 30.07.2022

Теләче Дан аллеясында, Хәрби диңгез флоты көне уңаеннан һәйкәл ачылды. 

29 июль көнне Әлмәттә 500нче пар үзләренең никахларын теркәде. Шулай  итеп Алар Илнар Кәлимуллин һәм Алия Хәйдәрова гаилә корды.

Кукмарада «Выль Джук» – удмурт халкының милли бәйрәме булды. Выль Джук – удмурт халкының беренче уңыш өлгерүгә багышланган милли бәйрәме. Башка елларда бу йола удмуртлар яшәгән авылларда гына искә алынса, быел, район күләмендә, Кукмараның Комсомол мәйданында бәйрәм ителде. Бу хакта «Хезмәт даны» сайтында хәбәр ителә.

Татарстан Сәүдә-сәнәгать палатасы вәкилләре эш визиты белән Бөгелмә муниципаль районында булды.

Кабан күле буенда «Печән базары» фестиваленең Музыкаль сәхнәсендә тамашачы караоке җырлап ярыша. Музыкаль сәхнәнең бер сәгать вакыты «Тәртип» радиосына тапшырылган. 

Татарстан беренче тапкыр СИБУРның җәйге Спартакиадасын кабул итә. Ярышлар 30 – 31 июльдә «КАИ Олимп» КСК базасында уза. Уеннарда бөтен Россиядән, СИБУР төркеме предприятиеләре вәкилләре булган 22 командадан 700 кеше катнаша.

Иртәгә, июльнең соңгы көнендә, Татарстанда эссе була. Бу хакта ТР Гидрометеорология үзәге хәбәр итә.

Мәскәүнең татар мәдәни үзәге артистлары Нурҗиһан Симаева һәм Сәвия Абдуллина вокал студиясе җитәкчесе Наилә Дусмәтова белән Мордовия республикасының Тат-умыс (яки Ымызы) авылында узган Сабантуйда катнашты. Ымызы – Нурҗиһан Симаеваның туган төбәге. Бөтендөнья татар конгрессы сайты Мәскәү татарлары автономиясе хәбәренә сылтама белән шул турыда яза.

Бүген Татарстан Республикасы Лаеш районының Яңа Сокуры авылында төзеләчәк мәчет нигезенә беренче таш салу уңаеннан Сабантуй булды.

Бүген Татарстан Республикасы Президенты Рөстәм Миңнеханов һәм «СИБУР Холдинг» гавәми ачык җәмгыяте Директорлар советы рәисе, «НОВАТЭК» гавәми ачык җәмгыяте идарәсе рәисе Леонид Михельсон Татарстанның фән шәһәре – Иннополиста булдылар. Якын арада биредә югары технологияле җитештерүләр паркын булдыру һәм 4 мең эш урынына исәпләнгән ике яңа технопарк ачу планлаштырыла.

Татарстанда тагын 47 кеше коронавирус йоктырган. Бу стопкоронавирус.рф сайтында урнаштырылган мәгълүматлардан билгеле.

Бүген, 30 июльдә, Башкортстанда төбәкнең иң яхшы кымыз ясаучысын билгелиләр. Сайлау «Башкорт аты» республика башкорт токымлы атлар фестивале кысаларында уза. Иң яхшы кымыз ясаучының исеме көн ахырына игълан ителәчәк. «Башинформ» шул турыда яза.

31 июльдә Казанда сәүдә үзәкләренең берсе территориясендә икенчел чималны кабул итүнең мобиль пункты эшләячәк. Шәһәр халкы эшкәртүгә пластик, пыяла, пакетлар һ.б. тапшыра алачак.

Россия Президенты Владимир Путин Татарстан Президенты Рөстәм Миңнехановны һәм Бөтендөнья татар конгрессының VIII съезды делегатларын корылтай ачылу уңаеннан сәламләде һәм аларны конгрессның 30 еллыгы белән котлады.

Бүген Казан янындагы Көек авылында янгын чыккан. Бу турында хәбәр 7.18 сәгатьтә 112 номерына - ашыгыч хезмәтләрне чакыру хезмәтенә килгән. Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда сөйләделәр.

Татарстанда торак төзелеше буенча еллык планның инде 78 проценттан артыграгы үтәлгән. Татарстан 2 миллион квадрат метр торак төзү чиген үткән, бу, узган ел белән чагыштырганда, 138,8 процент. Бүген Татарстан Республикасы Хөкүмәте Йортында узган киңәшмәдә республиканың Төзелеш, архитектура һәм торак-коммуналь хуҗалык министры Марат Айзатуллин хәбәр итте.

Республиканың Ютазы районындагы Исмәт карьеры ярында туган көн уздырырга җыелучыларның бәйрәме фаҗига белән тәмамланган.

«КАМАЗ» компаниясе офисларында һәм кешеләр күп булган җитештерү урыннарында 1 августтан битлек режимы кертелә. Компаниянең матбугат хезмәте шул турыда хәбәр итте.

Полициянең «Япеева» бүлегенә 65 яшьлек ир-ат мөрәҗәгать иткән. Ул үзенең автомобиленнән портфелен урлап китүләрен хәбәр иткән. «Татар-информ» агентлыгына Россия Эчке эшләр министрлыгының Казан шәһәре буенча идарәсе матбугат хезмәтендә шул турыда сөйләделәр.

Республикада авырулар саны арту фонында коронавирус инфекциясенә тотрыклы коллектив иммунитетны саклау мөһим, дип белдерде ТР Хөкүмәте Йортында узган киңәшмәдә Татарстан Республикасы Президенты Рөстәм Миңнеханов. Ул халык өчен вакцинация уздыру темпларын арттырырга кушты.

Яшь белгеч үз авылына кайтып, райондагы редакциягә кимендә биш ел эшләү шарты белән эшкә урнаша икән, башлангыч ярдәм түләнсен, ди журналист.

Татарстанда хәзерге вакытта федераль һәм республика программалары буенча 10 мең 283 урынга исәпләнгән 13 мәктәп төзелә. Беренче сентябрьгә 7 мең 203 урынга исәпләнгән 8 мәктәп төзелешен тәмамлау планлаштырыла, 355 урынга исәпләнгән тагын өч мәктәпне ел ахырына кадәр тәмамларга ниятлиләр. Барлык уку йортлары да укучыларны кабул итәргә әзер булырга тиеш, дип белдерде Татарстан Республикасы Президенты Рөстәм Миңнеханов ТР Хөкүмәте Йортында узган киңәшмәдә.

Болгарда Ислам дине кабул ителүнең 1100 еллыгы кысаларында мөселман яшьләренең Бөтенроссия форумы үз эшен дәвам итә. Кичә форумда катнашучылар үзләренең социаль башлангычларын тәкъдим итте. Алар үзләренең проектларын Россия өммәте ихтыяҗларын исәпкә алып эшләгән.

Татарстанда бер атна эчендә, 15-22 июль көннәрендә, бәрәңге һәм бананга бәя төшкән. Бәрәңге бәясе 12 процентка, банан 5 процентка арзанайган. Мондый мәгълүматларны Татарстанстат чыгарды.

Татарстан Президенты Рөстәм Миңнеханов быел көзге уңышны сыйфатлы һәм оператив рәвештә җыеп алуны йөкләде. Эш максималь кыска вакыт эчендә һәм югалтуларсыз узсын өчен, Татарстан Республикасы Авыл хуҗалыгы һәм азык-төлек министрлыгы, район һәм агросәнәгать предприятиеләре башлыклары хезмәткәрләрнең лаеклы хезмәт хакын тәэмин итәргә һәм кыр эшләре алдынгыларына кызыксындыру түләүләре бирү өчен өстәмә чаралар күрергә тиеш, дип белдерде ул Татарстан Республикасы Хөкүмәте Йортында узган республика киңәшмәсендә. Читать дальше...