Новости за 27.04.2022

Бүген кич белән Павлюхин урамында Volkswagen автомобиле ике хатын-кызны бәрдергән. Бу хакта «Татар-информ»га бу хәлнең шаһитлары сөйләде.

Июнь азагында Казанга П-36 паровозын китерергә тиешләр. Моңа кадәр ул Түбән Новгородта постаментта торган. Ретро-транспорт Свияжскига кадәр турлар өчен җайлаштырылачак, ә аннары маршрут Йошкар-Олага кадәр озайтылачак. «Содружество» җәмгыятенең генераль директоры Азат Әхмәтшин бу турыда «Татар-информ» агентлыгына хәбәр итте.

30 апрельдә Самара шәһәренең Җәмигъ мәчете территориясендә өмә узачак. 

Татарстанда яшүсмерләрне коронавирустан вакцинацияләү дәвам итә. Бу хакта «Татар-информ»да узган матбугат конференциясендә ТР Сәламәтлек саклау министрлыгының эпидемиология һәм иммунопрофилактика буенча  штаттан тыш белгече Дмитрий Лопушов сөйләде.

Россия мөселманнарының Диния нәзарәте 2022 елның 2 маенда – Ураза гаете көнендә бәйрәм намазлары узачак Мәскәү мәчетләре исемлеген чыгарды.  Россия Мөфтиләр шурасы шул турыда хәбәр итә.

Бүген Оренбург өлкәсе татар милли-мәдәни автономиясе үзенең исәп-хисап утырышын уздырды. Утырышта шулай ук Оренбург өлкәсе татар милли-мәдәни автономиясе җитәкчесе дә сайланды. Әлеге вазифага кабат моңа кадәр рәис булган Илдус Дәүләтов билгеләнде. Ул Оренбург өлкәсенең законнар чыгару Җыелышы депутаты да.

Бүген кичке сәгать бишләр тирәсендә Казанның Кремль һәм Астрономия урамнары кисешкән урында юл-транспорт һәлакәте булган.

Татарстан Республикасы Президенты Рөстәм Миңнеханов эш визиты белән Мьянмага килде. Нейпьидо шәһәре аэропортында аны Россия илчесе Николай Листопадов һәм Мьянманың Тышкы эшләр министры урынбасары каршы алды.

Казанда вандаллар ваткан «Су Анасы» скульптурасын Бауман урамындагы элеккеге урынына кайтарганнар. Таш сынны төзекләндерү өчен алып киткәннәр иде. Бу хакта шәһәр Башкарма комитетының Тышкы төзекләндерү комитетында белдерделәр.

28 апрель көнне 14:00 сәгатьтә Габдулла Тукай әдәби музеенда «Тарих эзләреннән» бәйгесе җиңүчеләрен бүләкләү тантанасы булачак.

Якын арада пенсияләрне һәм социаль түләүләрне арттыру буенча карарлар кабул ителәчәк. Бу хакта Россия Президенты Владимир Путин Закон чыгаручылар советы әгъзалары белән очрашуда белдерде.

Соңгы тәүлек эчендә Татарстанда тагын 224 кеше коронавирус йоктырган. Республикада пандемия башыннан бирле теркәлгән ковидлы очраклар саны 144 меңгә якынлаша. Стопкоронавирус.РФ сайтында шундый мәгълүматлар теркәлгән.

Татарстанның Дәүләт Советы Рәисе Фәрит Мөхәммәтшин мөмкинлекләре чикле булган балаларны комплекслы тернәкләндерү системасын формалаштыру буенча ярдәмче программаны финанслау буенча Россия төбәкләренә ярдәм итү мөмкинлеген карарга тәкъдим итте. Бу хакта ул Санкт-Петербургта Закон чыгаручылар советы президиумы утырышында белдерде. Республика парламентының матбугат хезмәте шул турыда хәбәр итә.

Татарстан мөфтиятенең «Без – татарлар» татар телен өйрәнү өчен онлайн-платформасында бер тәүлек эчендә 500 кеше теркәлү узды.

Казандагы Порт урамында урнашкан 17а бинасында янгын чыгу турында хәбәр 17.15 сәгатьтә килеп ирешкән. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә «Татар-информ» агентлыгына шул турыда хәбәр иттеләр.

Казанда җылылык бирү сезоны 28 апрельдә тәмамланачак. Әлеге карарны шәһәрнең Башкарма комитетында имзаладылар, дип хәбәр иттеләр мэриянең матбугат хезмәтендә.

Беренче һәм икенче сыйныф укучылары Бикә Рәхимова, Роберт Миңнуллин, Ләбиб Лерон, Шәүкәт Галиев, Шәмсия Җиһангирова кебек авторларның шигырьләрен сөйләде.

Табиб һәм пациент арасында дөрес диалог булырга тиеш, ди химия терапиясен ясаучы табиб Әлфия Нестерова.

Татарстанга май бәйрәмнәренә туристлар күп килер дип көтелә. Хәзерге вакытта май ялларының беренче чорына - 1 майдан 3 майга кадәр республика кунакханәләренең номер фондының 100 процентына бронь ясалган, дип хәбәр итте Татарстанның Туризм буенча дәүләт комитеты рәисе Сергей Иванов.

Киләсе ел ярым-ике елда бик катлаулы вазгыятьтә яшәячәкбез, дип белдерде Россия Хисап палатасы башлыгы Алексей Кудрин. Ул бу турыда Закон чыгаручылар советы президиумы утырышы барышында әйтте. РИА Новости шул хакта хәбәр итә.

Безнең бурыч – тарихны үзгәртергә омтылучы көчләргә каршы тору, дип мөрәҗәгать итте Фәрит Мөхәммәтшин бүген «Милосердие-Мәрхәмәт» хатын-кыз депутатлар берләшмәсе утырышында катнашучыларга. Утырыш Дәүләт Советында узды. Анда «Сугыш хатын-кыз йөзле була алмый» социаль-гуманитар проектының икенче этабына йомгак ясалды. Бүген шулай ук «Татарстан Республикасының атказанган хатын-кызлары» региональ проектын башлау турында карар кабул ителде.

26 апрель көнне Казахстанның Уральск шәһәрендә бөек татар шагыйре Габдулла Тукайның тууына 136 ел тулуга багышланган бәйрәм чарасы узган. Бу хакта «Татар-информ» агентлыгына Габдулла Тукайның Казандагы әдәби музее директоры Гүзәл Төхвәтова хәбәр итте.

Татарстанда цифрлаштыру буенча нинди проектлар гамәлгә ашырылачак һәм нәрсәгә басым ясалачак. ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин цифрлы технологияләр буенча вебинарда тамашачыларның сорауларына җавап бирде.

Яңа Кырлайда Г.Тукай музей-комплексы каршында йөгерешчеләрне тантанага кайткан язучылар каршы алды.

Әкъдәс Нигъмәт Курат – чыгышы белән Чирмешән районыннан, Төркиядә гомуми төрки халыкларның тарихы мөгаллиме булып эшли.