Новости за 09.03.2022

(Казан, 9 март, «Татар-информ»). 12 март көнне Татарстан Республикасы Милли китапханәсендә «Татарча комикслар. Казан хикәяләре» җыентыгы тәкъдим ителәчәк. Бу хакта проектның Instagram аккаунтында хәбәр ителә. Җыентыктагы комикслар Казан тарихындагы вакыйгаларга, легендаларга, геройларга һәм персонажларга багышланган. Китапта Габдулла Тукай, Шиһабетдин Мәрҗани, Карл Мюфк, Кави Нәҗми, Шаһиәхмәт Алкин турында хикәяләр урын алган. Комикслар җыентыгын булдыру эшендә 19 автор катнашкан. Китапны тәкъдим итү кичәсе 14: 00 сәгатьтә башлана. Читать дальше...

(Казан, 9 март, «Татар-информ»). Visa түләү системасы Россиядә чыгарылган банк карталарының чит илдә эшләү вакытын 11 мартка кадәр озайтты. Россия территориясендә Visa һәм Mastercard системаларының карталары гамәлдә булу вакыты чыккан соң да эшләячәк, дип искәртелә. «Visa чит илләрдә Россия карталарының эшләү вакытын 11 мартка кадәр озайтты. Россия эчендә Visa һәм MasterCard гадәттәгечә эшләячәк», — диелә Россиянең зур банкларының берсе хәбәрендә. Моңа кадәр «Татар-информ» Visa һәм MasterCard системасындагы... Читать дальше...

(Казан, 9 март, «Татар-информ», Гөлнар Гарифуллина). Санкцияләргә карамастан, Россиядә кошлар өчен каралган чит ил вакциналары белән тәэмин ителештә проблемалар көтелми. Бу хакта «Татар-информ» агентлыгында матбугат конференциясендә ТР Министрлар Кабинетының Баш ветеринария идарәсе башлыгы урынбасары Габделхак Мотыйгуллин әйтте. «Ветеринария препаратларына, вакциналарга санкцияләр кагылмый. Германия продукция кайтармаса да, ветеринария вакциналары белән проблема булырга тиеш түгел. Ветеринария... Читать дальше...

(Казан, 9 март, «Татар-информ»). Соңгы тәүлек эчендә коронавирус аркасында тагын дүрт кеше үлгән. Үлүчеләрнең барысы да - хатын-кызлар, дип хәбәр итә ТР Сәламәтлек саклау министрлыгының матбугат хезмәте. Республикада пандемия башланганнан бирле барлыгы 1 766 кеше үлгән.

(Казан, 9 март, «Татар-информ»). Татарстан Президенты Рөстәм Миңнеханов «ГМС төркеме» ачык җәмгыяте президенты Артем Молчанов белән очрашты. Очрашуда киләчәк хезмәттәшлек, республикага компаниянең махсус җиһазларын кайтарту һәм «Казанькомпрессормаш» заводын үстерү турында фикер алыштылар. «Махсус җиһазлар белән тәэмин итү мәсьәләләре буенча „ГМС төркеме“ ачык җәмгыяте белән хезмәттәшлек мәсьәләләре, башка актуаль темалар, шул исәптән „Казанькомпрессормаш“ заводының киләчәк үсеше турында фикер алыштылар»... Читать дальше...

(Казан, 9 март, «Татар-информ», Надежда Гордеева). Татарстанда белем бирү учреждениеләренең бары тик 32 проценты гына шәхси сак предприятиеләре тарафыннан саклана. Бу хакта ТР Мәгариф һәм фән министры урынбасары Рамил Хәйруллин ТР Дәүләт Советының Законлылык һәм хокук тәртибе комитеты утырышында хәбәр итте. «Без 3593 мәгариф объектын исәпләдек. Алар беренче һәм дүртенче категорияләргә бүленгән. Һәр категориягә карата үз таләпләре бар. Беренче категориягә бер үк вакытта 1,1 меңнән артык кеше исәпләнгән бина керә. Читать дальше...

(Казан, 9 март, «Татар-информ»). Пермь шәһәренең Индустриаль районында гыйбадәт йорты эшли башлады. Россия мөселманнарының Диния нәзарәте сайты язуынча, узган елның октябрендә Пермь краеның баш имам-мөхтәсибе Илһам хәзрәт Бибарсов хәер-фатихасы белән Пермьдә мөселманнарның «Умма» җирле дини оешмасы оештырылды һәм теркәлде. Теркәлгәннән соң ук, яңа оешма әгъзалары актив рәвештә үз оешмасын үстерүнең киләсе этабына — гыйбадәт бүлмәсе булдыруга кереште. Мәхәллә кешеләре көче белән кыска вакыт эчендә ремонт ясалып... Читать дальше...

(Казан, 9 март, «Татар-информ», Гөлнар Гарифуллина). Предприятиеләрнең эшчәнлеген туктатып тору турында карар чыкканда, кошчылык фабрикалары, предприятиеләр хилафлыкларны, кагыйдә бозуларны тизрәк төзәтә. Бу хакта «Татар-информ» хәбәрчесенә Россельхознадзор хезмәтенең ТР буенча идарәсе башлыгы урынбасары Евгений Иванов әйтте. «Судларга тикшерү материалларын җибәрәбез, шул район суды карар чыгара. 206, 208 маддәләр буенча суд оешма эшен 90 тәүлеккә кадәр туктата ала. Әгәр кош гриппыннан саклану буенча таләпләрне үтиләр... Читать дальше...

(Казан, 9 март, «Татар-информ»). Омск өлкәсендә Муса Җәлилгә багышланган шигырь конкурсы үткәргәннәр. Бөтендөнья татар конгрессы хәбәр итүенчә, төбәк бәйгесе герой-шагыйрь Муса Җәлилнең тууына 116 ел тулу уңаеннан оештырыла. Анда 6 яшьтән башлап катнашырга мөмкин була. Конкурс Муса Җәлилнең әдәби мирасына кызыксыну уяту, шигъри сүзнең матурлыгын һәм сәнгатьлелеген үстерү максаты белән үткәрелде, дип хәбәр итә «АЮ» татар яшьләре оешмасы җитәкчелеге. Бәйгедә Омск, Төмән өлкәләре, Татарстан Республикасы... Читать дальше...

(Казан, 9 март, «Татар-информ»). Чаллы шәһәрендә мәктәпкәчә һәм мәктәп яшендәге балалар өчен Республикакүләм ачык Коръән уку бәйгесе үткәреләчәк. Аны Нәзарәт, Чаллы мөхтәсибәте, ҖЧҖ «Ислам нуры» Дини-эшмәкәрлек үзәге һәм «Ак мәчет» мәдрәсәсе оештыра. ТР Диния нәзарәте матбугат хезмәте хәбәр итүенчә, әлеге чара Идел буе Болгар дәүләтендә Ислам динен кабул итүнең 1100 еллыгын бәйрәм итү кысаларында уза. Бәйгедә катнашучылар 4 яшь төркеме буенча көч сынашачак: 7 яшькә кадәр, 10 яшькә кадәр, 13 яшькә кадәр, 15 яшькә кадәр. Читать дальше...

(Казан, 9 март, «Татар-информ», Гөлнар Гарифуллина). Кош гриппын кисәтү буенча ветеринария таләпләре үтәлмәгән булса, кош гриппы булган очракта, компенсация түләнмәячәк. Бу хакта «Татар-информ» мәгълүмат агентлыгында матбугат конференциясендә Татарстан Министрлар Кабинетының Баш ветеринария идарәсе башлыгы урынбасары Габделхак Мотыйгуллин кисәтте. «Дәүләт Думасында „Ветеринария турында“ федераль законның 19 нчы маддәсенә үзгәреш гамәлгә кертелергә тиеш. Ул быел үз көченә керер дип көтелә. Әгәр предприятие... Читать дальше...

(Казан, 9 март, «Татар-информ», Эльза Кузнецова). Лейкемия белән авыручы балаларга ярдәм итү буенча Анжела Вавилова исемендәге иҗтимагый хәйрия фонды идарәсе рәисе Владимир Вавилов McDonald’s һәм Coca-Cola компанияләренең Россия базарыннан китүләре балалар сәламәтлегенә уңай йогынты ясаячак. Мондый фикерен ул «Татар-информ» корреспондентына әйтте. «McDonald’s һәм Coca-Cola булмаса, Россиядә сәламәт балалар күбрәк булачак, сез моны үзегез күрәчәксез», — диде агентлыкның әңгәмәдәше. Шулай ук Владимир... Читать дальше...

(Казан, 9 март, «Татар-информ»). 2022 елның 19 мартында Новосибирск өлкәсенең Уба авылы район мәдәният йорты сәхнәсендә «Татар кызы-2022» өлкә конкурсы узачак.  Бәйгедә Новосибирск шәһәреннән һәм өлкәсеннән килгән татар кызлары катнаша. Чара 12.30 сәгатьтә башлана, дип хәбәр итә Бөтендөнья татар конгрессы сайты. Конкурсның максаты — татарларның милли, мәдәни традицияләрен пропагандалау, үсеп килүче буынга үзенчәлекле гаилә кыйммәтләрен тапшыру, татар халкының әдәби, музыкаль сәнгатен һәм фольклорын популярлаштыру. Читать дальше...

(Казан, 9 март, «Татар-информ», Рузилә Мөхәммәтова). Камал театрының «Санаулы кичләр» спектакле репертуарда кала. «Драматург Александр Володин спектакльләренең сәхнәдән төшүе турындагы хәбәрне раслый алмыйм. Үзгәрешләр юк, спектакль репертуарда кала», дип хәбәр итә Камал театрының матбугат үзәге җитәкчесе Илшат Латыйпов. «Театр» журналы сайты драматург Александр Володинның улы, текстларның хокук иясе буларак, аларны Россиядә кую рөхсәтен кире ала, дип хәбәр иткән иде. Шул сәбәпле Петербургның «Мастерская»... Читать дальше...

(Казан, 9 март, «Татар-информ»). 19 мартта 11 сәгатьтә Самара өлкә «Халыклар дуслыгы йорты» нда өлкә «Туган тел» татар оешмасының еллык хисап-сайлау җыелышы үткәрелә. Оешманың президенты Иль­яс Шәкүров, контроль-ревизия комиссиясе рәисе Риф Нәҗмиев хисап чыгышлары ясаячаклар, дип яза «Самара татарлары» сайты. Самара өлкәсе «Туган тел» татар җәмгыяте әгъзаларын җыелышта катнашырга чакырабыз, диелә хәбәрдә.

(Казан, 9 март, «Татар-информ», Эльза Кузнецова). Яшел Үзән районында туып-үскән, диңгез пехотасы бригадасы командиры урынбасары, полковник Дмитрий Сафронов Украина территориясендә махсус хәрби операция вакытында һәлак булган. Дмитрий Сафронов 6 мартта хәрби постта һәлак булган. Мәрхүм белән хушлашу һәм җирләү иртәгә, 10 март көнне, Бело-Безводное авылында узачак. Бу хакта «Татар-информ» агентлыгына муниципалитет администрациясендә сөйләделәр. «Яшел Үзән районы өчен Дмитрий Сафроновның үлеме беренче һәм ачы югалту булды»... Читать дальше...

(Казан, 9 март, «Татар-информ»). Ак Барс Банк Visa, Mastercard һәм «Мир» түләү системаларындагы карталарның гамәлдә булу вакытын 2030 елга кадәр озайтачак. Автомат рәвештә озайту корпоратив карталарына кагыла. Гамәлдә булу вакыты чыккан карталарны куллану турындагы тулырак мәгълүмат Ак Банкның рәсми сайтында урнаштырылачак. Visa һәм Mastercard халыкара түләү системаларындагы карталар 10 марттан Россиядә генә эшләячәк. Бу карталар беркетелгән Apple Pay, Samsung Pay, Google Pay һәм Pay Кошелек сервислары эшләмәячәк. Читать дальше...

(Казан, 9 март, «Татар-информ»). Россия Президенты Владимир Путин белән узган очрашу турында сөйләгәндә, Бразилия лидеры Жаир Болсонару хезмәттәшен дөньядагы иң көчле кешеләрнең берсе дип атады. Бу хакта РИА Новости Estado de Minas басмасына сылтама белән хәбәр итә. «Берничә атна элек мин дөньядагы иң көчле кешеләрнең берсе белән очраштым, — дип белдерде Болсонару. — Хәзер ул күрше ил белән конфликт кичерә. Без өч сәгатькә якын сөйләштек». Искәртеп узабыз, элегрәк Бразилия Президенты үз иленең Россиягә... Читать дальше...

(Казан, 9 март, «Татар-информ»). Мәскәү биржасында чәршәмбе көнне сәүдә башында рубль курсы долларга карата кинәт төшә, ә еврога карата бераз азрак дәрәҗәдә кими. РИА Новости Мәскәү биржасы мәгълүматларына сылтама белән шул хакта яза. Доллар курсы 113,88 сум, евро 120,5 сум тәшкил итә, диелә хәбәрдә.

(Казан, 9 март, «Татар-информ»). Дәүләт Думасының төзелеш һәм торак-коммуналь хуҗалык комитеты әгъзалары төзелешкә күпләп ташламалы ипотека бирергә тәкъдим итте. Тармакка ярдәм итү чарасы буларак, әлеге тәкъдимне якын арада вице-премьер Марат Хөснуллинга җибәрәчәкләр, дип сөйләгән комитет рәисенең беренче урынбасары Владимир Кошелев «Известия» басмасына. Парламентарийлар тәкъдиме буенча, махсус программа кысаларында Үзәк Банк банкларның югары ышанычлы ипотека портфельләрен залог итеп кабул итәргә тиеш. Читать дальше...

(Казан, 9 март, «Татар-информ»). 9 март иртәсендә Brent маркалы нефтькә бәя 2,06 процентка күтәрелде һәм бер баррель өчен 130,62 долларга җитте. Сату-алу мәйданы мәгълүматларына караганда, нефтькә бәя кыйммәтләнү Россия базарыннан килергә тиешле товарның кирәкле күләмдә кертелмәячәген фаразлауга бәйле. WTI — апрель фьючерслары да үсеш күрсәтә — 8.24 сәгатькә алар 125,72 долларга, ягъни 1,63 процентка арткан. Моңа кадәр «Татар-информ» Америка Кушма Штатларының Россиядән нефть һәм газ кертүне тыюы... Читать дальше...

(Казан, 9 март, «Татар-информ»). Россия Банкы кулдагы валюта белән операцияләргә кагылышлы вакытлыча чикләүләр кертте. Бу хакта Үзәк банкның матбугат хезмәте хәбәр итә. «Клиентларның валюта счетларындагы яки кертемнәрендәге акчалары вклад валютасында сакланган һәм исәпкә алынган. Клиент АКШ долларында валютада 10 меңгә кадәр акча ала ала. Калган акчаларын бирү көненә базар курсы буенча сумнарда алып була», — диелә Үзәк Банк хәбәрендә. Тиешле чикләү 2022 елның 9 мартыннан 9 сентябренә кадәр гамәлдә булачак, диелә хәбәрдә. Читать дальше...

(Казан, 9 март, «Татар-информ»). Төмәннең «Яңарыш» сайтында Римма Умитбаеваның «Сетово авылында татар мәдәнияте көннәре» дигән язмасы чыкты. Яңа концерт программасын, күргәзмәләр әзерләп Тубыл районының Лаемтамак авылы клубы каршында эшләүче «Дуслык» вокал ансамбле Сетово авылы клубында эшләп торучы «Ясмин», «Мәхәббәт» вокал иҗат төркемнәре җырчылары, җирле шагыйрьләре белән очраштылар. Тамашачылар игътибарына бай концерт программасы тәкъдим иткән үзешчән артистларны җыр сәнгатен яратучылар алкышлар белән җылы каршыладылар. Читать дальше...

(Казан, 9 март, «Татар-информ»). Ульяновск өлкәсенең « Өмет » газетасында «Талантлы гармунчы» дигән язма чыкты. Яңа ел бәйрәме Димитровград татарларына зур югалту китерде. Шәһәребезнең татар автономиясе әгъзасы, «Доверие» үзәгендә эшләп килүче «Чишмә» клубы җитәкчесе Әнвәр Галләм улы Латыйпов якты дөньядан бакыйлыкка күчте. Без — өлкән кешеләр, кышкы озын кичләрдә бергәләп аралашу, милләтебезнең культурасын һәм Ислам динен үстерүгә үз өлешебезне кертү теләге белән 2010 елда «Доверие» үзәгенә җыелдык. Читать дальше...

(Казан, 9 март, «Татар-информ»). Американың алкогольсез эчемлекләр ясый торган The Coca-Cola Company компаниясе Россия территориясендә эшчәнлеген туктатып тора. Бу турыда корпорациянең сайтында хәбәр ителә. «The Coca-Cola Company Россиядә эшчәнлеген туктатып тора», диелә хәбәрдә. Моның сәбәбе Украинадагы вазгыять белән бәйле булуы искәртелә. Coca-Cola, Fanta, Sprite, «Добрый», «Моя семья» һәм Bonaqua брендлары шушы компаниянеке иде.