ملګري ملتونه: د ترکیې پر پوله د باب الهوا دروازه دې پرانیستې وي
د سوریې لپاره د ملګرو ملتونو ځانګړي استازي هغه غږ بدرګه کړ چې د یوازینۍ سرحدي لارې د پرانیستو غوښتنه کوي.
د ترکیې پر پوله د باب الهوا سرحدي دروازه د هغې سیمې پر لاره پرته ده چې په ادلب کې د اپوزسیون تر واک لاندې سیمو پورې غځیدلې ده.
ګیرپډرسین د جمعې په ورځ امنیت شورا ته وویل، د باب الهوا سرحدي دروازه باید پرانیستې وي، ځکه چې په سوریه کې ملکیان مرستې غواړي او یوازینۍ لاره همدا ده چې له دې مرستې ور رسیږي.
خو روسیې په ښکاره د دې لارې له پرانېستو سره مخالفت کړی دی.
دا لاره له یوه کال راهیسې پرانیستې ده او د جولای په لسمه یې وخت پوره کېږي. که د دې سرحدي لارې د بیا پرانېستو پرېکړه کیږي نو ملګري ملتونه باید رایي ورکړي.
روسیې داسې اشارې رسولې دي چې ښایي په امنیت شورا کې له خپل واکه استفاده وکړي او دا مساله ویټو کړي.
روسیه چې د سوریې د ولسمشر بشار الاسد متحده ده، تېر کال یې د ویټو له حقه استفاده وکړه او درې نورې ورته سرحدي لارې یې بندې کړې.