نن جمعه د فوټبال افغان ملي لوبډله عمان سره د سیالۍ ډګر ته وځي
لوبه د افغانستان په وخت د ماخوستن په ۹ بجو او څلویښتو دقیقو پيلېږي.
د فوټبال فدارسیون ویاند فیروز مشعوف ازادي راډیو ته وویل چې افغان لوبډلې ښه چمتوالی نیولی: "له هره اړخه که فکر وکړو د عمان درجه له موږه لوړه ده، خو موږ پخوا هم په ډاګه کړې چې له هېڅ ټیمه وېره نه لرو. موږ د یوې ښې پایلې د ترلاسه کولو په هدف له عمان سره سیالۍ ته ځو او ښه تمرینونه مو هم کړي دي."
دا لوبې نړیوال او اسیایي جامونو ته د لار موندنې په هدف په قطر کې ترسره کېږي.
دې ترڅ کې د افغان لوبډلې وروستۍ لوبه له بنګله دیش سره وه چې یو-یو مساوي شوې.
د اسیا د فوټبال په ۵۶ ټیمونو کې افغانستان یوڅلوېښتم او عمان نهه ویشتم ځای لري.