Новости за 26.05.2020

Жогорку Кеңештин депутаттары Рыскелди Момбеков, Ирина Карамушкина жана жарандык активист Адил Турдукулов мурдагы президент Алмазбек Атамбаевди колдогон Кыргызстан социал-демократиялык партиясынан (КСДП) чыкты. Бул тууралуу «Азаттыкка» Адил Турдукулов билдирди. Анын маалыматына караганда, 26-майда партиянын саясий кеңешинин жыйыны өтүп, анда ушул тапта камакта жаткан экс-депутат Мээрбек Мискенбаев да партиянын катарынан чыкканы белгилүү болгон. «Партиянын, өзгөчө саясий кеңештин мүчөлөрүнүн ортосунда... Читать дальше...

Бул тууралуу Европа Комиссиясынын жетекчиси Урсула фон дер Ляйен билдирди. Ушул айдын башында Европа Биримдигине мүчө өлкөлөр коронавируска каршы вакцина даярдоо жана бул ооруну дарылоого байланыштуу изилдөө иштерин каржылоо боюнча онлайн жыйын курган. Анда акча чогултуу боюнча бир айлык марафон баштоо чечими кабыл алынган. Уюмдун лидерлери тараткан билдирүүдө чогултулган акча «окумуштуулар менен жөнгө салуучулардын, өндүрүш менен мамлекеттин, эл аралык уюмдар, фонддор менен саламаттык сактоо... Читать дальше...

Орусиянын Жаза аткаруу кызматы орус абактарынын кеминде миңдей кызматчысында жана жаза өтөп жаткан жүздөгөн адамдардан коронавирус аныкталганын билдирди.

Өзбекстандын Чукул кырдаалдар министрлиги чегирткеге каршы күрөшкө 640тай адис керектүү техника-жабдуу менен даяр турганын билдирди. Министрлик өлкөнүн бир катар аймактарын чегиртке каптай баштаганын маалымдады. Буга чейин Кашкадарыя, Сурхандарыя, Наманган жана Фергана облустарында Түркмөнстандын аймагынан келген чегирткеге каршы иш-чаралар башталганы айтылган. "Азаттыктын" түркмөн кызматы Өзбекстан менен чектеш Лебап вилаетин чегиртке каптап жатканын жазган. Анда чегиртке 35 миң гектардан ашуун айдоо аянтына зыян келтиргени айтылган. Читать дальше...

Бишкектин Октябрь райондук администрациясы коронавируска каршы дезинфекциялоо иштери үчүн жабылды. Бул тууралуу «Азаттыка» аталган акимиаттын жетекчиси Максим Ситников билдирди.  Мунун алдында айрым жалпыга маалымдоо каражаттары Октябрь райондук администрациясынын кызматкерлеринин биринен COVID-19 илдети табылганын, башка да жумушчулардан анализ алыш үчүн алар мекеменин имаратынан чыгарылбай жатканын жазышты. Ситников акимиаттын кызматкеринен коронавирус чыкканы тууралуу маалыматы жок экенин айтты... Читать дальше...

Орусиянын президенти Владимир Путин коргоо министри Сергей Шойгуга Экинчи дүйнөлүк согуштагы жеңиштин 75 жылдык мааракесине арналган парадды өткөрүүгө даярдык көрүүнү тапшырды жана парад 24-июнда өтөрүн билдирди.  Ошондой эле «Өлбөс полк» жүрүшү менен Аскер-деңиз флотунун парады 26-июлда өтүшү керек экенин, эгер эпидемия коркунучу сактала турган болсо жүрүштү дагы бир айга жылдырса болорун айтты.  Москванын Кызыл Аянтында 1945-жылы 24-июнунда Жеңишке арналган тарыхый парад өткөн жана ага маршал Георгий Жуков катышкан. Читать дальше...

Камактагы саясатчы Садыр Жапаровдун эжеси Райкүл Жапарова Интерпол аркылуу Польшада кармалды. Райкүл Жапарова мурдагы президент Курманбек Бакиевдин уулу Максим Бакиевдин көмөгү менен «Ысык-Көл инвест банкты» тартып алган деп айыпталып, сыртынан соттолгон.

Өзбекстандын Москвадагы элчилиги өлкөсүнө кайтууну көздөп, Самарада Казакстан менен чек арада топтолуп калган мекендештерине Орусиянын өнөр жай ишканаларында жумуш сунуш кылды. Гонконгдо Бээжинге нааразылык күчөп жатат. Монтенегро коронавирустан арылган Европадагы алгачкы өлкө болуп калды.

Сузак районунун Кара-Дарыя айылынын айрым тургундары «чек арадагы үлүш жерлер өзбек тарапка өтүп кетти» деп нааразы болуп жатышат.

Жогорку Кеңеште мурда Кыргызстанда жашап, кийин башка мамлекеттин жарандыгын алган адамдардын укуктарын кеңейтүүчү мыйзам долбоору талкууланууда.

Кыргызстан боюнча экинчи ирет коронавирустун очогу 20-мартта Ноокат районунда катталган. Жергиликтүү тургундардын айтымында, бул райондон COVID-19дан бир нече киши каза болгон.

Кримтөбөл Азиз Батукаевдин түрмөдөн мыйзамсыз бошотулушуна байланыштуу сотто күбөлөр суралууда. 26-майдагы отурумда ошол кезде №24 колонияда дарыгер болуп иштеген М.Кайкиев көрсөтмө бергенин ишти карап жаткан Биринчи май райондук сотунун басма сөз кызматы кабарлады. Андан тышкары дагы эки күбө суралды. Кийинки отурум 28-майга белгиленди. Өткөн аптада экс-башкы прокурор Аида Салянова жана Улуттук коопсуздук боюнча мамлекеттик комитеттин (УКМК) мурдагы төрагасы Шамил Атаханов көрсөтмө беришкен. Читать дальше...

Депутат Жанарбек Акаев коррупцияга каршы күрөшүү, мыйзамсыз сатылган жыштыктарды кайтаруу прокуратуранын милдети экенин эске салды. Ал бул тууралуу өзүнүн дарегине карата прокуратуранын доматына «Фейсбуктагы» баракчасы аркылуу берген жообунда айткан: «Башкы прокуратура «жыштыктарды ордуна биз мурда эле кайтарганбыз, аны Жанарбек Акаев менчиктеп алгысы бар» деген мааниде маалымат таратыптыр. Андай болсо эмне үчүн маалыматты жаап-жашырып, басып жаттыңар? Абылгазиевдин атын биз атамайынча, «балким билинбей калат» дегенсип... Читать дальше...

Казак бийлигинин расмий маалыматына караганда, Алматы шаарында COVID-19 вирусунан 10 адам каза болгон, Алматы облусунда өлүм катталган эмес. Шаардан 50 чакырым жердеги атайын көрүстөндө 32 кишинин жайы табылды.

Кыргызстан Орусиядан балдары менен дагы 393 жаранын алып келди. Жалпысынан 450 адам келгенин Тышкы иштер министрлиги кабарлап, 26-майда «Аэрофлот» авиакомпаниясынын «Москва - Бишкек» каттамы жүргүзүлгөнүн маалымдады. Жүргүнчүлөрдүн тизмесин атайын комиссия түздү. Комиссиянын курамында Москвадагы диаспоранын, ошол жакта иштеген кыргызстандык дарыгерлердин жана элчиликтин өкүлдөрү кирген. Орусиядан кайтууну каалагандар көп болгондуктан тизмеге кош бойлуу келиндер, майда балдары барлар жана мурда учакка билет сатып алып... Читать дальше...

Экономикалык кылмыштуулукка каршы күрөш боюнча мамлекеттик кызмат (Финансы полициясы) Жогорку Кеңештин депутаты Кубанычбек Жумалиевге жана анын жакындарына таандык мүлк аныкталганын билдирди. Мекеменин басма сөз кызматы 26-майда кабарлаганына караганда, Жумалиевдин мүлкү боюнча Башкы прокуратура каттаган сотко чейинки териштирүүнүн алкагында кыймылдуу жана кыймылсыз мүлк табылды: «Аларда Жумалиевдин уставдык капиталда үлүшү бар жана ал түзүүчү, жетекчи болуп саналат экен. Ошондой эле Жумалиевдин... Читать дальше...

Эки жумага созулган «Илим кыз» онлайн мектебинде IT-адистер ондогон кызды окутуп, мастер-класстарды өтүштү. Мектептин максаты - Кыргызстандагы кыздарга так илимдер багытындагы кесиптерди тандоосуна багыт берүү. Бул долбоордун координатору Анипа Усупкожоева "Азаттыкка" мектептин аткарган иштери тууралуу айтып берди.

Пандемия маалында бирөөлөр үйүнөн чыкпай, тамак-ашты ташытып алып жатса, айрымдары ресторанга барганды жактырат экен. Дүйнөдө коронавируска чалдыккандардын саны алты миллиондон ашты. Өзгөчө кырдаалда ишкерлер кардарларларга коопсуз шарттарды түзүп берүүнүн аракетинде. Бул жагынан француздардын табылгасы кызык экен, анда чогуу көрөлү.

Кытайдын Гонконгго карата иштеп чыккан коопсуздук мыйзамы кайрадан эл аралык коомчулуктун талкуусуна түштү. АКШ санкция саларын эскертсе, башка өлкөлөр Бээжинди сындап жатат. Гонконгдун өзүндө миңдеген адамдар көчөгө чыкты.

Тажикстан Борбор Азия өлкөлөрүнүн ичинен коронавирустан өлгөндөрдүн саны жагынан биринчи орунга чыкты. Москвада карантинде иштеген өзбекстандык курьердин бир күнү Пандемияда ресторанга барып тамактанууну жактыргандар үчүн француздардын табылгасын сунушташты.

Ташкентте сот Өзбекстандын президентине караштуу Стратегиялык жана аймак аралык иликтөөлөр институтунун мурдагы директору Ренат Сайфулинди 12 жылга эркинен ажыратты. Бул тууралуу «Фергана» маалымат агенттиги билдирди. Азырынча сот жараянынын чоо-жайы расмий айтыла элек. Ташкент соту Сайфулиндин ишин жабык карап жаткан жана ага «Орусиянын кызыкчылыгына мамлекеттик сырды ачкан» деген айып коюлган.  Бул иштин алкагында Улуттук коопсуздук кызматынын жана Коргоо министрлигинин он кызматкери өтүп жатканы... Читать дальше...

Ош мамлекеттик университети быйылкы 80 жылдык мааракесин онлайн форматта өткөрүүгө камынып жатат. Университеттин басма сөз кызматынын маалыматына караганда, иш-чара 28-майга пландалууда. Онлайн жыйынга билим берүү жана илим министри Каныбек Исаков, Ош шаарынын мэри Таалайбек Сарыбашов, өкмөттүн Ош облусундагы ыйгарым укуктуу өкүлү Узарбек Жылкыбаев жана ОшМУнун профессордук-окутуучулук жамааты, студенттер аралыктан катышат.  Иш-чаранын жүрүшүндө Орусиянын Түштүк Урал мамлекеттик университети... Читать дальше...

Ысык-Көлдө жашаган Владимир Литвиненко туризмди өнүктүрүүнүн жаңы жолун тапты. Ал пирамидага окшош мейманкананын макетин жасап чыкты. "Бийиктиги 11 метрге жеткен пирамида түрүндөгү мейманканын өзгөчөлүгү – ал көл үстүндө сүзүп, жылдын төрт мезгилинде тең эс алуучуларды кабыл ала алат" - дейт ойлоп табуучу. Бул мейманкананы жасап чыгуу үчүн 500 миң доллар керек экенин эсептеп чыккан ардагер азыр инвестор издөө менен алек.

Жапон премьер-министри Синзо Абэ Токио менен төрт аймактан коронавирус пандемиясынан улам киргизилген өзгөчө абал алынганын билдирди. Жапон өкмөтү апрель айынын ортосунда бүтүндөй өлкөгө өзгөчө абал киргизген. Ушул айдын ортосунан тартып мындай режим Токио менен төрт аймакта гана сакталып турган.  Жапонияда коронавирус 16 миңден ашык адамдан табылды, 850дөй бейтап көз жумду. Жапония катаал карантин чараларын киргизбегени менен АКШдай жана Европа өлкөлөрүндөй оорунун кесепетин көп тарткан жок. Читать дальше...

Жалал-Абад шаарында 26-майда соода-сатык жайларын, базарларды жана коомдук транспортту кыдыруунун негизинде санитардык талаптарды аткарбаган бир топ ишкерлерге айып пул салынды. Калаанын вице-мэри Болот Узакбаев «Азаттыкка» буга чейинки оозеки эскертүүнү аткарбаган бир соода түйүнү жабылганын айтты.  «Жүргүнчүлөрдү беткапсыз ташыганы үчүн жүргүнчү ташыган төрт машруттук фирмага, санитардык эрежелерди сактабаган бир кийим-кечек саткан жайдын ээсине миң сомдон айып салынды. Айрым ишкерлер санитардык эрежелерди сактабай... Читать дальше...