Новости за 25.05.2020

2020-жылдын июлунан баштап Өзбекстанда газ колдонуучуларга акылдуу эсептегичтер орнотула баштамакчы. Бул долбоор жарым миллиард долларга бааланды.

Кыргыз-тажик чек ара тилкесинде Орозо айт күнү болгон ок атышуудан кийин эки өлкөнүн чек ара кызматынын өкүлдөрү жолугушуп, окуяны ар ким өз алдынча иликтей баштады. Соңку окуя боюнча эки өлкө эки башка маалымат таратты.

25-майда Бишкек шаарында коомдук транспорт жүрө баштады. Ал арада шаардын мэриясы жүргүнчүлөрдөн 1,5-2 метрлик аралыкты сактоону, дайым беткап кийип жүрүүнү талап кылууда.

"Эл үнүнө" Орусияда карантинде калган студенттердин, алардын ата-энелеринин, өлкөгө келе албай жаткан мигранттардын кайрылуулары келип түштү. Ошондой эле Ош шаарынан уулу кордукка кабылган эне да кайрылды.

Бул тууралуу «Азаттыкка» Түркиянын борбору Анкарада жашаган Ван кыргыздарынан Бүнямин Токер билдирди: «Мен 10 күндөй ооруканада коронавирустан дарыланып чыктым. Азыр үйдө карантиндемин. Менден ата-энеме жугуптур. Алар учурда ооруканада жатышат. «Сакайгандан кийин чыгарат» дешти». Жалпысынан Анкара шаарында жети Ван кыргызынан коронавирус тести оң чыгып, алар учурда дарыланууда.  Түркиянын Ван аймагына кыргыздар 1982-жылы Ооганстандан көчүп барышкан. Улуу Памир айылында эки миңге жакын кыргыз жашайт. Читать дальше...

Орусияда коронавирустан каза болгондор 3,5 миңден ашты.

Өзбекстандын Орусиядагы элчилиги Самара облусунда орус-казак чек арасында топтолуп турган өзбекстандык мигранттар үчүн азырынча автобус да, учак да уюштурулбай турганын билдирди. Элчилик мекендештерин Самарада калып иштей берүүгө чакырды жана облустук бийлик аларга жумуш таап бере аларын кабарлады. «Азаттыктын» өзбек кызматы мындай сунушка 20дай гана адам көнгөнүн жазды.  Расмий маалымат боюнча, ушул тушта Самарада чек арада 280дей өзбекстандык мигрант топтолуп турат жана алардын басымдуу бөлүгү коронавирус пандемиясынан улам ишсиз калган. Читать дальше...

Казакстандын президенти Касым-Жомарт Токаев 25-майда тынч жыйындарга чогулуу тууралуу мыйзамга кол койду. Ал мындан эки жыл мурун президент болуп шайлангандан бери эле митингдер тууралуу мыйзамдарды кайра карап чыгып, жакшыртууга бир канча жолу убада берип келген.  Казак парламенти бул документти өлкөдө өзгөчө абал өкүм сүрүп турган кезде талкуулап, кабыл алды. Бир катар жергиликтүү жана эл аралык укук коргоо уюмдары жана жарандык активисттер мыйзам долбоорун «эл аралык стандарттарга туура келбейт», «чектөөлөр көп» деп сындап чыгышкан. Читать дальше...

Кыргызстанда соңку бир сутка ичинде коронавирус жаңы жуккан 30 киши катталды. Эки адам илдеттен көз жумду. Вирус жаңы табылгандардын көпчүлүгү Бишкек жана Нарын шаарларында.

Түркиядагы «Anadolu» маалымат агенттиги Ливиядагы өкмөттүк күчтөрдүн башкы штабынын өкүлү Мухаммед Кунунуга шилтеме кылып, согуш болуп жаткан аймактардан 1600дөй орусиялык жалданма аскер чыгып кеткенин жазды. Ага ылайык, Халифа Хафтардын тарабында согушуп жүргөн орусиялык жалданма аскерлер Бени-Валид аэропортунан эки учак менен учуп кетишти жана эми алар мындан ары кайсы жерде жайгашары азырынча белгисиз.  Ушул айдын башында Бириккен Улуттар Уюмунун (БУУ) адистери Ливияда орусиялык жалданма аскерлер... Читать дальше...

Жумушка чыга баштаган ата-энелер бала бакчалардын жабыктыгынан улам балдардын айласын таба албай кыйналып жатышат.

Орусияда Москва шаардык сотунда прокурорлор камактагы америкалык жаран Пол Уиланды 18 жылга эркинен ажыратуу тууралуу өтүнүч келтиришти. Бул тууралуу «Интерфакс» агенттиги анын адвокаты Владимир Жеребенковго шилтеме кылып жазды.  Уилан сотто акыркы сөзүндө кылмыш кылбаганы үчүн судьядан аны актоону сурады. Бир эле учурда Британиянын, Ирландиянын жана Канаданын да жараны болгон, мурдагы деңиз аскери Пол Улиан 2018-жылы 28-декабрда кармалган. Ага америкалык атайын кызматтардын пайдасына тыңчылык кылган деген айып коюлган. Читать дальше...

Эл көп топтолгон жерлерде, базарларда, соодо борборлорунда жана коомдук транспортто беткап тагынбаган адамдарга мыйзам чегинде чара көрүлөт. Бул тууралуу биринчи вице-премьер-министри Кубатбек Боронов республикалык ыкчам штабдын 25-майда өткөн жыйынында билдирди.   «Беткапсыз жүргөн жарандардын коронавирус инфекциясын жугузуу коркунучу жогору. Ошондуктан коомдук жайларда беткап тагынуу боюнча көзөмөлдү күчөтүү зарыл», - деди Боронов. Өкмөттүн басма сөз кызматы тараткан маалыматка караганда, штабдын... Читать дальше...

Орусияда коронавирусту жуктургандар 350 миңден ашты, Бразилияда илдеттен көз жумгандардын саны 23 миңге жакындады. Ооган президенти Ашраф Гани 24-майда эки миң талип согушкерди азат кылуу жараянын баштады.

24-майда Түркиянын борбор калаасы Анкарада иштеп жүргөн кыргызстандык мигрант келин жүрөк-кан тамыр оорусунан каза болгону маалым болду. Кыргызстандын Түркиядагы элчилигинин кызматкерлери маркумдун сөөгүн мекенине жөнөтүүгө даярданып жатканын «Азаттыкка» кабарлашты. Расмий маалыматка караганда, Түркияда 30 миңден ашуун кыргызстандык каттоодон өткөн. Алардын басымдуу бөлүгү Стамбул, Анкара, Анталия сыяктуу ири шаарларда жашап, окуп же эмгектенет. Түркияда ички аба каттамдар 4-июнга чейин, эл аралык каттамдар 10-июнга чейин токтотулган. Читать дальше...

Бул тууралуу Согди облусундагы Зарнисор шаарчасында жайгашкан «Тажик-кытай тоо-кен компаниясы» ишканасында иштеген кытайлык жумушчулар билдиришти. Алар «Чыгыш мейкиндиги» аттуу кытайлык интернет-порталга ишканадагы соңку тополоң тууралуу айтып беришкен. Ага ылайык, жумушчулар 20-майда сегиз айдан бери маяна ала албай, мекенине кете албай жатышканына нааразы болушкан. Тополоңдо тажик күч органдары кытайлык жумушчуларды союл менен сабаган. Анда бир адам мерт болуп, дагы бир канча киши оор жаракат алган. Читать дальше...

Кыргыз тили өлкөнүн эгемендик жылдары кемелине келип, мамлекеттик тилге айландыбы? Жок, арсар абалда. Андан качан чыгат?

Узаган аптанын аягында мусулмандар Айт майрамын белгилешти. Жылдагыдай бардык жерде жамаат менен намаз окулбай, кызуу айылчылагандар болбоду. Европанын айрым өлкөлөрү туристтерге ачыла баштаса, Бразилия менен Орусияда абал оор бойдон калууда.

СССРдин «Кайра куруу» доорунун соңку жылдары уюшулган "Кыргызстан" демократиялык кыймылынын (КДК) түзүлгөнүнө 30 жыл болгонуна байланыштуу азыркы тапта КДКны кайра жандантууга аракет кылып жүргөн саясатчы, мурдагы Кыргызстандын Акыйкатчысы Турсунбек Акун кайрылуу таратты.  Кайрылууда 1990-жылы 25-26-майда Кыргызстандагы алкачкы демократиялык уюмдар биримдиги болуп эсептелген КДКнын  түзүлүш таржымакалы жана быйыл коронавируска байланыштуу анын 30 жылдыгын расмий белгилөө мүмкүн болбой калгандыгы айтылат. Читать дальше...

Коронавирус пандемиясына байланыштуу өзгөчө кырдаал учурунда Ош шаардык ички иштер башкармалыгынын үч кызматкери иштен алынды. Шаардык милициянын басма сөз катчысы Замир Сыдыковдун маалыматына караганда, алар кызматтык тартипти бузганы үчүн иштен бошотулган. «Алардын ишин министрликтин ички иликтөө кызматы текшерип чыгып, кызматтан бошотууну сунуш кылган. Бул кызматкерлер өзгөчө абал жана өзгөчө кырдаал учурунда кызматтык тартипти бузган», - деди Замир Сыдыков. 16-майда Ошто милициянын айдоочуларды... Читать дальше...

Кыргызстандын Балдарга билим берүү уюмдарынын ассоциациясы жеке менчик бала бакчалардын иштешине уруксат берүүнү талап кылган кайрылуу таратты. Президентке, парламентке жана өкмөткө багытталган бул кайрылууда 25-майдан тартып дээрлик бардык тармактарда иш жанданып, элдин баары жумушка чыкканы, ата-энелер майда балдарын кимге калтырарын билбей убара тартып жатканы жазылганын "Азаттык" радиосуна ассоциациянын жетекчиси Элмира Каримова билдирди. Ассоциация буга чейин эки жолу кайрылганын, бул жолу... Читать дальше...

Жаңы Зеландиянын премьер-министри Жасинда Ардерн күнүмдүк брифингде сүйлөп жаткан маалда жер силкинди. Азыноолак тынчсызданган Ардерн эки жагын карап сөзүн улантты. Бул видео дароо социалдык тармактарга жайылып кетти жана анын солк этпеген токтоо мүнөзүн мактагандар көп болду.  25-майда, эртең менен баш калаа Велингтондо болгон жер титирөөнүн күчү 5,8 баллга жеткени маалым болду.  2017-жылы өкмөт башчылыкка келген 39 жаштагы Ардерн Жаңы Зеландияда карантинди убагында киргизип, коронавируска каршы... Читать дальше...

АКШнын президенти Дональд Трамп Бразилиядан келе тургандарды Кошмо Штаттарга киргизүүнү убактылуу токтотту. Ак үй «Трамп мындай чечкиндүү кадамга бул өлкөдөн келген адамдар оору таратышы ыктымал деген кооптонуудан улам барганын» билдирди. Буга чейин АКШ Кытайдан, Ирандан, Европа Биримдигинен, Британиядан жана Ирландиядан келгендерге убактылуу чектөө киргизген. Кошмо Штаттарда оору жугузуп алгандар бир миллион 600 миң адамдан ашты, оорудан жан бергендер 98 миң кишиге жакындады. Бразилия коронавирус... Читать дальше...

Испаниянын Мадрид жана Барселона шаарларында 25-майдан тартып жоро-жолдош, тууган-урук менен жолугушууларга тыюу салган эреже жоюлду. Барлар менен ресторандардын жайкы террасалары кайра ачылды. Ортодогу эки метр аралыкты сактоо шарты менен пляждарга барууга уруксат берилди. Италияда спорт залдар менен бассейндер иштей баштады. Бир катар аймактарда көңүл ачуучу жайлардын, мейманканалардын жана машинелерди ижарага бере турган жайлардын иши жанданды. Чехияда башталгыч класстар үчүн мектептер кайра ачылды... Читать дальше...

Бишкек шаарындагы парктар менен бульварлардын мурдагы калыбында иштешине уруксат берилди.  Бул тууралуу 25-майда баш калаанын мэриясы кабарлады. Мекеменин маалыматына караганда, элдин коопсуздугун камсыздоо максатындагы санитардык эреже-талаптардын аткарылышын көзөмөлдөө «Шаар парктары» муниципалдык ишканасына тапшырылды.  Бишкекте 14 парк бар. «Шаар парктары» ошол парктарды сактоо жана өнүктүрүү иши менен алектенет. Ишкананын жетекчиси Калича Умуралиева «Ынтымак» паркында адамдар беткапсыз жүргөнүн көрүп... Читать дальше...