Башына 25 см озынлыктагы пычак кадалган кызны коткарганнар
Владивостокта хирурглар башына пычак кадалган кызны үлемнән коткарган. 25 см озынлыктагы пычак кызның баш сөягенә кергән. Бу турыда РЕН ТВ хәбәр итте.
Кызга сөйгән егете һөҗүм иткән. «Шунысы гаҗәеп, кыз аңында иде, ул хәтта сөйләшә дә алды», – дигән табиблар.
Пычакның йөзе кызның башына 4,5 см тирәнлеккә кергән, бер генә зур кан тамырын да кисмәгән, баш миенең тормыш өчен мөһим булган өлешләренә зыян салмаган.
Пычакны алу операциясе 1 сәгатьтән кимрәк дәвам иткән. Хәзер кыз үзен канәгатьләнерлек хис итә, аны табиблар күзәтеп тора.
Тикшерүчеләр ачыклаганча, кызга 16 апрельдә Уссурийск шәһәрендә сөйгән егете пычак кадый. Моңа кадәр алар җитди талашкан булган. Җинаятьче тоткарланган, җинаять эшен тикшерәләр, диелә хәбәрдә.