Суперкомпьютер биылғы әлем чемпионатында кім жеңіске жететінін болжады
0
АҚШ-тағы банктердің біріндегі суперкомпьютер Ресейде өтіп жатқан футболдан әлем чемпионатының жеңімпазы кім болатынын болжады деп хабарлайды "Спорт-экспресс" басылымына сілтеме жасаған NUR.KZ.
Фото: FIFA.com
Техниканың есебіне сәйкес, биылғы доп додасының финалында Хорватия мен Бразилия кездесіп, жеңіс бес дүркін әлем чемпиондарына бұйырады екен.
Ал финалға жету жолында хорваттар Ресей мен Англияны жеңеді-мыс.
Айта кетейік, бұл компьютер 2014 жылғы әлем чемпионатына да болжам жасаған еді.
Ол кезде техниканың есебі бойынша финалда Германия мен Бразилия құрамасы кездесу керек болған. Алайда қос құрама жартылай финалда кездесіп, немістер оңтүстік америкалықтарды 7:1 есебімен тас-талқан етіп жеңген еді.
Source: Kaz.nur.kz