Айсәуле Бақытбек өзіне ұнайтын ер адам жайлы айтып берді

Баян Мақсатқызының тұңғышы өзінің арманындағы ақ боз атты ханзадасы жайлы айтып берді деп хабарлайды «Хит-Тв» арнасына сілтеме жасаған NUR.KZ. Айсәуле Бақытбек қоғамдағы мәселелер жайлы өзінің Instagram парақшасында жиі жариялап жүреді. Жас блогердің кей тақырыптары қызу талқыға түсіп жатады. «Біздің қоғамда ер адамдар өзінің еркек екенін дәлелдегісі келіп жүреді. Олардың өздері керемет сезінеді. Ол сыртта тайраңдап жүрген уақытта, әйелі үйде отырады. Мен бірінші кезекте ер адамнан отбасын сыйлауды талап етемін. Олардың өздерінің сезімдерін ашық білдіргенін, әйелдерін сыйлағанын қалаймын. Сондай-ақ олар әйелін сыйлағаны үшін қоғамнан ұялмауы керек. Міне, маған ұнайтын ер-азаматтар осындай. Ал өзі елге керемет көрініп, әйелін қадірлей алмаса ол меніңше, еркек емес», - деді Айсәуле Бақытбек. Сондай-ақ ол елдің сынына, пікіріне мән бермейтінін айтты.