Новости за 31.05.2021

Марзбонҳои тоҷик дар наздикии деҳаи Хоҷаи Аълои Исфара иддао карданд, ки "дрон"-еро ҳангоми забту назорати минтақа аз байн бурдаанд. Онҳо бовар доранд, "дастгоҳ аз ҷониби Қирғизистон омадааст", вале Душанбеву Бишкек расман қазияро шарҳ надоданд.

Селу боронгариҳои 11 май ба Кӯлоб харобии бештар овард. Тибқи ҳисобҳои муқаддамотӣ, садҳо хона зарар дидааст, аммо баъзе аз сокинон шикоят доранд, ки бо гузашти ду ҳафта ҳеч кумаки сохтмонӣ нагирифтанд. Мақомот мегӯянд, барои рафъи оқибатҳои сел ба мардум кумаки ғизоӣ ва сохтмонӣ мерасонанд.

Ҳукумати Ҷо Байден барои ниёзҳо ва хароҷоти Вазорати корҳои хориҷии ин кишвар дар соли 2022 беш аз 58 миллиард доллар дархост кардаст.

Чанд рӯз пеш аз Рӯзи ҷаҳонии бидуни тамоку, ки ҳар сол 31-уми май таҷлил мешавад, Радиои Озодӣ аз раҳгузарон дар Хатлон пурсид, ки сигор мекашанд, ё не ва дар бораи зиёни он чӣ медонанд. Худатон бубинед, ки чӣ гуфтанд.

Саъдулло Худоёров, сокини ноҳияи Рашт ва бародари фаъоли шабакаҳои иҷтимоӣ, Ҷунайдулло Худоёров, шикоят дорад, ки кормандони боғи шаҳраки Ғарм ӯро заданд, аммо мақомот чора намеандешанд. Ҷониби дигари баҳс иддао дорад, ки Саъдулло Худоёров ҷанҷолро сар кард ва онҳо танҳо "посух" доданд.

Баъзе сокинони маҳаллаҳои офатзадаи шаҳри Кӯлоб дар сӯҳбат бо Маҳмудҷон Раҳматзода гуфтаанд, ки то ба ҳол натавонистаанд ба хонаҳояшон баргарданд. Ба қавли онҳо давлат ба онҳо каме маводи ғизоӣ тақдимкард, вале ба онҳо масолеҳи сохтмонӣ зарур аст.

Имрӯз дар ҷаҳон Рӯзи байналмилалии бидуни тамоку аст. Дар остонаи ин рӯз Созмони Ҷаҳонии Тандурустӣ имсол аз раҳбарони ҷаҳон хост, ба афроди тамокукаш кумак кунанд, то аз ин одат даст бикашанд ва сиҳатии худу атрофиёнашон зиён нарасонанд.

Қонунгузорони қирғиз мехоҳанд ба озори ҷинсии занон дар ҷойи кор хотима бахшанд. Дар Қирғизистон бисёре аз занону духтарон ба озору азияти ҷинсӣ дар ҷойи кор ва таҳсил дучор меоянд, аммо ба пулис арз намекунанд, чун метарсанд, ки беобрӯ мешаванд.

Саъдулло Худоёров, сокини ноҳияи Рашт ва бародари фаъоли шабакаҳои иҷтимоӣ, Ҷунайдулло Худоёров, шикоят дорад, ки кормандони боғи шаҳраки Ғарм ӯро заданд, аммо мақомот чора намеандешанд. Ҷониби дигари баҳс иддао дорад, ки Саъдулло Худоёров ҷанҷолро сар кард ва онҳо танҳо "посух" доданд.

Маъмурони амниятии Қирғизистон рӯзи 31-уми май сарвазири собиқи ин кишвар Омурбек Бабановро дастгир карданд. Тибқи иттилои хадамоти матбуоти Кумитаи давлатии амнияти миллии Қирғизистон, ӯ бо далели вуҷуди фасод ҳангоми иҷрои тарҳи "Кумтор" боздошт шудааст.

Чанд нашрияи Дания ва Аврупо навиштанд, ки Оҷонси амнияти дохилии Амрико аз пушти сиёсатмадорони баландпояи аврупоӣ, аз ҷумла садри аъзами Олмон Ангела Меркел, ҷосусӣ мекарданд.

Мақомоти интизомии Русия хабар доданд, ки як мард дар Маскав зану ду духтарашро кушта, сипас, риштаи ҳаёти худро кандааст. Иллатҳои ба ин кор даст задани ӯ маълум нест. Ҷасадҳоро рӯзи якшанбе дар як минтақаи наздик ба Маскав ёфтаанд.

Ширкати ирландии Ryanair гуфт, як ҳавопаймои он, ки рӯзи 30-юми май дар хатсайри Дублин-Краков парвоз мекард, баъд аз дарёфти огоҳии "хатари эҳтимолии амниятӣ" дар Берлин нишасти изтирорӣ анҷом дод.

Эмомиддин Бобоев, машҳур бо лақаби Махсуми Эмомиддин, рӯҳонии тоҷик, дар 83-солагӣ даргузашт. Маросими видоъ ва дафни ӯ 31-уми май дар деҳаи Чимтеппа, канори шаҳри Душанбе, баргузор шуд.

Таъсири пайомадҳои даргириҳои мусаллаҳона дар сарҳади Тоҷикистону Қирғизистон ба зиндагии шаҳрвандони одӣ идома дорад. Изҳоротҳои расмӣ дар бораи омодагии ҷонибҳо бо роҳи осоишта ҳал кардани масъалаи марз низ то ҳол шиддатро дар муносибатҳои ду давлати ҳамсоя кам накардааст.

Шурӯъ аз 31-уми май вебсайти хабарии русии newsru.com  навкунии хабарҳояшро хотима дод. Дар идораи ин вебсайти хабарӣ гуфтанд, ки бо сабабҳои иқтисодӣ кори онҳо боздошта мешавад, вале таъкид карданд, ки далелҳои ин ҳолат «бо шароити сиёсии Русия» вобаста аст. Журналистони вебсайти newsru.com  мегӯянд, «воқеият аз он ки мақомот дидан мехоҳанд, хеле фарқ мекунад. Баъди соли 2014 ширкатҳои азими таблиғотӣ бо мо ҳамкорӣ намекунанд, вале дигарҳо ҳамин сол тарсу ҳароси худро нишон доданд». Кормандони ин нашрия мегӯянд... Читать дальше...

Варзишгарони тоҷик дар мусобиқаи бози қаҳрамонии Узбекистон оид ба варзиши сабук даҳ медал – 5 тилло, 1 нуқра ва 4 биринҷӣ – ба даст оварданд. Дар ин бора сомонаи Кумитаи миллии олимпии Тоҷикистон хабар медиҳад. Ба иттилои манбаъ, мусобиқаи мазкур рӯзҳои 28-29-уми май дар шаҳри Тошканд баргузор шуд. Дар он дар баробари варзишгарони Узбекистон дастаҳои мунтахаби Тоҷикистон ва Қирғизистон ширкат варзиданд. Илдар Аҳмадиев дар давиш ба масофаи 100 метр бо натиҷаи 10.72 сония, Фаворис Музрапов дар масофаи 200 метр бо натиҷаи 21.79 сония... Читать дальше...

Эрон гуфт, ки дар музокироти қудратҳои ҷаҳонӣ барои зинда кардани созиши калидии ҳастаӣ пешрафте ҳосил шудааст, ҳарчанд бархе масоили муҳим ҳалношуда боқӣ мемонад. Дар Вена Эрон ва шаш қудрати ҷаҳонӣ аз моҳи апрел ба ин сӯ музокира барпо кардаанд, ки ҳадафаш  сабук кардани таҳримҳои Эрон, назорат аз фаъолиятҳои ҳастаии ин кишвар ва бозгардони Теҳрон ба созиши соли 2015-и ҳастаӣ мебошад. Сухангӯи вазири хориҷаи Эрон Саид Хатибзода дар як сӯҳбати телевизиониаш рӯзи 31-уми май гуфт: “Ҳар даври музокирот дар Вена метавонад   ниҳоӣ шавад. Читать дальше...

Пас аз як назарпурсӣ дар Чин, ки собит кардааст аҳолии ин кишвар босуръат пир мешавад, ҳукумат ба оилаҳо таваллуди то се фарзандро иҷоза медиҳад.

Президенти Амрико Ҷо Байден гуфт, дар мулоқот бо президенти Русия Владимир Путин ба ӯ фишор меорад, то ба ҳуқуқи башар эҳтиром қоил шавад.

Мақомоти Қирғизистон ба ширкатҳои ҳавопаймоӣ ва саёҳии кишвараш фурӯхтани билетҳо ба шаҳрвандони Тоҷикистонро манъ карданд. Хабаргузориҳои қирғизӣ аз қавли мақомоти ҳавоии ин кишвар навиштанд, ки маҳдудият то огоҳии иловагӣ идома хоҳад кард. Мақомоти қирғиз рӯзи 21-уми май хабар доданд, ки марз бо Тоҷикистонро бастаанд ва ба шаҳрвандони ин кишвар то ҳалли баҳси марзӣ иҷозаи вуруд ва хориҷ шуданро намедиҳанд. Ҷониби Тоҷикистон гуфт, аз ин тасмими мақомоти қирғиз замоне хабар ёфтанд, ки субҳи 26-уми... Читать дальше...

Камчин шудани сабзӣ нархи онро дар Тоҷикистон боло бурдааст. Дар ин бора Хадамоти зидиинҳисории Тоҷикистон хабар дода, ҳамчунин гуфтааст, ки ин тамоюл дар кишварҳои дигар низ ба мушоҳида мерасад. Ҳафтаи гузашта нархи сабзӣ дар Тоҷикистон якбора аз 3 ва 4 сомонӣ, то ба 8 то 10 сомонӣ боло рафт.  Ба қавли Хадамоти зиддиинҳисорӣ, бо ҷамъоварии ҳосили нави ин маҳсулоти кишоварзӣ дар моҳи июн қиммати он дар бозорҳои кишвар пойин хоҳад рафт. Вобаста ба бошиддат баланд рафтани нархи сабзӣ Вазорати кишварзии Тоҷикистон гуфт... Читать дальше...

Дар ояндаи наздик тақрибан 300 ҳазор муҳоҷири меҳнатӣ ба сохтмонҳои Русия оварда мешаванд. Дар ин бора Сергей Степашин, раиси Шӯрои нозирони Фонди манзиливу коммуналии Русия хабар додааст. Ба гуфтаи ӯ, ҳукумат як гурӯҳи кории байниидоравиеро таъсис дод. Дар он қарор гуфта мешавад, муҳоҷироне, ки ба сохтмонҳо ҷалб мегарданд, бояд дар ҳамон ҷо кор кунанд. Барои риояи ин шарт, ҷониби даъваткунанда масъул хоҳад буд. Дар охири соли 2020 тартиби соддаи вуруди муҳоҷирон барои кор дар сохтмонҳои Русия ташкил карда шуд. Читать дальше...

Раҳбари ҳизби оппозитсионии гурҷӣ Ника Мелиа рӯзи 30-юми май гуфт, ки баъди бойкоти тахминан ҳафтмоҳа ҳизбаш – Ҷумбиши муттаҳидаи миллӣ қарор кард, ки ба парлумон ворид шавад. Мелиа, ки дар баробари хабарнигорон дар Тифлис сӯҳбат мекард, гуфт: “Мо ба парлумон ворид мешавем, то ки давлати Гурҷистонро, ки аз ҷониби олигарх Бидзина Иванишвили ғасб шудааст, озод кунем”.  Иванишвили мултимиллардер ва муассиси ҳизби “Орзуи Гурҷистон” аст. Моҳи октябри порсол, вақте “Орзу Гурҷистон”-ро барандаи интихоботи... Читать дальше...

Нахуствазири Бритониё Борис Ҷонсон гуфт, ки мехоҳад дар ҷаласаи навбатии сарони кишварҳои Гурӯҳи Ҳафтгона ё G7 созишеро дар заминаи қабули шиносномаи шахси эмшуда алайҳи COVID-19 баррасӣ кунанд. Ҷонсон рӯзи 30-юми май дар сӯҳбат бо телевизиони канадаии CBC гуфт, ки дар ҷаласаи раҳбарони G7 бояд сари масоили мисли “шиносномаи COVID-19 ва дигар масоили марбут ба коронавирус” изҳори назар шавад. Ба гуфтаи ӯ, бояд масоили марбут ба сайру саёҳати мардум ва ҳам ҳозир шудан дар идораҳои корӣ баррасӣ гардид. Читать дальше...