Новости за 11.05.2021

Додгоҳи ноҳияи Панҷи вилояти Хатлон Насим Амирзода, донишҷӯи соли чоруми бахши ғоибонаи Академияи вазорати корҳои дохилиро барои “куштор аз бэҳтиётӣ”-и ҳамкораш Меҳроншоҳ Ҷумаев ба се соли зиндон маҳкум кард.

Боронгарии шадиди рӯзи 11-уми май дар минтақаи Кӯлоб харобӣ бар ҷой гузоштааст. Бештари харобиҳо дар шаҳри Кӯлоб ва ноҳияи Шамсиддин Шоҳин ба қайд гирифта шудааст.

Додгоҳи олии Узбекистон рӯзи 10 май ҳукми 17 айбдоршавандаи парвандаи рахнаи обанбори Сардобаро содир кард. Муҳокимаи парванда 21 декабри соли 2020 шуруъ шуда, пушти дарҳои баста сурат мегирифт. Дар доираи парвандаи мазкур М. Холматов, роҳбари пешини Идораи сохтмони иншооти обиву техникии Узбекистон бо айбҳои ғоратгарӣ, сӯистифода аз мақом, вайрон кардани қоидаи  бехатарӣ дар сохтмон ва ғайра 10 сол зиндонӣ шудааст. С. Руднев, сардори пешини шуъбаи банақшагирии тарҳҳои корхонаи UzGIP бо айни ҳамин... Читать дальше...

Дар ИМА истифодаи воксинаи сохтаи ширкати Pfizer ва BioNTech-ро барои эмкунии наврасони 12 то 15-сола иҷоза доданд. Хабаргузории Reuters гуфт, ки эмкунии ин гурӯҳи аҳолӣ аллакай рӯзи панҷшанбе шурӯъ шуда метавонад. Ин нахустин воксина аст, ки дар ИМА барои эмкунии кӯдакон иҷоза дода шудааст. Дар бархе кишварҳо воксинаи сохтаи ширкати  Pfizer-ро аллакай ба наврасони аз 16-сола боло иҷоза додаанд. Мутахасиссон мегӯянд, ки эмкунии наврасон барои дастёбӣ ба иммунитети дастаҷамъӣ як қадамаи муҳим ба шумор меравад. Читать дальше...

Дастархони идонаи сокинони Бохтар мухтасар хоҳад буд.

Сокинони деҳаи офатзада ба ҷойи дигар мекӯчанд.

Имрӯз дар Душанбе дар рӯзи мотами миллии Афғонистон, гуруҳе аз шаҳрвандони ин кишвар дар маросиме аз қурбониёни ҳодисаи рӯзи 8-уми май ёд карданд. Он рӯз дар пайи як таркиш дар мактаби духтаронае дар Кобул, даҳҳо нафар куштаву маҷруҳ шуданд.

Боронҳои сахт ва давомдор имрӯз, 11-уми май сабаби сарозер шудани сел дар минтақаи Кӯлоб шуд ва вайрониҳо овард. Бештари харобиҳо дар шаҳри Кӯлоб ва ноҳияи Шамсиддин Шоҳин ба қайд гирифта шудааст.

Тирандозии маргбор дар гимназияи Тотористон.

Далери Эмомалӣ, ҳунарманди ҷавони тоҷик ба наворбардории филми мустанад бо номи “Сулҳ” дар марзи Тоҷикистон ва Қирғизистон оғоз кардааст.

Сафири халъи силоҳи ИМА гуфт, ки барои ташкили мулоқоти президентони ИМА ва Русия корҳои омодагӣ ҷараён дорад. Роберт Вуд дар як конфросни СММ рӯзи 11-уми май гуфт, ки Ҷо Байден ва Владимир Путин ба мувофиқа расиданд, ки мавзӯи эътидоли стратегиро дар робита бо созиши назорати силоҳ ва чолишҳои амниятӣ баррасӣ мекунанд. Ӯ гуфт, ки корҳои омодагӣ ба ин мулоқот идома дорад. Вазири хориҷаи Русия Сергей Лавров, ки 11-уми май дар Боку буд, тасдиқ кард, ки Маскав пешниҳод кардааст дар дидори ду раҳбар... Читать дальше...

Дар Эрон сабтиноми номзадҳо ба интихоботи президентӣ шурӯъ шудааст. Омодагиҳо ба интихобот дар ҳолест, ки таниш дар равобит бо Ғарб дар ҳоли афзоиш аст ва ҳам сарнавишти созиши атомии Эрон бо қудратҳои ҷаҳонӣ номаълум боқӣ мемонад. Сабтиноми номзадҳо 11-уми май шурӯъ шуд ва панҷ рӯз давом мекунад. Ҳар номзадро Шӯрои нигаҳбон, як ниҳоди иборат аз рӯҳониёни муҳофизакор аз санҷиш мегузаронанд. Дар гузашта ин ниҳод чандин довталаби мӯътадилро ба сабқат роҳ надода буд. 27-уми май исми ниҳодии довталабони... Читать дальше...

Эҳтимолан ҳамлагарон ду нафар буданд.

Президенти ИМА Ҷо Байден рӯзи 10-уми май гуфт, ки дар ҳамлаи ҳакерӣ ё рахнагарон ба лӯлаи таъминкунандаи сӯзишворӣ Русия “як андоза масъулият дорад”. Ин ҳамла кори лӯлаи азими таъминкунандаи маводи сӯхтро дар ИМА фалаҷ кардааст. Айни замон Байден Кремлинро ба таври мустақим айбдор накард. Байден гуфт, ки далели дахолати ҳукумати Русия дар ҳамлаи рахнагарон ба лӯлаи Colonial Pipeline “дар даст нест”, вале шаҳодати он вуҷуд дорад, ки рахнагарон ё нармафзори тамаъкор “дар Русия” истифода шудааст. Байден гуфт... Читать дальше...

Омодагиҳо ба хусусигардонии амволи давлатӣ дар Қирғизистон оғоз шуд. Чанде пеш президенти Қирғизистон Содир Ҷабборов пешниҳод кард, ки қисми бештари амволи давлатӣ фурӯхта ва боқӣ дар ихтиёри вазорату идораҳо гузошта шавад. Дар ҳоли ҳозир дар ихтиёри Бунёди амволи давлатии Қирғизистон, чандин корхона, биноҳои гуногун, нақлиёт ва иншоотҳои дигар мебошад, ки қарор аст, дар давоми як сол хусусӣ шаванд. "Воқеияти иқтисодӣ нишон дод, ки мудирияти хусусӣ назар ба давлатӣ бештар корсоз аст. Вазифаи мо ин аст... Читать дальше...

Даҳҳо корманди ширкати "Остона Тозалик", ки бо рубучини кӯчаву хиёбонҳои шаҳри Нурсултон, пойтахти Қазоқистон машғуланд, боло бурдани маошашонро талаб доранд. Кормандони норозӣ субҳи 11 май дар назди бинои ширкат ҷамъ шуда, гуфтанд, давоми чанд соли ахир маоши онҳо боре баланд карда шудааст. Дар ҳоле ки нарх дар бозорҳои Қазоқистон борҳо боло рафтааст. "Мо паст будани маошро ҳамеша матраҳ мекунем, вале раҳбарият метарсонад: "агар маош маъқул нест, метавонед аз кор равед", - изҳор дошт яке аз кормандони "Остона Тозалик" Ҳасан Имонбек. Читать дальше...

Рӯзи 11-уми май дар шаҳри Қазон, пойтахти Тотористон дар дохили гимназияи рақами 175-уми воқеъ дар кӯчаи Ҷавдат Файзӣ, ки дар қисмати шарқии шаҳр ҷойгир аст, тирандозӣ рух дод. Хабаргузориҳо бо такя ба манбаъҳои мухталиф мегӯянд, ки дар ин ҳодиса дастикам 9 нафар, аз ҷумла як омӯзгор кушта шудаанд.

Созмони ҷаҳонии тандурустӣ ҳушдор додааст, ки дар моҳҳои тӯлонии ҷорӣ будани маҳдудиятҳои марбут ба пандемияи коронавирус дар миёни кӯдакони мактабхон  мушкили мисли фарбеҳӣ пайдо шудааст ва хатараш дар ин аст, ки паёмадҳои ин мушкил метавонад дарозмуддат боқӣ бимонад. Гузориши созмон рӯзи 11-уми май нашр шуд. Таҳқиқи СҶТ маълум кардааст, ки баста шудани мактабҳову маҳдудиятҳои марбут ба фаъолиятҳои мухталифи ҷисмонӣ ва худдорӣ аз тарбияи ҷисмонӣ боиси вайрон шудани системаи ҳозима ва  боло рафтани вазни кӯдакон шудааст. Читать дальше...

Дар шаҳри Қазон, пойтахти Тотористон дар гимназияи рақами 175 тирандозӣ рух дод. РИА Новости гуфт, ки шумори кушташудаҳо ба 9 нафар баробар шудааст. Хабаргузории ТАСС шуморои кушташудаҳоро то ин замон 7 нафар навишта гуфтааст, ки яке аз онҳо омӯзгор аст. Baza мегӯяд, ки 9 нафар кушта шудааст. Ба ҷои ҳодиса мошинҳои хадамоти ёрии изтирорӣ расидаанд, хонандагонро аз тирезаҳои мактаб наҷот медиҳанд. РИА Новости гуфт, ки эҳтимолан як ҳамлагар боздошт шудааст. Шояд шумори ҳамлагарон ду-се нафар бошад. Читать дальше...

Даври шашуми мусобиқаи қаҳрамонии футболи Тоҷикистон миёни дастаҳои лигаи олӣ ба поён расид. Аз панҷ бозӣ танҳо дар яктоаш мизбонон ғолиб шуданд, се бозӣ бо пирӯзии меҳмонон хотима ёфт ва як дидор бо натиҷаи мусовӣ анҷом пазируфт. Дар бозии марказии даври шашум «Хуҷанд»-и шаҳри Хуҷанд дар меҳмонӣ «Истаравшан»-ро бо ҳисоби бузурги 3:2 шикаст дод. Ин бозӣ дар Варзишгоҳи марказии шаҳри Истаравшан бо ҳузури 17800 тамошобин баргузор шуд. Ҳарсе голи “Хуҷанд”-ро легионери русиягӣ Артём Сердюк ба самар расонид. Читать дальше...

Дар Чин суръати таваллуд дар даҳсолаи гузашта камтар шуда, ба ҳисоби миёна 0,53 дарсад дар як солро ташкил додааст. Охири соли 2020 ҳисоб шудааст, ки дар Чин шумори аҳолӣ 1,411 миллиард нафарро ташкил дод ва дар як даҳсолаи гузашта ҳамагӣ 72 миллион нафар афзоиш ёфт. Ин омор назар ба даҳсолаҳои пеш камтар будааст. Бюрои миллии омори Чин рӯзи сешанбе хабар дод, ки соли 2020 камтарин шумори навзодон дар ин кишвар ба дунё омаданд ва баъди соли 1961, ки соли қаҳтиву гуруснагӣ буд, ин камтарин нишондод будааст. Читать дальше...

Дар идомаи хушунатҳои сангин дар шаҳри Байтулмуқаддас шаби гузашта Исроил ба сӯи Ғазза ҳамлаҳои ҳавоӣ ва ҷангиёни фаластинӣ аз макони зисти мардуми зиёд ҳамлаҳои мушакӣ анҷом доданд. Мақомоти беҳдошти фаластинӣ дар Ғазза гуфтанд, ки 24 нафар, аз ҷумла нӯҳ тифл кушта шуда, беш аз 100 нафар маҷрӯҳ шуданд. Низомиёни исроилӣ гуфтанд, ки шаби дери 10-уми май дар посух ба 200 ҳамлаи мушакӣ аз Ғаззаи зери назари Ҳамос ва дигар гурӯҳҳои ҷангӣ, исроилиҳо 130 ҳадафро зарба заданд. Дар изҳорот гуфта шудааст... Читать дальше...

Дар гӯшаҳои тоҷикии шабакаҳои иҷтимоӣ ба мисли Фейсбук садҳо нафар омилони ҳамлаеро маҳкум кардаанд, ки дар натиҷаи он 50 нафар ва аксаран хонандагони як мактаб дар Кобул кушта шуданд. Бомбгузорӣ рӯзи 8-уми май дар як маҳаллаи ҳазораҳо сурат гирифт.

Ҳамзамон бо берун рафтани нерӯҳои Амрико ва ҳампаймонҳояшон аз Афғонистон, ҳамлаву бомбгузориҳои афзоянда ва бим аз бозгашти Толибон ба қудрат афғонистониҳои зиёдеро нигарон кардааст.

Дар шаҳри Тифлиси Гурҷистон рӯзи душанбеи 10-уми май додгоҳ роҳбари "Ҳаракати ягонаи миллӣ" Никанор (Никӣ) Мелияро дар ивази гарав аз зиндон озод кард. Иттиҳоди Аврупо ин иқдомро барои ҳалли буҳрони сиёсӣ дар Гурҷистон "қадами муҳим" арзёбӣ кард. Мелия аз 23 феврал ба ин сӯ - ба далели напардохтани гарави парвандаи марбут ба эътирозҳои соли 2019 дар ҳабс буд. Созишномаи озодии вай аз ҳабс таҳти сарпарастии раиси Шӯрои Аврупо Шарл Мишел ҳосил шуд. Ба навиштаи расонаҳо, Никанор Мелия дар доираи... Читать дальше...