Новости за 03.05.2021

Дар ду рӯзи даргирӣ дар марзи Тоҷикистону Қирғизистон даҳҳо нафар куштаву захмӣ шуданд ва, инчунин, даҳҳо манзил аз ҳарду тараф ба коми оташ рафт. Ҳоло хонаводаҳое ҳастанд, ки ба маънои томаш бехонумон монданд ва ҷойи зист надоранд.

Шуморе аз шаҳрвандони Тоҷикистон дар Қирғизистон ба Радиои Озодӣ дар бораи он нақл карданд, ки дар пасманзари муноқишаи марзӣ чӣ гуна зери фишор ва тамаъҷӯӣ аз сӯи шахсони ҷудогона қарор гирифтанд. Намояндаҳои ҷамъияти тоҷикон мегӯянд, вазъият ором аст.

Фирориёни қирғиз мехоҳанд ба хонаҳояшон баргарданд. Дар рӯзҳои мушоқиша дар марзи Тоҷикистону Қирғизистон ҳазорҳо сокини деҳоти марзӣ ба ҷойҳои амн интиқол ёфтанд. Ҳоло онҳо мехоҳанд ба хоназояшон баргарданд.

Дар паи ҳамлаҳои Толибон дар ду вилояти Афғонистон, 15 сарбози нирӯҳои ҳукуматӣ кушта шуданд. Ин таҳаввулот баёнгари афзоиши танишҳо  дар пасманзари музокироти идомаёбандаи ҳукумат ва ин гурӯҳи шӯришӣ мебошад. Тоҷмуҳаммад Ҷоҳид, раиси вилояти ғарбии Фараҳ рӯзи 3-юми май гуфт, ки дар натиҷаи  ҳамлаи 2-юми май ба як посгоҳи артиш дастикам 7 нафар кушта шуд. Мақомот гуфтанд, ки посгоҳе дар деҳаи ноҳияи Боло Булук дар паи он таркид, ки ҷангиён аз дохили як ҳавлӣ то ба ин посгоҳ як нақби зеризаминӣ кофта дар дохилаш маводи таркарда ҷой доданд. Читать дальше...

Сокинони деҳоти марзии ноҳияи Исфара зиён аз ҷангро ҳисоб мекунанд. Хабарнигори Радиои Озодӣ Фарзон Муҳаммадӣ рӯзи 2-уми май ба ин минтақа сафар кард.

Иттиҳоди Аврупо дар вокуниш ба манъи сафари ҳашт мақомдори ин ниҳод ба Русия сафири русро дар Брюссел фаро хонд.  Питер Стано, сухангӯи идораи сиёсати хориҷии Иттиҳоди Аврупо дар як нишасти хабарӣ рӯзи 3-юми май гуфт, “сафири Русия эҳзор шуд. Қарор аст баъд аз зӯҳр дабири кулли Комиссиюни Аврупо ва Хадамоти умури берунаи Аврупо ба ӯ маҳкумкият ва мухолифати шадиди худро баён мекунанд”. Ҳафтаи гузашта вазорати хориҷаи Русия ҳашт дипломати Аврупо, аз ҷумла, Вера Йоурова, муовини президент оид ба... Читать дальше...

Мусофирон ширкати ҳавоиро бо фурӯши билети бештар аз ҷойи нишаст муттаҳам мекунанд.

Рӯзи 3-юми май ҳамчун Рӯзи ҷаҳонии озодии баён ё як ҳаққи бунёдии инсон таҷлил мешавад. Созмонҳои зиёде солҳои охир мегӯянд, дар Тоҷикистон мардум аз ин ҳаққи худ маҳруманд ва ё ҳукумат ин ҳаққи онҳоро маҳдуд кардааст ва ё риоят намекунад.

Раҳбари олии Эрон Оятулло Алии Хоманеӣ дипломати аршади ин кишварро барои шарҳҳои ахираш шадидан интиқод кард ва эҳтимол меравад, ки ин таҳаввулот ба ҷараёни музокироти ҳастаӣ дар Вена ва ҳам интихоботи президентии дар пешистода таъсири манфӣ  мегузорад. Ҳарчанд Хоманеӣ исми вазири хориҷа Муҳаммад Ҷавод Зарифро ба забон наовард, вале дар суханронии телевизиониаш рӯзи 2-юми май интиқодҳои ба интернет роҳёфтаи ӯро “як хатои ҷиддӣ” аз назари сиёсати хориҷии кишвар унвон кард. Зариф аз ин пеш барои танқидаш аз нақши генерал Қосим Сулаймонӣ... Читать дальше...

Рӯзи 3-юми май ҳамчун Рӯзи ҷаҳонии озодии баён ё як ҳаққи бунёдии инсон таҷлил мешавад. Созмонҳои зиёде солҳои охир мегӯянд, дар Тоҷикистон мардум аз ин ҳаққи худ маҳруманд ва ё ҳукумат ин ҳаққи онҳоро маҳдуд кардааст ва ё риоят намекунад. Суҳбати мо бо Иршод Сулаймонӣ, хабарнигор ва муҳаррири бахши тоҷикии хабаргузории "Азия Плюс" дар ҳамин бора аст.

Полиси Олмон гуфт, яке аз вебсайтҳои азимтарини пинҳонии порнографияи кӯдаконро ошкор кард, ки 400 ҳазор узв дошт. Додситонҳо рӯзи 3-юми май гуфтанд, ки дар доираи ин парванда миёнаҳои моҳи апрел чор нафари 40 то 64-соларо боздошт карданд ва аз давлати Парагвай ҳам хостанд, ки як нафар гумонбари дигарро истирдод кунад. Полис исми ҳеҷ нафарро нашр намекунад.  Дар робита бо ташкили шабакаи порнографӣ дар ҳафт бино  кофтукоб анҷом шудааст. Дар изҳорот гуфта шудааст, ки полиси Олмон ин вебсайт, мудирон... Читать дальше...

Котиби давлатии ИМА Энтони Блинкен гуфт, рафтори Чин дар хориҷа то рафт хашинтар ва дар дохил бештар саркӯбгарона мешавад. Блинкен рӯзи 2-юми май дар мусоҳибааш бо CBS News гуфт, ки Вашингтон хостори паст задани Чин нест, вале айни замон намегузорад, ки низоми байналмилалии бунёдшуда бар асоси қонунҳо ба ҳам зада шавад. Блинкен дар сӯҳбат бо барномаи “60 дақиқа” гуфт, “он чи ки мо дар давоми чанд соли охир дар Чин шоҳид шудем, ин аст, ки  дар дохил рафтори ин кишвар то рафт саркӯбгарона ва дар хориҷа хашинтар мешавад. Читать дальше...

Кумитаи ҳолатҳои фавқулодаи Тоҷикистон эълон кард, ки тибқи ҳисобҳои пешакӣ дар муноқишаи ахири марзӣ байни сокинони Тоҷикистон ва Қирғизистон, дар ҳудуди се ҷамоати Исфара, 14 хона комилан ва 2 манзили зист қисман вайрон шудаанд. Инчунин, як иншооти ёрирасон зарар дидааст.

Бозиҳои даври панҷуми мусобиқаи қаҳрамонии футболи Тоҷикистон миёни  дастаҳои лигаи олӣ рӯзҳои 30-юми апрел ва 1-уми май баргузор шуданд. «Хуҷанд»-и шаҳри Хуҷанд дар бозии даври панҷум дар майдони худ  «Кӯктош»-и Рӯдакиро бо ҳисоби бузурги 4:0 шикаст дод. Голҳоро Дилшод Бозоров, Далер Ёдгоров, Нозим Бобоҷонов ва Тоҳир Малодӯстов ба самар расониданд. Бозӣ миёни дастаҳои “Хатлон”-и Бохтар ва ССКА-и Душанбе бо натиҷаи мусовӣ бо ҳисоби 1:1 ба анҷом расид. Ҳарду гол дар нимаи дувуми дидор зада шуд. Читать дальше...

Бӯҳрони пандемияи коронавирус дар Ҳинд амиқтар мешавад ва шумори қурбониҳо то рафт афзоиш меёбад. Ҷомеаи ҷаҳонӣ ба Ҳинд дастгоҳҳои нафаскашӣ ва дигар ёриҳои изтирорӣ мефиристад. Ахиран Бритониё ҳам гуфт, ки ба собиқ мустамликааш як ҳазор донаи иловагии вентилятор ё асбоби нафаскашӣ мефиристад. Ҳафтаи гузашта дар Ҳинд 2,6 миллион ҳодисаи нави олудагӣ ба коронавирус ва 23 ҳазору 800 ҳолати марг ба қайд гирифта шуд. Ба ин тартиб, дар Ҳинд омори фавтидаҳо ба 215 ҳазор нафар баробар шуд. Вале мутахассисон тахмин мекунанд... Читать дальше...

Мақомоти расмии Тоҷикистон дар нахустин баёния дар бораи муноқиша дар сарҳад нерӯҳои мусаллаҳи Қирғизистонро ба барангехтани низоъ ва хунрезӣ муттаҳам карданд.

Ҳукумати Тоҷикистон гуфтааст, хонаҳои сокинони деҳоти наздимарзиро, ки бар асари муноқиша бо Қирғизистон вайрон шуданд, дар муддати як моҳ барқарор мекунад. Дар ин бора рӯзи 3-юми май дар як ҷаласа Раҷаббой Аҳмадзода раиси вилояти вилояти Суғд хабар додааст.

Варзишгарони тоҷик дар мусобиқаи интихобии олимпии ҷаҳонӣ, ки рӯзҳои 6-9-уми май дар шаҳри Софияи Булғористон баргузор мешавад, иштирок хоҳанд кард. Ба иттилои сомонаи расмии Иттиҳоди ҷаҳонии гуштӣ, барои ба даст овардани 36 роҳхати охирин ба Олимпиадаи Токио 474 варзишгар аз 84 кишвар мубориза хоҳад бурд. Дар ин мусобиқа онҳое, ки дар ҳар вазн ба финал мебароянд, ҳуқуқи ширкат дар Бозиҳои олимпии Токиоро пайдо мекунанд. Тоҷикистонро дар ин мусобиқа ҳафт варзишгар намояндагӣ мекунад: гуштии озод ... Читать дальше...

Президенти ИМА Ҷо Байден дар рӯзи 10-солагии қатли раҳбари Ал-Қоида Усома Бин Лоден аз тасмимаш дар заминаи берун кардани нирӯҳои амрикоӣ аз Афғонистон ҳимоят кард. Дар изҳороти  рӯзи 2-юи маи Кохи Сафед омадааст, ки президент гуфтааст, баъди марги раҳбари  Ал-Қоида ва дар паи ҷанге, ки тахминан 20 сол идома дошт, дар Афғонистон ҳузури ин гурӯҳ “фавқулодда заъиф шудааст”. Байден гуфт, “мо Бин Лоденро то дари ҷаҳаннам бурдем”. Ӯ гуфт, “мо ба ваъдаи худ дар пеши онҳое, ки азизони худро рӯзи 11 сентябри соли 2001 аз даст доданд... Читать дальше...

Вазорати дифои Афғонистон гуфт, ки дар даргириҳои ду рӯзи гузаштаи миёни нирӯҳои ҳукуматӣ ва шӯришиён беш аз 100 ҷангҷӯ кушта шуданд. Илова ба ин, вазорат рӯзи 2-юми май гуфт, 52 узви дигари Толибон маҷрӯҳ шуданд. Дар изҳороти вазорат дар бораи хисорот дар миёни нирӯҳои ҳукуматӣ чизе гуфта нашудааст. Вазорати дифои Афғонистон гуфт, ки задухӯрдҳои миёни Толибон ва нирӯҳои ҳукуматӣ дар чанд вилоят, аз ҷумла, ба истилоҳ, дар истеҳкоми Толибон – Қандаҳор ҳам рух дод. Дар ин вилоят нирӯҳои амрикоӣ, ки ба берун шудан аз Афғонистон шурӯъ карданд... Читать дальше...

Намояндагони ҷомеаҳои шаҳрвандии Тоҷикистону Қирғизистон бо нашри изҳороте талаб карданд, ки пеши роҳи пахши хабарҳои дурӯғ дар робита ба муноқишаҳои марзӣ гирифта шавад. Ахборе, ки ба гуфтаи муаллифони изҳорот, адовату душманӣ миёни тоҷикону қирғизҳоро ба миён меорад. И

Қосимҷомарт Тоқаев, раиси ҷумҳури Қазоқистон, бо сафари расмӣ ба Тоҷикистон меояд. Дар ин бора аз Вазорати корҳои хориҷии Тоҷикистон рӯзи 3-юми май хабар доданд.

Додгоҳи ноҳияи Кугарчини Бошқирдистон дар Русия рӯзи 28-уми апрел бори севум муҳлати ҳабси Фурқат Абдуфаттоев, сокини ҷамоати Ворух, шаҳрванди Тоҷикистонро ду моҳ дароз кард.

Вазири тандурустии Қирғизистон Ализа Солтонбекова ба бахши қирғизии Радиои Озодӣ хабар додааст, ки беш аз 33 ҳазор шаҳрвандро аз деҳаҳои наздимарзии ин кишвар бо Тоҷикистон ба минтақаи амн кӯчонидаанд. Ба гуфтаи ӯ, дар натиҷаи низои ахир дар марзи Қирғизистон бо Тоҷикистон 34 шаҳрванди ин кишвар ҷон бохта, теъдоди захмиён наздик ба 180 нафар аст. Вазъи шаш захмӣ вазнин арзёбӣ мешавад. Бино ба гуфтаи мақомоти қирғиз, ҳудуди 20 ҳазор касе, ки ба ҷойи бехавф кӯчонида шудаанд, кӯдакони то 18-сола ҳастанд. Читать дальше...

Мақомоти ҳифзи ҳуқуқи Узбекистон таҳқиқи латтукӯби як омӯзгори мактаби миёна аз сӯи наздикони хонандаро оғоз кардаанд. Муаллимаи забони англисӣ дар мактаби миёнаи №50-и ноҳияи Касбийи Узбекистон Лобар Эргашеваро наздикони хонанда 26-уми апрели соли равон латтукӯб кардаанд. "Он рӯз хонандаҳое, ки дар сафи охир нишаста буданд, ғавғо бардоштанд. Аз онҳо талаб кардам, ки хомуширо риоя кунанд, вале гуш накарданд. Дарсро як илоҷ карда, ба поён расонидам. Сипас барои синфҳои 1-ум дарс мегузаштам, ки модари... Читать дальше...