Новости за 15.06.2021

Miliarderja amerikane, MacKenzie Scott, dhuroi edhe 2.7 miliardë dollarë për qëllime bamirësie. Scott tha përmes një blogu se dëshiron t’u japë para atyre që janë “nënfinancuar dhe anashkaluar historikisht”. Ajo tha se ka zgjedhur 286 organizata që trajtojnë pabarazinë racore, artet dhe arsimin. Scott, shkrimtare dhe filantropiste, është ish-gruaja e Jeff Bezos, themeluesit të kompanisë së shitjeve online, Amazon. Ajo është një nga gratë më të pasura në botë. Pjesën më të madhe të pasurisë e ka nga Bezos... Читать дальше...

Gjykata e Lartë e Sllovakisë anuloi lirimin e një biznesmeni dhe të një të akuzuare tjetër për vrasjen e gazetarit hulumtues, Jan Kuciak, dhe të fejuarës së tij. Gjykata urdhëroi gjykim të ri të rastit. Kuciak dhe Martina Kusnirova, të dy 27 vjeç, janë qëlluar dhe vrarë në shtëpinë e tyre pranë Bratisllavës, në shkurt të vitit 2018. Incidenti ka shkaktuar protesta masive në Sllovaki dhe ka çuar në dorëheqjen e kryeministrit të atëhershëm. Kuciak ka qenë duke hetuar disa pretendime për korrupsion përpara se të vritej. Читать дальше...

Vendimi i fundit i presidentes së Kosovës, Vjosa Osmani për shkarkimin e Valdete Dakës nga posti i kryetares së Komisionit Qendror të Zgjedhjeve, por edhe vendimet e tjera të Qeverisë së Kosovës për shkarkimin e bordeve, nga opozita në Kosovë po shihen si përpjekje për kontroll total të të gjitha institucioneve të pavarura.  Mirëpo, në Qeverinë e Kosovës thonë se institucionet e kapura janë trashëgimi e keqe e qeverive të kaluara dhe do t’i mbetet të kaluarës, “ndërsa çkapja dhe funksionalizimi i tyre është synim i qeverisë së sotme”. Читать дальше...

Numri i qytetarëve të vdekur nga koronavirusi në SHBA ka kaluar 600,000. Sipas të dhënave të Universitetit Johns Hopkins, deri të martën janë konfirmuar 600,012 viktima. Kjo është shifra më e lartë e regjistruar në ndonjë vend. SHBA-ja prin edhe me totalin e rasteve të konfirmuara pozitive: afro 33.5 milionë. Sipas të dhënave të Qendrave për Kontrollin dhe Parandalimin e Sëmundjeve në SHBA, mbi 173 milionë njerëz, apo rreth 52 për qind e popullatës amerikane, kanë marrë së paku një dozë të vaksinës kundër koronavirusit. Читать дальше...

Shqipëria, Serbia dhe Maqedonia e Veriut janë tre vende të Ballkanit Perëndimor që kanë potencialin të shpallen të sigurta për udhëtim të lirë drejt Bashkimit Evropian, thanë burimet diplomatike për Radion Evropa e Lirë. Portugalia, e cila mban presidencën aktuale të BE-së, është duke përpiluar një listë të vendeve, të dhënat e të cilave tregojnë se janë të sigurta sa i përket infeksionit me koronavirus. Përveç tre vendeve të Ballkanit Perëndimor, në listë thuhet se janë edhe Shtetet e Bashkuara... Читать дальше...

Presidentja e Kosovës, Vjosa Osmani, ia vazhdoi mandatin misionit evropian për sundimin e ligjit - EULEX edhe për një vit. Në një komunikatë për media të lëshuar nga Zyra e Presidentes thuhet se Osmani e njoftoi shefin e politikës së jashtme të Bashkimit Evropian, Josep Borrell, në lidhje me vendimin. Në  letrën drejtuar atij, Osmani tha se EULEX-i “do të jetë me mandat teknik, pa fuqi ekzekutive dhe i bazuar vetëm në monitorim, mentorim dhe këshillëdhënie”. “I njëjti mandat mund të vazhdohet edhe për një vit tjetër... Читать дальше...

Presidenti i Shteteve të Bashkuara, Joe Biden, arriti të martën pasdite në Gjenevë, ku do të takohet me presidentin e Rusisë, Vladimir Putin. Biden u prit në pistën e Aeroportit të Gjenevës nga presidenti zviceran, Guy Parmelin, i shoqëruar nga krerët e kantonit dhe autoritetet e qytetit të Gjenevës, si dhe nga diplomatët amerikanë, të vendosur atje. Takimi me Putinin do të zhvillohet të mërkurën. Të dyja palët i kanë minimizuar shanset për arritjen e ndonjë marrëveshjeje. Një ndihmës i... Читать дальше...

Kryeministri i Kosovës, Albin Kurti dhe presidenti i Serbisë, Aleksandar Vuçiq shprehën qëndrime të kundërta në raundin e ri të dialogut që filloi në Bruksel. Në takim e tyre të parë në këtë proces, Kurti tha se i ka disa propozime që çojnë përpara dialogun, ndërkohë që presidenti serb, Vuçiq, tha se delegacioni kosovar kishte shkuar që të mos pajtoheshin për asgjë.

Parlamenti i Hungarisë miratoi ligjin që ndalon diskutimet dhe shpërndarjen në shkolla të informacioneve, që mendohet se promovojnë homoseksualitetin dhe ndërrimin e gjinisë. Kritikët e cilësuan masën si sulm mbi të drejtat e komunitetit homoseksual, lesbik, biseksual dhe transseksual (LGBT). Legjislacioni u mbështet nga 157 ligjvënës, nga 199 sa ka Parlamenti hungarez në total. Ligjvënësit e opozitës e bojkotuan votimin, me përjashtim të atyre nga partia e krahut të djathtë Jobbik, e cila e mbështeti masën. Читать дальше...

Një gjykatë franceze urdhëroi gjigantin suedez të mobiljeve Ikea të paguajë gjobë prej një milion eurosh, pasi u gjet fajtor për spiunim të stafit në Francë. Ish-shefi i Ikeas-s në Francë, Jean-Louis Baillot, u dënua me dy vjet burgim me kusht dhe me gjobë prej 50,000 eurosh. Dega në Francë e Ikea-s u zbulua se ka përdorur detektivë privatë dhe oficerë të policisë, për të mbledhur të dhëna private për stafin. Dëshmitë dolën në pah në vitin 2012. Për pasojë, Ikea shkarkoi katër menaxherë dhe miratoi kod të ri të sjelljes. Читать дальше...

Udhëheqësit e G7 njoftuan një plan për të dhuruar më shumë se 1 miliard doza të vaksinave në vendet e varfra dhe gjithashtu kërkuan një hetim të plotë mbi origjinën e COVID-19. (Përgatitën: Taulant Qenaj dhe Arben Hoti)

Kryeministri i Maqedonisë së Veriut, Zoran Zaev, nuk është optimist për një zgjidhje të mundshme të kontestit me Bullgarinë deri më 22 qershor, kur është paraparë mbajtja e samitit të ministrave të Jashtëm të vendeve anëtare të Bashkimit Evropian. Zgjidhja eventuale e dallimeve mes Shkupit dhe Sofjes nënkupton edhe zhbllokimin e procesit integrues apo nisjen e bisedimeve të anëtarësimit të Maqedonisë së Veriut me Bashkimin Evropian. “Kam ndjenjën se dallimet nuk do të zgjidhen më 22 qershor,... Читать дальше...

Në Kosovë u raportuan të martën 12 raste të reja me koronavirus. Rastet pozitive rezultuan pas testimit të 2,668 mostrave, tha Instituti Kombëtar i Shëndetësisë Publike të Kosovës. Sipas njoftimit, në 24-orëshin paraprak nuk u regjistrua asnjë viktimë nga koronavirusi, ndërsa u shëruan 119 pacientë. Me këto shifra, sipas IKSHPK-së, numri i përgjithshëm i të infektuarve në Kosovë arrin në 107,595, i viktimave në 2,250 dhe i të shëruarve në 105,107. Raste aktive aktualisht janë 238. Të martën... Читать дальше...

Partitë opozitare në Maqedoninë e Veriut thonë se partitë në pushtet, me zvarritjen e bisedimeve për ndryshimet në Kodin Zgjedhor, po dëshmojnë mungesën e gatishmërisë së tyre për demokratizimin e procesit zgjedhor, qoftë të drejtuesve të komunave apo edhe të përfaqësuesve në institucionin ligjvënës. Flakron Bexheti nga partia shqiptare në opozitë, Aleanca për Shqiptarët, thotë se këtyre partive më tepër iu intereson modeli aktual, pasi nuk duan që populli të bëjë zgjedhjen e përfaqësuesve të tyre. Читать дальше...

Kryeministri i Kosovës, Albin Kurti dhe presidenti i Serbisë, Aleksandar Vuçiq janë takuar në Bruksel në një raund të ri të dialogut të ndërmjetësuar nga Bashkimi Evropian. Kryeministri Kurti ka thënë se i ka bërë katër propozime që çojnë përpara dialogun, ndërkohë që presidenti serb, Vuçiq tha se delegacioni kosovar kishte shkuar për të mos u pajtuar për asgjë. (Përgatitën: Shkëlqim Hysenaj dhe Ibrahim Berisha)

Persona të armatosur sulmuan disa ekipe për vaksinim kundër poliomelitit në lindje të Afganistanit, duke vrarë së paku pesë punonjës shëndetësorë. Ky është sulmi i dytë i tillë në zonë, në më pak se tre muaj. Zëdhënësi i guvernatorit të provincës Nangarhar, Attaullah Khoqyani, i tha Radios Evropa e Lirë se përveç të vrarëve, janë edhe katër persona të plagosur. Zëdhënësi i policisë provinciale, Farid Khan, tha se viktimat janë qëlluar në tre lokacione të ndryshme të provincës Nangarhar, brenda dy orësh. Читать дальше...

Kina ka akuzuar NATO-n se është duke shpifur për zhvillimin e saj paqësor, pasi liderët e aleancës kanë paralajmëruar për “sfida sistematike” që vijnë nga Pekini. Veprimet e Kinës, duke përfshirë zgjerimin e arsenalit bërthamor, kërcënojnë “rregullat e bazuara në ligjin ndërkombëtar”, ka thënë NATO-ja. Kjo është hera e parë që NATO-ja ka vendosur Kinën në qendër të agjendës së vet. Si përgjigje, Kina ka thënë se politika e saj e jashtme ka “natyrë mbrojtëse” dhe i ka bërë thirrje NATO-s që... Читать дальше...

Kryeministri i Kosovës, Albin Kurti, tha se marrëveshja përfundimtare mes Kosovës dhe Serbisë duhet të përfshijë njohje të ndërsjellë dhe duhet të finalizohet sa më shpejt.   Kurti i bëri këto komente në Bruksel, pas takimit që zhvilloi me presidentin e Serbisë, Aleksandar Vuçiq, në kuadër të dialogut për normalizimin e marrëdhënieve, të ndërmjetësuar nga Bashkimi Evropian.  “Unë theksova se në kuadër të mandatit të zotit (Josep) Borrell (shef i politikës së jashtme të BE-së) dhe në kuadër të mandatit të presidentit (amerikan... Читать дальше...

Më shumë se 1.000 persona janë mbledhur të hënën në një fshat të Afrikës së Jugut, për të kërkuar ato që ata besojnë se janë diamante, pas zbulimit të gurëve të paidentifikueshëm atje. (Përgatiti: Trim Haliti)

I dërguari i posaçëm i Bashkimit Evropian për dialogun Kosovë-Serbi, Mirosllav Lajçak, ka thënë se takimi i së martës në mes të kryeministrit të Kosovës Albin Kurti dhe presidentit serb Aleksandar Vuçiq nuk ka qenë i lehtë, mirëpo është e rëndësishme që ka ndodhur. Ai ka deklaruar se procesi i dialogut do të vazhdojë para fundit të korrikut. “Të dy liderët kanë pasur deklarata të sinqerta rreth asaj se çfarë duan palët nga dialogu. Për Bashkimin Evropian është e rëndësishme që të dy liderët konfirmuan... Читать дальше...

Ish-kryetarja e Komisionit Qendror të Zgjedhjeve, Valdete Daka, ka thënë se vendimi i presidentes së Kosovës, Vjosa Osmani, për shkarkimin e saj nga kjo pozitë është në kundërshtim me kushtetutën dhe i pa mbështetur në ligj. Ajo ka thënë se do të ndjekë rrugët ligjore për të mbrojtur të drejtën e saj. “Të akuzohem për mospunë dhe për vendimet kolegjiale të cilat janë marrë nga të gjithë anëtarët e KQZ-së dhe të ndëshkohem vetëm pse kam aplikuar Kushtetutën dhe Ligjin është absurditet i llojit... Читать дальше...

Mbi 320 mijë qytetarë pritet që të vaksinohen kundër sëmundjes COVID-19, që shkakton koronavirusin, gjatë një muaji, ka thënë ministri i Shëndetësisë Arben Vitia, gjatë një vizite që bërë në sallën “1 Tetori” në Prishtinë, me rastin e fillimit të vaksinimit masiv të qytetarëve. Ministri Vitia tha se Kosova ka doza të mjaftueshme të vaksinave kundër COVID-19, edhe pse nuk tregoi numrin e saktë të tyre. Deri në fund të këtij muaji, Vitia tha se në Kosovë do arrijë kontingjenti i parë i vaksinave nga kompania farmaceutike amerikane... Читать дальше...

Presidentja e Kosovës, Vjosa Osmani, ka caktuar datën 17 tetor 2021 për mbajtjen e zgjedhjeve lokale në Kosovë. “Presidentja ka udhëzuar Komisionin Qendror të Zgjedhjeve që t`i ndërmarrë të gjitha veprimet e nevojshme për organizimin dhe mbajtjen e zgjedhjeve lokale në përputhje me këtë vendim dhe legjislacionin në fuqi”, thuhet në një njoftim nga Presidenca. Shpallja e datës së zgjedhjeve pason konsultimet që ka zhvilluar presidentja Osmani me përfaqësuesit e partive politike në fillim të muajit qershor. Читать дальше...

Numri i rasteve të reja me koronavirus ka rënë në shtatë javët e fundit, ka thënë shefi i Organizatës Botërore të Shëndetësisë Tedros Adhanom Ghebreyesus, mirëpo ai po ashtu ka njoftuar se numri i të vdekurve brenda ditës arrin në mbi 10,000. Shefi i OBSH-së ka thënë më 14 qershor se rënia e numrit të rasteve në periudhë prej shtatë javësh është më e gjata prej kur ka nisur pandemia. Mirëpo vdekjet sipas tij nuk po e ndjekin trendin e njëjtë, për shkak të mungesës së qasjes në vaksina në disa shtete. Читать дальше...

Përfaqësuesi i Lartë i BE-së për Politikë të Jashtme dhe Siguri, Josep Borrell, ka thënë se Bashkimi Evropian pret që Kosova dhe Serbia të arrijnë një marrëveshje ligjërisht obliguese për normalizim të marrëdhënieve. Borrell ka thënë se në BE është një momentum i ri sa i takon perspektivës së Ballkanit Perëndimor dhe Kosova e Serbia duhet ta shfrytëzojnë atë. (Përgatitën: Shkëlqim Hysenaj dhe Ibrahim Berisha)