پنجشېر کې سېلاب د دغه ولایت لویه لاره د ټرافیکو پر مخ تړلې
په پنجشېر ولایت کې د سېلاب له امله د دې ولایت لویه لاره د ټرافیکو پر مخ تړل شوې ده.
د ازادي راډیو د سیمهییزخبریال د راپور له مخې په سیمه کې تېره نیمه شپه سخت باران پیل شوی و چې تر نن غرمې پورې اورېده او له املهیې د دې ولایت ډېرو کلیو کې خلکو ته زیانونه اوښتي دي.
د پنجشېر مرستیال والي محمد امین صدیقي ازادي راډیو ته وویل چې تر اوسه ورته د ځاني زیانونو راپور نهدی ورکړل شوی، خو مالي زیانونه خلکو ته رسېدلي او هم د لویې لارې په بندېدو سره د دې ولایت اوسېدونکي له ستونزو سره مخامخ شوي دي.
د هغه په وینا په لومړي ګام کې هڅه کوي چې لویه لاره بېرته د ټرافیکو پر مخ پرانیزي.