افغان-بریټانيايي سوک وهونکي خپل انګلیس سیال ته ماتې ورکړه
د سهیل احمد مغلزي او ډایلین ډراپر تر منځ لوبه بیګاه شپه د لندن په یارک هال کې وشوه.
سهیل احمد په خپله فیسبوک پاڼه د دې لوبې جزییات او عکسونه خپاره کړي او لیکلي یې دي چې په دریم رونډ کې یې خپل سیال ناک اوټ کړی دی.
سهیل احمد افغان پروفیشنل سوک وهونکی دی چې تر اوسه یې ۱۴ بریاوې خپلې کړي دي.
یواځې یوه ماته یې خوړلې ده.
د سهیل احمد او ډایلین ډراپر په لوبې سربېره د انګلستان د کمنوېلټ یا ګډوګټو او بریټیش اتلولۍ کمربندونو پر سر ګڼو نورو سوک وهونکو هم بیګاه لوبې کړي.
سهیل احمد مغلزی ۳۱ کلن دی.
دی په ماشومتوب کې انګلستان ته تللی و او هلته د سوک وهنې لوبه مخته وړي.