د ایران په لاریونونو کې لږ تر لږه ۱۱۵ کسان وژل شوي
دغه سازمان یاده خبره پرون جمعه په یوه اعلامیه کې کړې ده.
په اعلامیه کې چې د بښنې نړیوال سازمان په خپله ټیلیګرام پاڼه خپره کړې ویلي چې د وژل شویو واقعي شمېر تر دې ډېر لوړ دی.
اخوا د ایران قضائیه قوې تائید کړې چې په هغه هېواد کې د تېلو د لوړ نرخ پر ضد د وروستیو مظاهرو ۱۰۰ تنظیمونکي یې نیولي دي.
دایران رژیم اعتراض کونکو ته شدید ځواب ورکړی دی .
له ۲۰۱۷ میلادي کال راهیسې په ایران کې د اقتصادي فشار او د نرخونود لوړ والې پر ضد وخت نا وخت لاریونونه کېږي.
خو رپوټونه وايي چې دا وار د ایران رژیم د پخوا په پرتله د زیات سخت چلند خبرداری ورکړی دی.
د یو شمېر ربوټونو په حواله، د ایران رژیم دا وار اعتراض کونکو ته خبرداری ورکړی چې ځیني کسان حتی اعدام شي.
د ایران رژیم په عمومي ډول، په مظاهرو کې د تلفاتو شمېر کم خپروي.
دا وار رژیم په ایران کې پر انټرنټ بندیز لګولی چې د وضعیت په اړه یې دخپلواکو معلوماتو خپرول تقریباً ناممکن کړي دي.
د ملګروملتونو د بشري حقونو کمېسیون او له ایرانه بهر د بشري حقونو د ملاتړ ادارې اټکل کوي چې ګڼ شمېر لاریون کوونکي وژل شوي، ټپي شوي او د پولیسو له خوا نیول شوي دي.
د ایران حکومت د نومبر په ۱۵ مه پر تېلو د محدودیت اعلان وکړ.
له هغه راهیسې، رپوټونه وايي چې اعتراضونه د ایران ۱۰۰ ښارونو ته پراخ شوي دي.