Новости за 23.12.2019

По речиси седум часа, Собранието вечерва го усвои дневниот ред од 126. седница која, според последното ажурирање, има 125 точки. Расправата почна со Предлог-декларацијата за правото на политичко учество на граѓаните со попреченост, поднесена од група пратеници. Пред пратениците се уште 124 предлог-законски решенија од кои некои треба да се донесат по скратена постапка. Претходно пратениците не успеаја да се усогласат за дневниот ред.Во почетокот на седницата беа образложени предлог-законите кои треба да се донесат по скратена постапка... Читать дальше...

Во Кабинетот на претседателот Стево Пендаровски во тек е седницата на Советот за безбедност на која на дневен ред е и аерозагадувањето. Покрај членовите на Советот за безбедност на седницата присуствуваат и министерот за животна средина и просторно планирање Насер Нуредини, заменик-министерот за животна средина и просторно планирање Јани Макрадули, директорот на Државниот инспекторат за животна средина Фејзула Спахија и претставниците на Здружените граѓански иницијативи и организации. Пред да влезат... Читать дальше...

Бојан Јовановски, осомничен во случајот познат во јавноста како „Рекет 2“ по часови давање исказ во Обвинителството за организиран криминал и корупција доби решение за завршена истрага.Јовановски денеска и во петокот даваше исказ за предметот поврзан со невладината организација Меѓународен сојуз чиј претседател е тој. Неговиот адвокатот Сашо Дукоски рече дека изјавата на Јовановски била доста детална и дека била кажана „целата вистина“. Досега исказ во случајот со Меѓународен сојуз дадоа пратеничката... Читать дальше...

Извршниот директор на компанијата Боинг Денис Мјуленбург поднесе оставка, соопштија денеска од компанијата оценувајќи дека им се неопходни промени во раководството за да се врати довербата кон нив. До ова доаѓа откако Боинг со месеци е во криза по двете несреќи со авионите 737 Макс кои се случија за помалку од пет месеци. Од 13 март е забрането летање на сите авиони од тој модел. Во повеќето технички и административни истражувања се покажаа бројни неправилности особено во процесот за добивање на сертификат.

Пред 15 години започна реализацијата на проектот за заштита на балканскито рис. За десет години на територијата на НП „Маврово“ и пошироко во Мавровскиот регион има зголемена бројка на оваа животно.

Во Кабинетот на претседателот Стево Пендаровски доцна попладнево се одржува втората седница на Советот за безбедност откако тој е шеф на државата. На неа на две одделни сесии ќе се расправа за тековни прашања поврзани со безбедноста и одбраната на државата, како и за проблемот со аерозагадувањето. На првиот дел од седницата за прашања поврзани со безбедноста и одбраната, покрај членовите на советот, присуствуваат и директорите на Агенцијата за национална безбедност, Виктор Димовски, на Агенција за разузнавање... Читать дальше...

Пратениците и по речиси четири часа не можат да го усвојат дневниот ред за денешната 126. седница на која се ставени 124 точки. Во почетокот на седницата беа образложени предлог-законите кои треба да се донесат по скратена постапка, а потоа претседателот на Собранието Талат Џафери ги прочита сите предлог-закони предвидени за дискусија. Драган Данев од ВМРО-ДПМНЕ пред усвојувањето на дневниот ред побара како втора точка да се стави Информацијата за енормното загадување на воздухот во земјава, поднесено од неговата пратеничка група. Читать дальше...

Претставничкиот дом на Парламентарното собрание на Босна и Херцеговина денеска на итна седница во Сараево го избра новиот состав на Советот на министри на БиХ. За новиот состав гласаа 29 пратеници, осум беа против и еден воздржан. Советот на министри на БиХ е избран четиринаесет месеци по последните општи избори во БиХ. Него го сочинуваат Сојузот на независни социјалдемократи (СНСД) и помалите партии на владејачката коалиција во Република Српска, Партијата за демократска акција (СДА), Хрватската демократска заедница (ХДЗ БиХ)... Читать дальше...

Премиерот Зоран Заев денеска коментирајќи ја изјавата на претседателот на ВМРО-ДПМНЕ Христијан Мицкоски кој рече дека ако освојат 80 пратеници во Собранието ќе пристапат кон менување на Преспанскиот договор и враќање на старото уставно име, рече дека тоа нема да се случи бидејќи опозициската партија немало да дојде на власт. „Го гледам во сите интервјуа вели јас се нарекувам Македонец, зборувам македонски јазик и ќе ја нарекувам државата Македонија. Јас како Зоран Заев исто така ја нарекувам државата Македонија... Читать дальше...

Минатата година со посебни истражни мерки (ПИМ) биле следени 317 луѓе, информираа од Јавното обвинителство пред Собраниската комисија за надзор над спроведување на мерките за следење на комуникациите. На денешната седница комисијата го усвои извештајот на Јавниот обвинител за примена на ПИМ за 2018 година. Споредбено со 2017 има зголемување на примената на овие мерки. Во 2017 овие мерки биле применувани против 289 луѓе. Јавниот обвинител Бодан Лазаревски, кој во името на државниот јавен обвинител Љубомир Јовески го образложи извештајот... Читать дальше...

Апелациониот суд Скопје ги укина пресудите против Сашо Мијалков, Мендух Тачи и поранешни членови на Државната изборна комисија од ВМРО-ДПМНЕ и случајот „Титаник 2“ го враќа на повторно судење. Апелациониот суд Скопје, донесе одлука со која ги уважи жалбите на обвинетите во случајот познат како „Титаник 2“, со што ја укина првостепената пресуда и предметот го врати пред Основниот кривичен суд Скопје на повторно постапување и одлучување, стои во соопштението од Апелација. Случајот Титаник 2 се... Читать дальше...

Стапката на сиромашни луѓе во земјата лани изнесувала 21,9 отсто или околу 455 илјади граѓани, што претставува намалување во однос на 2017 година кога таа изнесувала 22,2 проценти, објави денеска Државниот завод за статистика. Анализирано по типови на домаќинства, стапката на сиромаштија на домаќинствата составени од двајца возрасни со две издржувани деца во 2018 година е 22,0 отсто. Стапкатата на сиромашни вработени лица е 8,8 отсто, додека стапката на сиромашни пензионери е 7,9 отсто. Според ДЗС... Читать дальше...

Училиштата во Техеран ќе останат затворени една недела поради сериозното загадување на воздухот, објавија иранските власти. Техеран трет ден по ред е под токсичен смог. Сите училишта во Техеран, освен во два огруга ќе бидат затворени, соопштија властите. Мерењата покажаа дека просечната концентрација во воздухот на најопасните честички (ПМ 2.5) изнесувала 147 микрограми на метар кубен во последните 24 часа.Тоа е речиси шест пати повеќе од препорачаниот максимум од Светската здравствена организација. Читать дальше...

Полицијата во Белорусија запленила 500 килограми хероин, што е најголема заплена на хероин во државата, соопштија тамошните власти. Од Министерството за внатрешни работи денеска соопштија дека четворица луѓе,  меѓу кои и една жена на една медитеранска земја се уапсени во Минск кон крајот на ноември откако полицајците одзеле скоро 550 килограми хероин од нив. Според Министерството тоа е најголемата заплена на хероин во земјата. Од полицијата соопштуваат дека хероинот бил од Авганистан и бил наменет за продажба во земјите од Европската унија.

Судијата Огнен Ставрев за утре го одложи судењето за „ТНТ“, откако третообвинетиот, екс-градоначалник на Гази Баба, Тони Трајковски не се појави во Судот. Неговиот адвокат рече дека Трајковски бил нападнат, и поради здобиените повреди од физичкиот напад треба да направи дополнителни испитувања. Судот нареди Трајковски за утрешното рочиште стражарно да биде спроведен. Судијата рече дека за неговите повреди Судот нема добиено лекарски извештај, а во разговор со лекарот Судот е известен дека обвинетиот... Читать дальше...

Рускиот претседател Владимир Путин денеска учествуваше на церемонијата за официјално пуштање во употреба на железничкиот сообраќај на мостот што ја поврзува Русија со окупираниот Крим. Изградбата на мостот наиде на осуди од Украина, од СAД и од ЕУ. Според нив со мостот се крши суверенитетот на Украина. Западните земји воведоа и санкции за фирми поврзани со изградбата на мостот долг 19 километри. Церемонијата се емитуваше во живо на руската државна телевизија, а Путин им се заблагодари на работниците... Читать дальше...

Граѓаните имаат различни очекувања за тоа дали ќе се реши нешто со аерозагадувањето со политички дебати, но ако се суди по нивните изјави ситуацијата може да тргне кон подобро по минатонеделните протести против аерозагадувањето на кои се приклучија и средношколците.

Читателите на социјалните мрежи прашуваат како може лидерот на ВМРО-ДПМНЕ, Мицкоски да зема плата од држава чие име не му одговара, а некои коментираат дека „како што Мицотакис го промени Договорот од Преспа, така ќе го промени и Мицкоски“. Реизборот на Али Ахмети за претседател на ДУИ исто така предизвика голем број коментари.

Обвинителството во Саудиска Арабија соопшти дека пет луѓе се осудени на смртна казна за убиството на саудискиот новинар Џамал Кашоги. За случајот Кашоги уште тројца луѓе се осудени на казна затвор од вкупно 24 години. Кашоги кој живеше во САД и беше колумнист на „Вашингтон пост“, беше убиен во саудискиот конзулат во Истанбул во октомври 2018 година. Случајот предизвика меѓународна осуда. Разузнавачките служби на САД заклучија дека убиството го наредил саудискиот принц Мохамед бин Салман. Обвинителството... Читать дальше...

Потребно е да се сослушаат нови сведоци на судењето за импичментот на претседателот Доналд Трамп, велат демократите во Сенатот на САД. Лидерот на демократите во Сенатот Чак Шумер вели дека има нови докази кои бараат и нови сведоци. Се појавиле коресподенции преку електронска пошта во врска со воената помош од САД за Украина. Претставничкиот дом, во кој мнозинството го има Демократската партија на 18 декември одобри две обвиненија за импичмент против Трамп, поставувајќи ја основата за судење на претседателот во Сенатот. Читать дальше...

Поранешниот градоначалник на Општина Гази Баба, Тони Трајковски кој е еден од обвинетите во случајот „ТНТ“ не дојде на денешното рочиште. Тој пријавил дека синоќа бил физички нападнат по претходна расправија со две лица. Неговиот адвокат рече дека тој се наоѓал во болница. Од МВР за МИА информираа дека се работи на расчистување на случајот.  Случајот „ТНТ“ се однесува на уривање на комплексот „Космос“ на бизнисменот и поранешен пратеник Фијат Цаноски. Во случајот Трајковски е третообвинет. Судијата Огнен Ставрев го контактирал докторот... Читать дальше...

Илјадници Либанци демонстрираа во Бејрут и во други градови против новиот премиер Хасан Дијаб, барајќи од него да ја напушти функцијата бидејќи бил припадник на владејачката елита. Демонстрантите блокирале неколку патишта, во протест против Дијаб кој ја има поддршката од екстремистичкиот Хаболах, но не и од водечките групи на сунитските муслимани. Дијаб е универзитетски професор и има за задача да ја извлече земјата од најголемата економска криза.

Лидерите на Грција, Кипар и Израел планираат да потпишат спогодба за изградба на гасовод во источен Медитеран, соопшти кабинетот на грчкиот премиер Киријакос Мицотакис. Спогодбата ќе биде потпишана на 2 јануари во Атина. Планирано е гасоводот да оди низ Средоземно море, од изралеските резерви на гас, до грчкиот остров Крит и грчкото копно, а потоа до Италија. Кипар, Грција и Израел годинава веќе потпишаа спогодба за гасоводот долг 1.900 километри во присуство на американскиот државен секретар Мајк Помпео. Читать дальше...

Англискиот фудбалски клуб Тотенхем покрена истрага по повод расизмот на навивачите на вчерашниот меч против Челзи и ќе забрани влез на стадионот за секој за кој се вопсотави дека бил виновен за навредите врз расна основа. Челзи како гостин го победи Тотенхем со 2 спрема 0 во Премиер лигата, а неговите навивачи врз расна основа го навредувале фудбалерот на Челзи Рудигер. Во текот на натпреварот три пати од разглас беше прочитано предупредување.

По недобивањето датум од ЕУ за Македонија и Албанија, Кремљ почна офанзива, пред се преку своите олигарси, за да го искористи вакуумот и да го прошири своето влијание врз балканските земји, анализира софискиот Центар за демократски студии.