Новости за 26.12.2019

Во напад на западот на Нигер загинаа 14 војници, соопшти тамошното Министерство за внатрешни работи. „Конвој со припадници на жандармеријата и националната гарда бил цел на заседа на терористи со тешко вооружување. По тешката борба, неколку луѓе загинаа и се ранети“, се наведува во соопштението, во кое се прецизира дека загинале 14 припадници на силите за безбедност. Областа каде што се случил нападот е близу до границата со Мали, каде што на 10 декември во напад на џихадистите беа убиени 71 војници.

Неколку илјади Индијци денеска повторно протестираа против новиот закон кој им овозможува државјанство на немуслиманските бегалци од неколку соседни земји. Околу 2500 луѓе протестираа во Мумбаи, носејќи транспаренти против давањето државјанство на бегалците од Авганистан, Пакистан и Бангладеш, под услов на се од исламска вероисповест. Протести се одржаа и во Калкута и во други индиски сојузни држави. Протестите почнаа на 11 декември, веднаш откако владејачкото националистичко мнозинство го усвои законот... Читать дальше...

Ирачкиот претседател Берхам Салех денеска одби да го именува за премиер Асад ал Ејдани, кој е предлог на парламентарниот блок кој има поддршка од Иран, а антивладините демонстранти го отфрлија. Претседателот Салех соопшти дека нема да го именува гувернерот на јужната провинција Басра за нов премиер за да се избегне „уште пролевање на крв и да се зачува граѓанскиот мир“. Парламентарниот блок Фатах вчера го предложи Ал Ејдани. Ирачките демонстранти веднаш излегоа на улиците да протестираат против... Читать дальше...

Битолчани ќе се возат бесплатно во автобус во деновите со екстремно загаден воздух. Опозицијата го поддржа предлогот, но смета дека тоа нема да има голем ефект. Велат дека за подобрување на квалитетот на воздухот во градот треба да се направи многу повеќе.

Руската православна црква денеска соопшти дека ги прекинува врските со патријархот александриски и сеафрикански Теодор Втори, зашто ја призна Украинката православна црква, независна од верската управа на Москва. Светиот синод на РПЦ, по денешниот состанок во Московската патријаршија, наведе дека од сега не може да се споменува името на патријархот Теодор Втори во молитвите и не може да учествува во заедничките молитви. Во соопштението се осудува „личната одлука“ на патријархот Теодор Втори „да... Читать дальше...

Пратеникот на партијата победничка на вонредните парламентарни избори во косово, Движењето Самоопределување (ВВ), Глаук Коњуфца е избран за претседател на новото косовско Собрание. За изборот на Коњуфца за спикер на седмиот собраниски состав на Косово гласаа 75 од присутните 111 пратеници. Против гласаа 27 пратеници, додека шестмина беа воздржани. За потпретседатели се избрани Арберие Нагавци од ВВ, Кујтим Шаља од Демократскиот сојуз на Косово (ЛДК) и Мемли Красниќи од Демократската партија на Косово (ПДК)... Читать дальше...

По претставувањата во Штип, Тетово, Крива Паланка и Куманово, овој петок, на 27 декември во 19 часот, во скопскиот „Олд скул бар“, ќе се случи завршниот настан од патувачката изложба од проектот „АРТФЕМ - Време е да создаваш женски!“ на уметничката Дороти Пачкова.

Денеска почнува четвртата недела од штрајкот против пензиските реформи во Франција кои ги најави претседателот Емануел Макрон. Сообраќајот веќе 20 дена е во хаос, а во земјата има големи општествени поделби. Денеска е 22 ден од штрајкот и засега нема решение на повидок, а преговорите на владата и синдикатите ќе продолжат дури на 7 јануари. Владата е решена да ја спроведе реформата, која меѓу другото предвидува „универзален систем“ на исплата на пензиите, наместо сегашните 42 секторски режими. Читать дальше...

Турскиот Уставен суд денеска донесе пресуда во корист на Википедија, оценувајќи ја двегодишната забрана на турската Влада за користење на интернет енциклопедијата како повреда на слободата на изразување, јави Анадолија. Турција ја блокираше Википедија во април 2017 година, обвинувајќи ја дека е дел од „клеветничка кампања“ против земјата, откако веб-страницата одби да ги отстрани содржините што, наводно, ја претставуваат Турција како земја што ја поддржува Исламска држава и други терористички организации. Читать дальше...

Кина, Иран и Русија ќе одржат заеднички поморски вежби во услови на тензии меѓу Техеран и Вашингтон. Воените вежби ќе се одржат во Индискиот Океан и Оманскиот Залив од 27 до 30 декември, соопштија властите во Пекинг и во Техеран. Од кинеското Министерство за одбрана соопштија дека на вежбите ќе го испрати Синин, бродот разурнувач, вооружен со наведувачки рекети, но не соопштија со колку персонал и бродови земјата ќе учествува на вежбите. Портпаролот на Иранските вооружени сили, Аболдази Шекарчи... Читать дальше...

Лидерот на Демократскиот сојуз на Косово (ЛДК) Иса Мустафа изјави дека ЛДК ќе му отстапи едно министерско место на идниот партнер во владата, Движењето Самоопределување (ВВ), тогаш кога таа партија ќе му даде поддршка за претседател на државата, во април 2021, кога му истекува мандатот на актуелниот претседател Хашим Тачи. По состанокот на Претседателството на ЛДК, Мустафа пред новинарите изјави дека ЛДК останува посветен на постигнувањето договор со партијата на Албин Курти, но додаде дека доколку не се оствари тоа... Читать дальше...

Премиерот Зоран Заев од собраниската говорница одговарајќи на новинарски прашања рече дека до крајот на годината ќе биде објавен тендер за изградба на електраната „Чебрен“, дека патот Скопје – Блаце ќе го гради „Гранит“, а активностите околу изградбата на новиот клинички центар одат според планираната динамика. Заев рече дека очекува после 28 години зборување, да почне реализацијата на Чебрен. Тој одговараше на прашања на пратеникот од ВМРО-ДПМНЕ, Антонијо Милошоски. Милошоски на собраниската говорница... Читать дальше...

Ослободени се 27-те авганистански мировни активисти, кои беа киднапирани од талибанците, соопштија тамошните власти. Талибанцити 45 часа ги држеа во заробеништво aктивистите од Народното движење за мир.  Активистите беа киднапирани во областа Бала Булук во провинцијата Фарах. Тие патуваат низ земјата и одржуваат митинзи на кои шират пораки за мир и ги повикуваат сите страни во конфликтот во Авганистан да се договорат за прекин на огнот. Групата соопшти дека ова е четврти пат како милитантната група киднапира нивни активисти.

Направената штета во МНТ ќе ја надомести навивачката група „Шверцери“, а ако тие не ја платат, тоа ќе го стори директорката на установата Симона Угриновска, рече премиерот Зоран Заев одговарајќи на пратенички прашања во Собранието. Штетата изнесува околу 4000 евра, а навивачката група на фудбалскиот клуб Шкупи, ја направи за време на прославата на Денот за албанската азбука на 22 ноември. Заев вели дека таа штета мора да се плати. Првиот дел од прославата беше во организација на владата, но тој завршил околу 20:30 часот... Читать дальше...

Рускиот опозициски политичар Алексеј Навални вели дека полицијата го отстранила од неговата канцеларија додека вршела претрес во седиштето на Фондацијата за борба против корупцијата. Навални на Твитер напиша дека никој не е приведен, само дека го извлекле од канцеларијата. Тој го објави твитот, откако неговата портпаролка рече дека тој е „насилно приведен и одведен“. Навални претходно рече дека властите на 23 декември му го киднапирале неговиот соработник, активистот Руслан Шавединов и го испратиле... Читать дальше...

Повеќе до 30 илјади полицајци се отпуштени од работа во Турција во рамки на борбата против организацијата на проповедникот Фетула Ѓулен, која турските власти ја сметаат за одговорна за обидот за пуч во 2016 година. Информацијата денеска ја потврди претседателот на Големото Народно собрание Мустафа Шентоп, кој зборуваше на церемонијата на доделување дипломи на новите полицајци на Полициската академија, при што изјави дека дури третина од отпуштените биле високи полициски службеници. Тој рече и дека 10.311 службеници се вратени на работа... Читать дальше...

Претседателот на Собранието Талат Џафери откри дека власта и опозицијата постигнале договор за 40 закони, но не и за Законот за одбрана. На 3 јануари, рече Џафери, треба да се заврши целата процедура за избор на техничка влада, а од кога тоа ќе се случи не е можно одложување на изборите.

На денешното рочиште за случајот за изборни нерегуларности „Титаник“ беше сослушан сведокот Ацо Стојанов кој донирал пари за политичката кампања на ВМРО-ДПМНЕ во 2011. Сведокот во 2011 година работел како советник во подрачно одделение на Министерството за финансии во Кочани. Тој рече дека донирал пари во повеќе наврати за ВМРО-ДПМНЕ.  Сведокот посочи дека во партијата има благајник, што ги прима донациите, а за донациите некогаш добивал каса прими, а некогаш не му давале. Прашан дали има потпишано уплатница во ВМРО-ДПМНЕ... Читать дальше...

По најавите на лидерот на ВМРО-ДПМНЕ Христијан Мицкоски дека ќе објави нови „бомби“, Заев го повика да пријави до институциите и рече дека „Бошко Буха во државата е само Зоран Заев“.

Со еднодневен прекин на работата, извршителите во државата покажуваат револт кон предложениот Тарифник со коj максималната награда за извршителот се намалува од 1000 на 300 евра. Граѓанските активисти пак, ја поздравуваат оваа владина иницијатива и предлагаат враќање на извршувањето во судовите.

Власта и опозицијата се согласиле без блокада да поминат 40 закони во Собранието, кои се врзани со примена од 1 јануари, рече претседателот на Парламентот, Талат Џафери, на денешниот брифинг со новинарите. Тој очекува тие да бидат изгласани на утрешната седница. Станува збор за закони од областа на финансии, социјала и здравство. Партиите сепак не постигнале договор за законот за одбрана. Пред пратениците се наоѓаат десетици закони, а премиерот Зоран Заев рече дека доколку не се донесат битните закони за граѓаните... Читать дальше...

Извршителите денеска протестираат со преки на работата, оти се незадоволни од новиот тарифник што го предлага Министерството за правда. Со новиот тарифник се предвидува намалување на наградата при извршување на парични побарувања од граѓани од 1.000 на 300 евра. Од Комората на извршители велат дека со повторното намалување на тарифата извршителските канцеларии се доведуваат во ситуација да немаат пари. Граѓани обединети во Иницијативата „Стоп за извршители“ веќе неколку месеци протестираа пред Министерството за правда. Читать дальше...

Демократската унија за интеграција констатира алармантна состојба во третата власт. Делегатите на четвртиот изборен Конгрес на партијата констатирале селективна правда, која, како што се наведува во соопштението од ДУИ е инспирирана од политиката, применета од обвинители и спроведена од судии со предрасуди од претходни системи, со застарени убедувања и коруптивни склоности. Делегатите го поддржуваат предлогот за ветинг, што подразбира двојна проверка на секој член на Демократската унија за интеграција и на секоја друга партија... Читать дальше...

Граѓаните велат дека е добро да се исфрлат од употреба пластичните ќеси, но оти проблемот со отпадот нема да се реши само со зголемување на цената на ќесите. Екологистите препорачуваат уште повисоки цени, а потoа и целосно исфрлање на пластичните ќеси и нивна замена со хартиени.

Најмалку шест авганистански војници загинаа во бомбашки напад во северната провинција Балх, соопштија локалните власти. Нападот кој се случил во утринските часови бил насочен кој воен комплекс. Првин експлодирала автомобил бомба, а потоа милитанти упаднале во комплексот, се вели во соопштението на Министерството за одбрана. Според Министерството станува збор за терористички напад. Милитантите и војниците се бореле неколку часа, пред милитантите да бидат совладани. Во нападот се повредени најмалку тројца војници. Читать дальше...