Во напад во Нигер загинаа 14 војници
Во напад на западот на Нигер загинаа 14 војници, соопшти тамошното Министерство за внатрешни работи. „Конвој со припадници на жандармеријата и националната гарда бил цел на заседа на терористи со тешко вооружување. По тешката борба, неколку луѓе загинаа и се ранети“, се наведува во соопштението, во кое се прецизира дека загинале 14 припадници на силите за безбедност. Областа каде што се случил нападот е близу до границата со Мали, каде што на 10 декември во напад на џихадистите беа убиени 71 војници.